უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
ტექნიკური უნივერსიტეტი სამივე საფეხურის სტუდენტებს დღეიდან ონლაინ ლექციებს სთავაზობს
საქართველოს ტექნიკური უნივერსიტეტი სამივე საფეხურის სტუდენტებს დღეიდან ელექტრონული სწავლების საუნივერსიტეტო პლატფორმაზე ახალ კომპონენტს - ონლაინ სალექციო ჩართვებს სთავაზობს.
ტექნიკური უნივერსიტეტის ბაკალავრებს, მაგისტრანტებსა და დოქტორანტებს ონლაინ ლექციები ელექტრონული სწავლების საუნივერსიტეტო პლატფორმაზე - elearning.gtu.ge-ზე ჩაუტარდებათ. ონლაინ ლეიქციები BBB და Zoom პლატფორმების მეშვეობით ხორციელდება. თითოეულ ონლაინ სალექციო სესიაზე მონაწილეობა, ანუ ერთდროულად ჩართვა 100-მდე სტუდენტს შეუძლია, ხოლო ერთდროულად შესაძლებელია 50-მდე პარალელური ონლაინ სესიის წარმართვა ასეთივე დასწრებით.
გარდა ამისა, ელექტრონულ პლატფორმაზე კვლავაც აიტვირთება სწავლების სამივე საფეხურის ყველა საგანმანათლებლო პროგრამის სალექციო კურსები და დავალებები.
საქართველოს ტექნიკური უნივერსიტეტის ვებგვერდზე www.gtu.ge და ფეისბუქის გვერდზე სტუდენტებისთვის განთავსებულია გზამკვლევი ვიდეორგოლების სახით, რომელთა მეშვეობით ელექტრონული პლატფორმით სარგებლობისა და ონლაინ ლექციებზე ჩართვის შესახებ ინსტრუქციების მიღებაა შესაძლებელი. ვიდეოინსტრუქციები, ასევე, ატვირთულია ელექტრონული სწავლებისა და youtube-ის საუნივერსიტეტო პლატფორმებზე.
ცნობისათვის, საქართველოს ტექნიკური უნივერსიტეტი ელექტრონული კომპონენტებით სწავლის პროცესზე მიმდინარე წლის 16 მარტიდან გადავიდა. მოქმედებს საუნივერსიტეტო ელექტრონული პლატფორმა elearning.gtu.ge საუნივერსიტეტო ელექტრონულ პლატფორმაზე ინტეგრაციას ტექნიკური უნივერსიტეტის სამივე საფეხურის სტუდენტები შეფერხების გარეშე გადიან. ამჟამად, პლატფორმაზე რეგისტრაცია სტუდენტთა 80%-ზე მეტმა გაიარა.
საქართველოს მთავრობის 23 მარტის #181-ე დადგენილების თანახმად, ახალი კორონავირუსის გავრცელების პრევენციის მიზნით, საქართველოში სასწავლო პროცესი, ნაცვლად 1 აპრილისა, 21 აპრილამდე გადაიდო.