უკან

უახლესი ამბები

დღის კალენდარი

ანონსები

არქივი

საზოგადოება

20 ივნისი, 2019 17:53
font-size

ტექნიკური უნივერსიტეტის პროფესორი რამაზ ქაცარავა მეცნიერებათა ეროვნული აკადემიის ნამდვილი წევრი გახდა

საქართველოს ტექნიკური უნივერსიტეტის ქიმიური ტექნოლოგიების ფაკულტეტის პროფესორი რამაზ ქაცარავა საქართველოს მეცნიერებათა ეროვნული აკადემიის ნამდვილ წევრად (აკადემიკოსი) აირჩიეს.

ცნობილი მეცნიერისთვის ,,მაღალმოლეკულურ ნაერთთა ქიმიის’’ სპეციალობით აკადემიკოსის ტიტულის მინიჭება საქართველოს მეცნიერებათა ეროვნულ აკადემიაში ფარული კენჭისყრით, მიმდინარე წლის 17 ივნისს მოხდა.

რამაზ ქაცარავამ მნიშვნელოვანი წვლილი შეიტანა თანამედროვე პოლიმერების ქიმიის განვითარებაში. მან შექმნა პოლიმერების სინთეზის ახალი, მესამე თაობის პოლიკონდენსაციური („აქტივირებული პოლიკონდენსაციის“) მეთოდი, რომელიც საერთაშორისო ლიტერატურაში მოიხსენიება როგორც ,,ქაცარავას მეთოდი’’. მან პირველმა შეიმუშავა აქტივირებულ-სილილური პოლიკონდენსაცია და მნიშვნელოვანი წვლილი შეიტანა ,,სილილური’’ და „კლიკ“-პოლიკონდენსაციების განვითარებაში. განსაკუთრებულად მნიშვნელოვანია ქაცარავას ფუძემდებლური კვლევები ბუნებრივი ამინომჟავების საფუძველზე უნიკალური პოლიმერების - ფსევდოპროტეინების შექმნაში, რომელიც ბიოდეგრადირებადი პოლიმერების მსოფლიო ოჯახში დღეს წამყვან პოზიციას იკავებს. ფსევდოპროტეინების გამოყენების პერსპექტივები და კომერციული პოტენციალი, დღეს, უდიდესია ბიომედიცინაში, ვეტერინარიაში, სოფლის მეურნეობასა და კვების მრეწველობაში.

რამაზ ქაცარავა ინტენსიურად თანამშრომლობს აშშ-ის, იაპონიისა და ევროპის წამყვან უნივერსიტეტებთან და კომპანიიებთან ფსევდოპროტეინების გამოყენებისათვის „გონიერი“ მასალების, წამლის მიწოდების პლატფორმის, მიკო და ნანოსისტემების, ბიოაქტიური პოლიკატიონების და განწოვადი ქირურგიული მასალების სახით.
რამაზ ქაცარავა, რომელსაც 2017 წელს საუკეთესო მეცნიერის საერთაშორისო წოდება მიენიჭა, საინჟინრო აკადემიის, ეკოლოგიურ მეცნიერებათა აკადემიის, საქართველოსა და ამერიკის ქიმიური საზოგადოებების, არაერთი სამეცნიერო ორგანიზაციისა და საერთაშორისო ჟურნალის რედკოლეგიის წევრია; დაჯილდო-ებულია ღირსების ორდენით, ინტელექტუალური საკუთრების საერთაშორისო ორგანიზაციის (WIPO) ოქროს მედლით, საქართველოს მეცნიერებათა აკადემიის საპატიო სიგელით მიღწევებისათვის ინოვაციების სფეროში, სვანტე არენიუსის საერთაშორისო პრიზით.

რამაზ ქაცარავა 450-ზე მეტი სამეცნიერო ნაშრომისა და პუბლიკაციის ავტორი და თანაავტორია, უცხოურ გამოცემებში გამოქვეყნებული აქვს 250-ზე მეტი პუბლიკაცია, მონაწილეობა აქვს მიღებული 100-ზე მეტ საერთაშორისო სამეცნიერო კონფერენციაში. მისი ხელმძღვანელობით გაზრდილია 11 მეცნიერებათა კანდიდატი, 20 აკადემიური დოქტორი და 1 მეცნიერებათა დოქტორი, 30 მაგისტრი და ორი PhD კონსულტანტი აშშ-ის კორნელის უნივერსიტეტში.

საქართველოს ტექნიკური უნივერსიტეტი ულოცავს ბატონ რამაზ ქაცარავას საქართველოს მეცნიერებათა ეროვნული აკადემიის ნამდვილ წევრად არჩევას და კიდევ მრავალ წარმატებას უსურვებს მეცნიერებისა და ინოვაციების მიმართულებით.

საქართველოში საწვავი გაძვირდა

20 ივლისი, 2019 , 13:46

საქართველოში, ბენზინგასამართი სადგურების დიდ ნაწილში საწვავი ხუთი თეთრით გაძვირდა. რეგულარი ტიპის საწვავის ფასი „გალფის“ ქსელში 2.54 ლარი გახდა, „სოკარ პეტროლეუმ ჯორჯიას“ ქსელში – 2.53 ლარი,

რუსთავი 2დან მე გამოვედი გამარჯვებული, მაგრამ დამარცხდა ჩემი სამშობლო - ნიკა გვარამია

20 ივლისი, 2019 , 13:16

რუსთავი 2-ის ყოფილი გენერალური დირექტორი ნიკა გვარამია სოცუალურ ქსელში განცხადებას ავრცელებს, რომელსაც უცვლელაფ გთავაზობთ. " მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხან

ჩხარტიშვილი-ხალვაშის ინტერესები - რეესტრის მონაცემები, რომლებიც ორი ბიზნესმენის ინტერესების არაერთ კვეთას ადასტურებს

20 ივლისი, 2019 , 12:07

„რუსთავი 2"-ის ახალი მფლობელი ქიბარ ხალვაში ბიძინა ივანიშვილთან დაახლოებული ბიზნესმენის, ვანო ჩხარტიშვილის უახლოესი პარტნიორია. საჯარო რეესტრის მონაცემები ადასტურებს, რომ ჩხარტიშვილი-ხალვაშის ინტერესები ბევრ კომპან

სამეთაურო-საშტაბო სწავლება „შამქორი 2019“ დასრულდა

20 ივლისი, 2019 , 10:41

უწყებათშორისი სამეთაურო-საშტაბო სწავლება „შამქორი 2019“ დასრულდა. სწავლების დახურვის ოფიციალური ცერემონიალი წვრთნებისა და სამხედრო განათლების მხარდამჭერ ცენტრ „კრწანისში“ გაიმართა. ბრიგადის გენერა

სტრასბურგის გადაწყვეტილება არის დასტური იმისა, რომ „ნაციონალური მოძრაობის“ რეჟიმის დროს ჩვენ არ გვქონდა სამართლებრივი სახელმწიფო -მამუკა ბახტაძე

19 ივლისი, 2019 , 16:03

სტრასბურგის სასამართლოს გადაწყვეტილება არის კიდევ ერთი დასტური იმისა, რომ „ნაციონალური მოძრაობის“ და სააკაშვილის რეჟიმის დროს ჩვენ არ გვქონდა სამართლებრივი სახელმწიფო და ადგილი ჰქონდა ადამიანების მკვლელობას,

კახეთის გზატკეცილის მიმართულებით ავტობუსების მარშრუტი იცვლება

19 ივლისი, 2019 , 15:54

კახეთის გზატკეცილზე, კაჩინსკის ქუჩიდან შერვაშიძის ქუჩამდე გზის მონაკვეთის რეაბილიტაცია იწყება. კახეთის გზატკეცილზე, ლეხ კაჩინსკის ქუჩიდან შერვაშიძის ქუჩამდე გზის მონაკვეთზე, 20 ივლისიდან დაახლოებით ორი თვის განმავლობაში

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს