უკან

უახლესი ამბები

დღის კალენდარი

ანონსები

არქივი

საზოგადოება

19 ნოემბერი, 2018 13:20
font-size

ტექნიკური უნივერსიტეტის საპატიო დოქტორის წოდება იტალიელ მეცნიერებს - ნობელის პრემიის ლაურეატ რიკარდო ვალენტინის და ჯუზეპე ერამოს მიენიჭათ

საქართველოს ტექნიკური უნივერსიტეტის საპატიო დოქტორის წოდება საერთაშორსო რანგის ორ იტალელ მეცნიერს, პროფესორ რიკარდო ვალენტინის და დოქტორ ჯუზეპე ერამოს მიენიჭა. საპატიო ჯილდოები საქართველოში, კერძოდ კი ტექნიკურ უნივერსიტეტში სამუშაო ვიზიტით მყოფ იტალელ მეცნიერებს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა გადასცა.

ნობელის პრემიის ლაურეატი რიკარდო ვალენტინი ტუსკიას (იტალია) უნივერსიტეტის პროფესორი და ხმელთაშუა ზღვის აუზის კლიმატის ცვლილების ცენტრის (CMCC) სტრატეგიული დირექტორია. დოქტორი ჯუზეპე ერამო კი ხმელთაშუა ზღვის აუზის ფუნდამენტური ფიზიკის ინსტიტუტის (MIFP) პრეზიდენტია. საქართველოს ტექნიკურ უნივერსიტეტთან ორივე მეცნიერს მრავლწლიანი მჭიდრო სამეცნიერო თანამშრომლობა აკავშირებთ.

ღონისძიებას, რომელიც უნივერსიტეტის ადმინისტრაციულ შენობაში, გ. ნიკოლაძის სახ. დარბაზში ჩატარდა, ტექნიკური უნივერსიტეტის ადმინისტრაცია, პროფესორ-მასწავლებლები, სტუდენტები და სხვადასხვა ქვეყნიდან ჩამოსული მკვლევარები ესწრებოდნენ.

არჩილ ფრანგიშვილმა პროფესორ რიკარდო ვალენტინისა და დოქტორ ჯუზეპე ერამოს საერთაშორისო სამეცნიერო მიღწევებზე ისაუბრა, ყურადღება გაამახვილა ტექნიკური უნივერსიტეტის მეცნიერთა და მკვლევართა კოლაბორაციის მნიშვნელობაზე იტალიელ მეცნიერებთან, ასევე იმ მჭიდრო სამეცნიერო ურთიერთობებზე ინოვაციების მიმართულებით, რაც ტექნიკურ უნივერსიტეტსა და ხმელთაშუა ზღვის აუზის ფუნდამენტური ფიზიკის ინსტიტუტს შორის წლების მანძილზე ჩამოყალიბდა. არჩილ ფრანგიშვილის თქმით, საქართველოს ტექნიკური უნივერსიტეტის მხრიდან იტალიელი მეცნიერებისთვის საპატიო დოქტორის წოდების მინიჭების წინაპირობა სწორედ ეს მრავალწლიანი ნაყოფიერი თანამშრომლობა გახდა.

„მოხარულები ვართ, რომ მოგვეცა შესაძლებლობა, ამ სახით გადაგვეხადა მადლობა პროფესორ რიკარდო ვალენტინისა და დოქტორ ჯუზეპე ერამოსთვის, მათი სამეცნიერო კოლაბორაციისთვის ჩვენს უნივერსიტეტთან, რაც არაერთი წელია გრძელდება. ნობელიანტი რიკარდო ვალენტინი ბიოფიზიკოსია და მნიშვნელოვანი სამეცნიერო კვლევების ავტორია. ის კლიმატის ცვლილების ექსპერტთა ჯგუფის - IPCC-ის წევრია. 2015 წელს მას „ევროპის საუკეთესო ეკოლოგის“ ტიტული მიენიჭა. მისი კვლევები დაკავშირებულია ეკოსისტემების ფართომასშტაბიან რეგიონულ შეფასებასათან და ძალიან ღირებულია მსოფლიო მასშტაბით. სწორედ მისი ხელმძღვანელობით მოხდა ეკოსისტემების მეტროლოგიური მონიტორინგის გლობალური ქსელის დანერგვა. მისი მონაწილეობით შესრულდა არაერთი პროექტი NASA-ს და ევროკომისიისთვის. ჩვენი უნივერსიტეტის მკვლევარები რიკარდო ვალენტინისთან ერთად ეკოსისტემის მონიტორინგის ისეთი ქსელის შექმნაზე მუშაობენ, რომელიც საქართველოს მოერგება და მისი დანერგვით ჩვენი ქვეყნისთვის არაერთი პრობლემა გადაიჭრება. ორივე მეცნიერი ჩამოსულია სამუშაო ვიზიტით. ვგეგმავთ, სხვადასხვა მიმართულებით ერთობლივი პროექტების შემუშავებას, მათ შორის HORIZON 2020-ში მონაწილეობისთვის. ეს კი ტექნიკურ უნივერსიტეტს საშუალებას მისცემს, განავითაროს და გააღრმავოს საერთაშორისო თანამშრომლობა კვლევისა და ინოვაციების დანერგვის მიმართულებით“, - განაცხადა არჩილ ფრანგიშვილმა.

როგორც სტუ-ის მეცნიერების დეპარტამენტის ხელმძღვანელმა, დავით თავხელიძემ აღნიშნა, ჯუზეპე ერამოს სამეცნიერო ინტერესები გამოყენებითი ფიზიკის საფუძველზე თანამედროვე მასალებისა და ტექნოლოგიების დანერგვას უკავშირდება.

„დოქტორი ერამო და ხმელთაშუა ზღვის ფუნდამენტური ფიზიკის ინსტიტუტის მეცნიერები მრავალი წელია თანამშრომლობენ ჩვენი უნივერსიტეტის მკვლევარებთან. ევროკომისიის დაფინანსებით რამდენიმე მნიშვნელოვანი ერთობლივი პროექტი გვაქვს შესრულებული და მათი დანერგვა წარმატებით შეიძლება მოხდეს სხვადასხვა დარგში. ამჟამად კი, უახლესი ტექნოლოგიებით, ე.წ. ახალი მასალებით დამზადებული მზის ენერგეტიკული პანელების გამოყენების საკითხებზე ვმუშაობთ“, - განაცხადა დავით თავხელიძემ.

ვიზიტის ფარგლებში, პროფესორმა რიკარდო ვალენტინიმ და დოქტორმა ჯუზეპე ერამომ ტექნიკური უნივერსიტეტის სამეცნიერო ჯგუფებთან რამდენიმე სამუშაო შეხვედრა ჩაატარეს, ასევე, სტუ-ის პროფესორ-მასწავლებლებისა და სტუდენტებისთვის წაიკითხეს საჯარო ლექციები ისეთ მნიშვნელოვან თემებზე, როგორიცაა: „გლობალური დათბობის გამოწვევები ახალ ათასწლეულში“ და „ხმელთაშუა ზღვის აუზის ფუნდამენტური ფიზიკის ინსტიტუტის მიმდინარე და პერსპექტიული სამეცნიერო კვლევები“.

საკვანძო სიტყვები:

როსტომ ჩხეიძე: ერთი ყალბისმქნელები შეიცვალნენ მეორე ყალბისმქნელებით

25 მაისი, 2019 , 22:58

მწერალი როსტომ ჩხეიძე სოციალურ ქსელში წერს: „მთელი საბჭოთა ეპოქის განმავლობაში საქართველოს დამოუკიდებლობის დღე გვაზეიმეს 25 თებერვალს, ნაცვლად 26 მაისისა. მთელი პოსტსაბჭოთა ეპოქის განმავლობაში საქართველოს დამოუკიდე

ნიკა გვარამიამ ნიჟარაძის მხარეს `რუსთავი2`-ის საგადასახადო დავალიანების დაფარვის პოლიტიკა გააცნო

25 მაისი, 2019 , 20:18

„რუსთავი2“ -ის ოფისში მიმდინარე პარტნიორთა კრება, რომელიც არხის 9-პროცენტიანი წილის მფლობელის - ნინო ნიჟარაძის, მოთხოვნით ჩაინიშნა, სამ საათზე მეტ ხანს გაგრძელდა. კრებაზე 3 საკითხი განიხილაეს, მათ შორის, ნიჟა

`რუსთავი2`-მა აუდიტორულ კომპანიასთან კომუნიკაციის მოსამზადებლად ერთთვიანი ვადა განსაზღვრა

25 მაისი, 2019 , 20:05

სამაუწყებლო კომპანია რუსთავი2-ის ოფისში პარტნიორთა კრება გაიმართა. მომდევნო შეხვედრა 29 ივნისს შედგება. რუსთავი2-ის 9%-იანი წილის მფლობელის, ნინო ნიჟარაძის, ერთ-ერთი სასარჩელო მოთხოვნა სამაუწყებლო კომპანიის ფინანსური დოკ

„ახალგაზრდა ადვოკატებმა“ აუქციონის გზით წილების გასხვისების ინიციატივა განიხილეს

25 მაისი, 2019 , 19:49

ორგანიზაცია „ახალგაზრდა ადვოკატების“ ახალი საკანონმდებლო წინადადებით, იურიდიული პირის - შეზღუდული პასუხისმგებლობის საწარმოსა და კომანდიტური საზოგადოების წილებზე საკუთრების უფლების შეძენა, შესაძლოა, მხოლოდ აუქ

მეტროს ვაგონებში წყალი ჩამოვიდა

25 მაისი, 2019 , 18:03

მეტროს ვაგონებში წყალი ჩამოვიდა. მატარებელმა წვიმის დროს დიდუბის სადგურზე გამოიარა. მეტროს ახალმა მოდერნიზებულმა ვაგონებმა წვიმას ვერ გაუძლო და წყალი ჩამოვიდა. კურიერის ინფორმაციით, ვაგონში წყალი ყველა მხრიდან ჩამოვ

თბილისში სეტყვაა მოსალოდნელი - ბუნებრივ მოვლენებზე აქტიური ზემოქმედების ცენტრი

25 მაისი, 2019 , 17:25

ბუნებრივ მოვლენებზე აქტიური ზემოქმედების ცენტრის ცნობით, თბილისში მოსალოდნელია სეტყვა. ამის შესახებ ცენტრის „ფეისბუქის“ გვერდზე არის აღნიშნული. ამასთან, ბუნებრივ მოვლენებზე აქტიური ზემოქმედების ცენტრის ინფორმ