უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
არქივი
მსოფლიო
ტერაქტებისგან დასაცავად ეიფელის კოშკის გარშემო ბარიერების აგებენ
პარიზში ადგილობრივმა ხელისუფლებამ გადაწყვიტა ეიფელის კოშკის ტერაქტების დასაცავად ზომები მიეღო.
კერძოდ, მიმდინარე წლის ბოლომდე ეიფელის კოშკის წინ აღმართავენ შუშის კედლებს, რომელთა სიმაღლეც ორნახევარი მეტრი იქნება და მათ კოშკის სამხრეთით და ჩრილოეთით განათავსებენ. პარიზის მერიაში იმედოვნებენ, რომ გამჭვირვალე კედლების წყალობით, ღირსშესანიშნაობა კვლავინდებურად პოპულარული იქნება ტურისტებში.
როგორც მერიაში აცხადებენ, ავტომობილებით განხორციელებული ტერაქტების თავიდან ასაცილებლად შუშის კედლების წინ დამატებით განთავსდება 420 დამცავი ჯებირი.
რაც შეეხება ეიფელის კოშკის დასავლეთ და აღმოსავლეთ მხარეებს, აქ ლითონის ბარიერებს დააყენებენ. ლითონის ბოძების სიმაღლე 3,24 მეტრი იქნება, რაც დაახლოებით 100-ჯერ ნაკლებია თავად ეიფელის კოშკის სიმაღლეზე.
ტერაქტებისგან დამცავი წინაღობების პროექტის განსახორციელებლად ადგილობრივი მთავრობა 35 მილიონი ევროს დახარჯვას გეგმავს. ბარიერების განთავსება უკვე დაწყებულია, თუმცა სამუშაობების დასასრულებლად კიდევ რამდენიმე თვეა გათვალისწინებული.
ნინო ექვთიმიშვილი