საზოგადოება

„თერგის“ შენობა ბაზრობის რამდენიმე ობიექტი „ჯი-პი-აი ჰოლდინგშია“ დაზღვეული

„თერგის“ ბაზრობის რამდენიმე ობიექტი და თავად შენობა „ჯი-პი-აი ჰოლდინგშია“ დაზღვეული. ამის შესახებ „მოამბესთან“ სადაზღვევო კომპანიის საზოგადოებასთან ურთიერთობის სამსახურის უფროსმა განაცხადა.

თინა სტამბოლიშვილის თქმით, დაზღვეულ ობიექტებს მოგვინებით დაათვალიერებენ და ზარალსაც დაითვლიან. ზარალის შეფასების თაობაზე კომპანიას სამმა ინდმეწარმემ და თავად შენობის მფლობელმა განცხადებით უკვე მიმართეს. საერთო ჯამში ქონების სადაზღვეო ღირებულება 3 მლ ლარამდეა.

„ზარალის დარეგულირების პროცესში გუშინ ღამევე ჩავერთეთ. თავად შენობის მფლობელს ჰქონდა დაზღვეული შენობა და ასევე, რამდენიმე მცირე მეწარმეს. მათი ქონება და მარაგები არის დაზღვეული. საერთო ჯამში, ქონების სადაზღვევო ღირებულება არის 3 მილიონ ლარამდე და ცხადია, ანაზღაურდება ამ სადაზღვევო თანხის ფარგლებში. როგორც კი მოგვეცემა იმის საშუალება, რომ შევაფასოთ მდგომარეობა, დავითვალოთ, კალკულაცია მოვახდინოთ, მაშინვე დავიწყებთ ზარალის ანაზღაურების პროცესს“, – განაცხადა თინა სტამბოლიშვილმა.

ცაბაძის ქუჩაზე, ბაზრობა „თერგში“ ხანძარი დაახლოებით ღამის 12:00 საათისთვის გაჩნდა. დამწვარია მინიმუმ 3000 კვ.მ. ფართობი.ხანძრის შედეგად არავინ დაშავებულა.

ცირა გურგენიძე