უკან

უახლესი ამბები

დღის კალენდარი

ანონსები

არქივი

სამართალი

10 აგვისტო, 2018 17:45
font-size

ტერორიზმის ხელშეწყობის საქმეზე მსჯავრდებული რუსლან შავაძე დაკავებულია

სახელმწიფო უსაფრთხოების სამსახურის კონტრტერორისტული ცენტრის თანამშრომლებმა, შინაგან საქმეთა სამინისტროს აჭარის პოლიციის დეპარტამენტის და განსაკუთრებულ დავალებათა დეპარტამენტის თანამშრომლებთან ერთობლივად ჩატარებული ოპერატიულ-სამძებრო ღონისძიებების შედეგად, 9 აგვისტოს, ბათუმში, ტერორიზმის ხელშეწყობის საქმეზე მსჯავრდებული, 1997 წელს დაბადებული, ძებნილი რუსლან შავაძე დააკავეს.

უწყების ინფორმაციით, თბილისის საქალაქო სასამართლოს 2018 წლის 27 ივლისის განაჩენით, რუსლან შავაძე ცნობილ იქნა დამნაშავედ უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში მისი დახმარებისათვის, საქართველოს სახელმწიფო საზღვრის ჯგუფურად უკანონოდ გადაკვეთისათვის.

რუსლან შავაძეს სასჯელის სახით დაუსწრებლად განესაზღვრა 13 წლით თავისუფლების აღკვეთა საქართველოს სისხლის სამართლის კოდექსის 328 მუხლით, 344 მუხლის პირველი და მეორე ნაწილებით.

ჩატარებული გამოძიებით და მოპოვებული მტკიცებულებებით დადგენილია, რომ ახმედ ჩატაევმა, იბრაგიმ ადაშევთან და რუსლან შავაძესთან ერთად, 2017 წლის 27 ოქტომბერს არალეგალურად გადმოკვეთა საქართველო-თურქეთის საზღვრის კირნათი-მარადიდის მწვანე ზოლის მონაკვეთი, რაშიც დახმარებას ასევე უწევდნენ მათი დანაშაულებრივი ჯგუფის სხვა წევრები, რომელთა მიმართაც თბილისის საქალაქო სასამართლოს მიერ გამოტანილი იქნა გამამტყუნებელი განაჩენი.

ახმედ ჩატაევი, იბრაგიმ ადაშევი და რუსლან შავაძე, მათივე დანაშაულებრივი ჯგუფის სხვა წევრებთან ერთად, დაბინავდნენ ქ.თბილისში ბერი გაბრიელ სალოსის გამზირზე, მათთვის თანამზრახველების მიერ წინასწარ შერჩეულ ბინაში, სადაც 2017 წლის 21-22 ნოემბერს ჩატარებული იქნა სპეცოპერაცია, რა დროსაც ლიკვიდირებული იქნა ორი ტერორისტი - იბრაგიმ ადაშევი და ასლანბეგ სოლტახმადოვი, ახმედ ჩატაევმა თავი აიფეთქა. დაკავებულ იქნა შოაიფ ბორზიევი.

აღნიშნული სპეცოპერაციის დროს დაიღუპა სახელმწიფო უსაფრთხოების სამსახურის სპეცდანიშნულების რაზმის თანამშრომელი ივანე გოლაშვილი. დაიჭრნენ სახელმწიფო უსაფრთხოების სამსახურის და შინაგან საქმეთა სამინისტროს თანამშრომლები.

რუსლან შავაძემ სპეცოპერაციის დაწყებამდე რამოდენიმე საათით ადრე საცხოვრებელი ბინა დატოვა და მიიმალა. გამოძიების მსვლელობის პროცესში იგი დაუსწრებლად იქნა მიცემული პასუხისგებაში, გამოცხადებული იქნა ძებნა და მიმდინარეობდა აქტიური სამძებრო ღონისძიებები მისი დაკავების მიზნით.

არსებული ინფორმაციით, რუსლან შავაძემ 2016 წლის სექტემბერში, მწვანე ზოლის გამოყენებით სოფელ მარადიდის მონაკვეთზე უკანონოდ გადაკვეთა საქართველოს სახელმწიფო საზღვარი და გადავიდა თურქეთის ტერიტორიაზე. რუსლან შავაძე მალევე შეურთდა სირია-ერაყის ტერიტორიაზე მყოფ ახმედ ჩატაევის დაჯგუფებას და მონაწილეობას იღებდა საბრძოლო მოქმედებებში.

გარკვეული პერიოდის შემდეგ, როდესაც ახმედ ჩატაევმა დატოვა სირია-ერაყის ტერიტორია, რუსლან შავაძეც მასთან ერთად გადავიდა თურქეთის რესპუბლიკაში.

სახელმწიფო უსაფრთხოების სამსახურის კონტრტერორისტულ ცენტრში არსებულ სისხლის სამართლის საქმეზე საგამოძიებო მოქმედებები გრძელდება.

ეკა გიგაურმა მუქარის შემცველი შეტყობინების მიღების გამო პროკურატურას მიმართა

16 ოქტომბერი, 2018 , 17:51

არასამთავრობო ორგანიზაცია „სერთაშორისო გამჭვირვალობა — საქართველოს“ აღმასრულებელმა დირექტორმა, ეკა გიგაურმა მუქარის შემცველი შეტყობინების მიღების გამო პროკურატურას მიმართა. ორგანიზაციის განცხადების თანა

ელისო კილაძის ინფორმაციით, მირზა სუბელაინის ჩანაწერში ნახსენები ნაკაიძე ბერა ივანიშვილის პროდიუსერია

16 ოქტომბერი, 2018 , 17:30

პროკურატურის მიერ გავრცელებულ ფარულ ჩანაწერში, სადაც მირზა სუბელიანი ზაზა სარალიძის შესახებ საუბრობს, ამბობს, რომ სარალიძემ რამდენიმე პირისგან ფული აიღო, მათ შორისაა ნახსენები ნაკაიძე. ჩანაწერის აღნიშნულ მონაკვეთს ჟურნალ

ომბუდსმენის მოადგილე მოუწოდებს იმ პირებს, რომლებსაც ინფორმაცია აქვთ მოწმეზე ზემოქმედებასა ან ვინმეს წამების უკანონო ფაქტებზე, მიმართოს სახალხო დამცველის აპარატს

16 ოქტომბერი, 2018 , 17:30

სახალხო დამცველის აპარატი მოუწოდებს იმ პირებს, რომლებსაც ინფორმაცია აქვთ ისეთ უკანონო ქმედებებზე, როგორიც არის მოწმეზე ზემოქმედება ან ვინმეს წამება, მიმართოს სახალხო დამცველის აპარატს. როგორც ჟურნალისტებს ომბუდსმენის მოა

მირზა სუბელიანს დღეს დილით კონსულტაცია გაუწიეს ფსიქოლოგმა და ფსიქიატრმა - სპეციალური პენიტენციური სამსახური

16 ოქტომბერი, 2018 , 15:25

სპეციალური პენიტენციური სამსახური ადასტურებს, რომ გუშინ საღამოს ბრალდებულ მირზა სუბელიანის მხრიდან სუიციდის მცდელობას ჰქონდა ადგილი, რაც სასჯელაღსრულების დაწესებულების ადმინისტრაციის მიერ დროულად აღიკვეთა. „მოცემულ

პროკურატურა სუბელიანი-ჯაფარიძის მორიგ ფარული ჩანაწერს ასაჯაროებს (ვიდეო)

16 ოქტომბერი, 2018 , 14:45

საქართველოს პროკურატურამ 2018 წლის ივლისის თვეში ჩაწერილი ფარული აუდიოჩანაწერი გაასაჯაროვა, რომელშიც სავარაუდოდ პროკურატურის ყოფილი მაღალჩინოსნის, ამჟამად პატიმრობაში მყოფი მირზა სუბელიანისა და უმრავლესობის დეპუტატის ვიქ

სახალხო დამცველმა საპროტესტო აქციების დროს კარვების გამოყენებაზე საკონსტიტუციო სასამართლოს სარჩელით მიმართა

16 ოქტომბერი, 2018 , 14:45

სახალხო დამცველმა საპროტესტო აქციების დროს კარვების გამოყენების საკითხზე საკონსტიტუციო სასამართლოს სარჩელით, სასამართლოს კი სასამართლოს მეგობრის მოსაზრებით მიმართა. სახალხო დამცველის მიერ გავრცელებულ განცხადებაში აღნიშნუ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`