სამართალი

ტერორიზმის საქმის სასამართლო პროცესი სრულად დაიხურა

თბილისის საქალაქო სასამართლოში ტერორიზმის საქმის არსებითი განხილვა დღეს დაიწყო.

მხარეები სასამართლოს წინაშე შესავალი სიტყვით გამოვლენ.

მოსამართლემ ბრალდების მხარის შუამდგომლობა დააკმაყოფილა და სასამართლო პროცესი სრულად დახურა.

პროცესის დახურვის შუამდგომლობა ბრალდების მხარემ რამდენიმე არგუმენტით ახსნა. მათ შორის იმით, რომ საქმე ეხება ტერორისტულ საქმიანობას და მის ხელშეწყობას. პროკურორების მტკიცებით, საქმე პერსონალურ მონაცემებსაც შეიცავს.

პროკურორ ნანა ხუნჯუას განცხადებით, მტკიცებულებებს შორისაა საექსპერტო დასკვნები, სატელეფონო ჩანაწერები და ვიდეომასალა, რომელიც დაკავებულთა ბრალეულობას ადასტურებს .

ცნობისათვის, ტერორისტული ორგანიზაციის წევრობას გამოძიება ორ პირს ედავება, ხოლო ოთხს ტერორისტული ორგანიზაციის წევრთა ხელშეწყობას. მათგან ერთი მიმალვაშია.

დაკავებულები გასული წლის ნოემბერსა და დეკემბერში თბილისა და პანკისის ხეობაში ჩატარებული სპეცოპერაციის დროს აიყვანეს.