უკან

უახლესი ამბები

დღის კალენდარი

ანონსები

არქივი

საზოგადოება

11 ივლისი, 2020 23:34
font-size

„თიბისი ბანკი“ პროკურატურის კრიმინალური ქმედების გამტარი იყო - ვანო ჩხარტიშვილი

ბიზნესმენი ვანო ჩხარტიშვილი აცხადებს, რომ წინა ხელისუფლების დროს, „თიბისი ბანკი“ იყო „ერთ-ერთი ძალიან სერიოზული ინსტიტუცია, პროკურატურის კრიმინალური, დანაშაულებრივი ქმედების გამტარი“. ამის შესახებ ვანო ჩხარტიშვილმა „რუსთავი 2“-ის ეთერში განაცხადა.

„არ ვამბობ, რომ მამუკა ხაზარაძეს უნდოდა ჩემი აქტივების წართმევა და ვერც წამართმევდა. უბრალოდ, ბანკი იყო გამოყენებული ძალიან ბევრ საქმეში, არა მარტო ჩემს საქმეში. სამწუხაროდ, ისეთი ფაქტები არსებობს, როცა მაგალითად, ადამიანებს ციხეებში აწერინებდნენ ხელს და აღებინებდნენ კრედიტებს. მაგალითად, ბანკი „კონსტანტა“, მისი დირექტორი მიიყვანეს ბანკში ღამის 12:00 საათზე, მოაწერინეს ხელი, ააღებინეს 13 მილიონი კრედიტი, ეს ფული წაიღო მთავრობამ და ბანკი შეიძინა „თიბისი ბანკმა“. ამის შემდეგ, იმ ბანკს ლიკვიდაცია გაუკეთა და ა.შ.“ – აცხადებს ვანო ჩხარტიშვილი.

ჩხარტიშვილის თქმით, ასე მოხდა მისი და ბიზნესმენ ბადრი პატარკაციშვილის წისქვილკომბინატის შემთხვევაში. მისივე თქმით, პროკურატურას გადაწყვეტილი ჰქონდა, რომ ის კონკრეტული პირისთვის მიეყიდათ და სხვა არავინ მიუშვეს აუქციონზე.

„ერთ დღეს, წისქვილკომბინატი აუქციონით გაიყიდა, იყიდა ბანკმა და შემდეგ შემოვიდა ახალი მესაკუთრე კოკი ოსიპოვი“, – აცხადებს ვანო ჩხარტიშვილი.

ჩხარტიშვილის თქმით, ოსიპოვი, რომელმაც მისთვის ჩამორთმეული ქონება შეიძინა, მორალურად სწორად მოიქცა.

„ოსიპოვი ლონდონში როცა იყო ჩამოსული ჩემთან, მითხრა, რომ ეს დაავალეს და შემომთავაზა პარტნიორობა, რაზეც მე უარი ვუთხარი. ვუთხარი, დააბრუნე ეს ქონება-მეთქი. ვინ დაავალა, არ უთქვამს, მაგრამ ჩემი ინფორმაციით, ეს მერაბიშვილმა დაავალა. ამის შემდეგ, ჩამოვდივარ თბილისში, ვხვდები მამუკა ხაზარაძეს. მე მას ვუთხარი, ვინც მონაწილეობდა ამ საქმეში, ყველას გადავუხდი ფულს და დავაბრუნოთ ეს ქონება უკან-მეთქი. ბატონმა მამუკამ თქვა, მე ეს ქონება საბაზრო პრინციპებით გავყიდეო. მე ვუთხარი, სასამართლოში ხომ არ წავალთ, უხერხულია, მარტო მე ხომ არ ვარ, ასეთი სიტუაციაა-მეთქი. ანუ, ხაზარაძემ არ აღიარა ყველაზე მთავარი ამბავი, რომ მას ზეწოლით, თხოვნით, თავისი ნებით სახელმწიფოსთან იყო გარიგებაში და ამით ახდენდა ყველა ამ დეტალის რეგისტრაციას და ქონების ჩამორთმევას“, – განაცხადა ვანო ჩხარტიშვილმა.

მეხანძრე-მაშველებმა რუსთავში, ცეცხლმოკიდებული კორპუსიდან ბავშვები გამოიყვანეს

22 იანვარი, 2021 , 17:41

რუსთავში საცხოვრებელ კორპუსში გაჩენილი ხანძარი ამ დროისთვის ლიკვიდირებულია. შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შევიდა შეტყობინება, რომ რუსთავში, მე-7 მიკრო რაიონში ერთ-ერთ საცხოვ

1 აშშ დოლარის ოფიციალური ღირებულება 3. 3044 ლარი გახდა

22 იანვარი, 2021 , 17:20

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.3044 ლარი შეადგინა. კურსი, რომელიც დღეს მოქმედებდა, 3.3010 ლარი იყო. შესაბამისად, დოლარის ცვლილებამ ეროვნულ

ახლა ვართ სტატისტიკურად პლატოს პერიოდში - თამარ გაბუნია

22 იანვარი, 2021 , 17:20

იანვრის შუა რიცხვებში მაინც იყო მცირედი მატება. ახლა ვართ სტატისტიკურად პლატოს პერიოდში, – ამის შესახებ ჯანდაცვის მინისტრის მოადგილემ თამარ გაბუნიამ გასული წლის დეკემბერში რეგულაციების შემსუბუქების შედეგების შესახე

„გამჭოლი მზერით მიყურებდა და მეც ვუყურებდი მას გამჭოლი მზერით“ - გიორგი გაბუნიას საქმეზე ბრალდებული ვასამბეგ ბოკოვის საქმის არსებითი განხილვა გრძელდება

22 იანვარი, 2021 , 17:20

თბილისის საქალაქო სასამართლოში გიორგი გაბუნიას საქმეზე ბრალდებული ვასამბეგ ბოკოვის საქმის არსებითი განხილვა გრძელდება. დღევანდელ სხდომაზე ბრალდების მხარის მოწმეები დაიკითხნენ, მათ შორის გიორგი გაბუნია, ნიკა გვარამია და რ

საქართველოში გეოგრაფიული აღნიშვნების კომისია იქმნება

22 იანვარი, 2021 , 16:10

საქართველოში ახალი გეოგრაფიული აღნიშვნებისა და ადგილწარმოშობის დასახელებების რეგისტრაციაზე, მათი კანონმდებლობასთან შესაბამისობის დადგენაზე პასუხისმგებელი ორგანო - გეოგრაფიული აღნიშვნების ეროვნული კომისია ყალიბდება,- ამის

უწყებათაშორისმა საკოორდინაციო საბჭომ ქვეყანაში დღეს მოქმედი შეზღუდვების ეტაპობრივი მოხსნის გეგმა დაამტკიცა

22 იანვარი, 2021 , 15:40

ქვეყანაში დღეს მოქმედი შეზღუდვების ეტაპობრივი მოხსნის გეგმა დაამტკიცა უწყებათაშორისმა საკოორდინაციო საბჭომ დღევანდელ სხდომაზე, რომელიც პრემიერ-მინისტრ გიორგი გახარიას ხელმძღვანელობით, მთავრობის ადმინისტრაციაში გაიმართა.