უკან

უახლესი ამბები

დღის კალენდარი

ანონსები

არქივი

მსოფლიო

11 აპრილი, 2017 15:00
font-size

თინა ხიდაშელი-ლევან იზორიას: რამე ახალ, კარგ იდეას რომ შემოგვთავაზებთ აუცილებლად დაგიჭერთ მხარს

საქართველოს ყოფილი თავდაცვის მინისტრი თინა ხიდაშელი, მოქმედი მინისტრის ლევან იზორიას პარლამენტის თავდაცვისა და უშიშროების კომიტეტში დღევანდელ გამოსვლას გამოეხმაურა.

თინა ხიდაშელმა Facebook-ის პირად გვერდზე პუნქტობრივად შეეხო მოქმედი მინისტრის მოხსენებას, რასაც მედიანიუსი უცვლელად გთავაზობთ.

„1. რეზერვის და მობილიზაციის კონცეფცია ჩემი მინისტრობის დროს არის შემუშავებული და ჩემი ხელმოწერით გაიგზავნა როგორც უშიშროების საბჭოში, ასევე მთავრობაში. ის გენშტაბის შესაბამისი ოფიცრების მრავალწლიანი შრომის შედეგია, რომელსაც ჩვენ მხარი დავუჭირეთ, უფრო განვავრცეთ და დოკუმენტად ვაქციეთ.

სამწუხაროდ, ადამიანი რომელსაც ლომის წილი მიუძღვის მის შექმნაში დღეს ჯარში აღარ მსახურობს. კონცეფციის შემუშავების პროცესში რამდენიმე ათეული საჯარო შეხვედრა გავმართეთ, განსაკუთრებით ბევრი სტუდენტებთან სხვადასხვა უნივერსიტეტებში და მაქსიმალურად შევუსაბამეთ იმ ინტერესებს რომელიც ამ შეხვედრების დროს გამოითქვა იმათ მიერ ვისაც ყველაზე მეტად შეეხება მომავალში. ასევე განვიხილეთ კომიტეტთან ერთად ორჯერ. საწყის და დასკვნით ეტაპზე.

ისე რომ ძალიან უხერხულია კომიტეტის თავმჯდომარის განცხადებები, მაგრამ არა გასაკვირი.
2. ვარსკვლავიანი შტატების გაუქმების გადაწყვეტილება სტრატეგიულ დონეზე ირაკლი ალასანიას მინისტრობის დროს იყო მიღებული, ხოლო რეალურად მისი მოქმედება და განხორციელება ჩემი მინისტრობის დროს განხორციელდა.

მადლობა, ბატონ იზორიას, რომ ეს პროცესი არ გააჩერა, თუ არ გააჩერა. სრული ინფორმაციის არ ქონის პირობებში რთულია იმის თქმა რამდენად სწორად და სამართლიანად წარიმართა პროცესი ჩვენს შემდეგ.
თუმცა ცალსახად ვადასტურებ, რომ სწორედ ჩვენ დავიწყეთ ეს პროცესი, მისი 80 პროცენტი დასრულებული იყო და სწორია ბატონი იზორია, თუკი ის ბოლომდე მიიყვანა.

3. პირამიდა, რომელზეც ბატონი იზორია საუბრობდა დღეს, სამწუხაროდ, სწორედ ქართული ოცნების ხელისუფლებაში ყოფნის დროს დამახინჯდა მნიშვნელოვნად. ყველა მანამდელი პროცესი, რომელიც სააკაშვილის ხელისუფელბის დროს იყო ამ თვალსაზრისით 20-მაგად და მეტად გაუარესდა და ჩემი მინისტრობის დროს დავიწყეთ იმ ტიპის რეფორმა, რომელიც უზრუნველყოფდა რომ ვარსკვლავიანი კადრები და პოლკოვნიკები უფრო მეტი არ ყოფილიყო ჯარში, ვიდრე ე.წ. ხიშტი. ამ პროცესის გაგრძელება სწორია და მისასალმებელი და იმედია ამ გზაზე შეფერხება აღარ იქნება.

სამწუხაროდ, ადამიანი, რომელიც ყველაზე კომპეტენტურია ამ საქმეში და ვისი პრინციპულიც პოზიციაც დღეს ყველაზე მეტად ჭირდება რეფორმის წარმატებას, აღარ მუშაობს გენშტაბში.

4. თუმცა იმისათვის რომ პირამიდის ფუნდამენტური პრობლემები მოგვარდეს აბსოლუტურად სავალდებულოა საკონკტრაქტო სამსახურში გაწვევა.

სრული პასუხისმგებლობით ვაცხადებ, რომ ერთ ერთი მთავარი მიზეზი იაერარქიული ამოტრიალების და მახინჯი პირამიდის ჯარის ე.წ. ჩუმი შემცირების პოლიტიკა იყო, რომელიც ჩემმადე ხორციელდებოდა. „ოცნების“ ხელისუფლებაში ყოფნის 3 წლის მანძილზე საკონტრაქტო სამსახურში გაწვევა არ მომხდარა, შესაბამისად, არ მომხდარა ჯარის შევსება და შესაბამისად, მივიღეთ ის უზარმაზარი პრობლემა რომელიც მე დამხვდა.

ჩემი მინისტრობის დროს მოხდა პირველი გაწვევა საკონტრაქტო სამსახურში და ჩვენს მას კამპანიის ხასიათი მივეცით მეტი ახალაგაზრდის დაინტერესებისა და მოზიდვის მიზნით. ჩვენ 3 ციკლი მოვასწარით და დავტოვეთ გეგმა როგორ უნდა მომხდარიყო შევსება.

სამწუხაროდ, ინფორმაცია საჯაროდ ხელმისაწვდომი არ არის შემდეგი ნაბიჯების შესახებ. არადა უმნიშვნელოვანესია ვიცოდეთ რამდენი ადამიანით შეივსო შეუარაღებული ძალები 2017 წლის შემოდგომა-ზამთარში?

პირამიდის მოწესრიგება მხოლოდ ამ ფორმით არის შესაძლებელი.

ბრიგადის გაუქმება / არ გაუქმება სიტყვებით თამაშია ორივე მხრიდან. რეალურად ქაღალდზე რომ გვიწერია, მთავრსარდალი რომ წარადგენს და პარლამენტი რომ ამტკიცებს, შესაბამისად, ქვეყანას განცხადებული აქვს რომ ამხელა ჯარი სჭირდება, იმხელაა ეს ჯარი თუ არა ეს არის მთავარი. დანარჩენი, რამდენი ბრიგადა იქნება და სად განლაგებული ეს უმნიშვნელოვანესი, მაგრამ სხვა ტიპის საკითხებია.

5. განათლების მინისტრთან ერთად იდეა გვაქვსო მეტი პატრიოტიზმი შევიტანოთ სკოლებშიო.

ორი მინისტრის წინამორბედებს ამგვარ შეთანხმებაზე ხელი უკვე მოწერილი აქვთ. 2015 წლის 8 აგვისტოს მოვაწერეთ ხელი მემორანდუმზე, და ორივე სამინისტროს ერთობლივი გუნდი მუშაობდა პროგრამაზე.
აქვე დავამატებ, რომ ამ იდეის განსახორციელებლად მუნიციპალიტეტებთანაც ვმუშაობდით ადგილობრივი მხარდაჭერისთვის, განსაკუთრებით, იმ ქალაქებსა და სოფლებში, სადაც თანამედროვე საქართველოს გმირები გაიზარდნენ და გირჩევთ ეს მიმართულებაც გააგრძელოთ.

6. Army Card - საშეღავათო ბარათი ჯარისთვის, ასევე, ჩვენ შევქმენით და გავაკეთეთ შეიარაღებულ ძალებში სამსახურის წასახალისებლად. კარგია, რომ ეს პროექტი არ გადააგდეთ, მოგეწონათ და აგრძელებთ.

7. დელტას ხელმძღვანელი.საქმე პროკურატურაში უნდა გაგზავნილიყო. ტყუილია მინისტრის მტკიცება, რომ სასამართლომ დაადგინა დარღვევები. სასამართლოს ასეთ გადაწყვეტილება არ არსებობს. ვერც იარსებებს, იმიტომ რომ მორიგება შედგა. ანუ სამინისტრომ თავად აღიარა დარღვევა და შეუთანხმდა ამ პირს. ამაში პრობლემა არაფერია თავისთავად. ბატონ იზორიას შეუძლია ვისაც უნდა იმას მოურიგდეს ან გაურიგდეს, ეს მისი პრეროგატივაა, უბრალოდ, ტყუილის თქმა არ არის საჭირო ამ გზაზე. სულ ეს არის. დელტას ხელმძღვანელის საკითხი ბოლოს იმიტომ დავწერე, რომ ყველაზე ნაკლებად მნიშვნელოვანია იმ ყველაფრიდან, რაც დღეს კომიტეტზე თქმულა. და თქვენ რომ არ გეკითხათ არც კი მივაქცევდი ყურადღებას.

8. რამე ახალ, კარგ იდეას რომ შემოგვთავაზებთ აუცილებლად დაგიჭერთ მხარს და სხვებსაც მოვუწოდებთ მხარდაჭერისთვის. ჩვენს კარგ იდეებს რომ გააგრძელებთ, ამაშიც დაგიჭერთ მხარს, იმიტომ რომ ზუსტად ისევე მნიშვნელოვანია მათი გაგრძელება, როგორც დაწყება იყო მნიშვნელოვანი.

9. და ბოლოს, მნიშვნელოვანი ამბები რომელზეც პასუხი გასაცემია:
- დაიწყო თუ არა ფრანგული კონტრაქტის შესაბამისად ფულის გადახდა, წელს უნდა დაწყებულიყო?
- როგორია 2017 წელს კონტრაქტით გასაწვევი კონტინგენტის რაოდენობა?
- რა დაემართა გენინსპექციის დასკვნას "დელტაზე", რომელიც გრიფიანია და ამიტომ მასზე ვერ ვისაუბრებ, მაგრამ არსებობს და იქ გამოაშკარავებული დარღვევები პასუხგასაცემია?“,- წერს თინა ხიდაშელი.

მონიკა დავლიანიძე

საკვანძო სიტყვები:

რუსეთი: კორონავირუსის 6 635 ახალი შემთხვევა და 174 გარდაცვლილი პაციენტი

10 ივლისი, 2020 , 13:20

რუსეთში ბოლო დღე-ღამის განმავლობაში კორონავირუსის 6 635 ახალი შემთხვევა გამოვლინდა და დაინფიცირებულთა საერთო რაოდენობა 713 936-მდე გაიზარდა. კორონავირუსით ქვეყანაში კიდევ 174 ადამიანი გარდაიცვალა და ვირუსით დაღუპულთა რიც

სომხეთი: კორონავირუსის 557 ახალი შემთხვევა და 11 გარდაცვლილი პაციენტი

10 ივლისი, 2020 , 12:15

სომხეთში, ბოლო დღე-ღამეში კორონავირუსის 557 ახალი შემთხვევა გამოვლინდა და დაინფიცირებულთა საერთო რაოდენობა 30 903 -მდე გაიზარდა. ქვეყანაში „კოვიდ-19“-ს კიდევ 11 ადამიანის სიცოცხლე ემსხვერპლა და დაღუპულთა საერ

სომხეთი: კორონავირუსის 526 ახალი შემთხვევა, 14 გარდაცვლილი პაციენტი

9 ივლისი, 2020 , 12:30

სომხეთში, ბოლო დღე-ღამეში კორონავირუსის 526 ახალი შემთხვევა გამოვლინდა და დაინფიცირებულთა საერთო რაოდენობა 30 346-მდე გაიზარდა. ქვეყანაში „კოვიდ-19“-ს კიდევ 14 ადამიანის სიცოცხლე ემსხვერპლა და დაღუპულთა საერთ

რუსეთი: კორონავირუსის 6 509 ახალი შემთხვევა, 176 გარდაცვლილი პაციენტი

9 ივლისი, 2020 , 12:30

რუსეთში ბოლო დღე-ღამის განმავლობაში კორონავირუსის 6 509 ახალი შემთხვევა გამოვლინდა და დაინფიცირებულთა საერთო რაოდენობა 707 301 -მდე გაიზარდა. კორონავირუსით ქვეყანაში კიდევ 176 ადამიანი გარდაიცვალა და ვირუსით დაღუპულთა რი

სომხეთი: კორონავირუსის 535 ახალი შემთხვევა, 18 გარდაცვლილი პაციენტი

8 ივლისი, 2020 , 12:50

სომხეთში ბოლო დღე-ღამის განმავლობაში კორონავირუსის 535 ახალი შემთხვევა გამოვლინდა, გარდაიცვალა 18 ინფიცირებული. 8 ივლისის მდგომარეობით, სომხეთში ოფიციალური მონაცემებით, რეგისტრირებულია „კოვიდ-19“-ის 29 820 შე

სომხეთი: კორონავირუსის 330 ახალი შემთხვევა, 7 პაციენტი გარდაცვლილი

6 ივლისი, 2020 , 12:15

სომხეთში, ბოლო დღე-ღამეში კორონავირუსის 330 ახალი შემთხვევა გამოვლინდა და დაინფიცირებულთა საერთო რაოდენობა 28 936-მდე გაიზარდა. გასული დღე-ღამის განმავლობაში ქვეყანაში „კოვიდ-19“-ს კიდევ 7 ადამიანის სიცოცხლე

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე