პოლიტიკა

თინა ხიდაშელი და პაატა ზაქარეიშვილი მინისტრები აღარ არიან - დავით ბერძენიშვილი

რესპუბლიკური პარტიის წევრის დავით ბერძენიშვილის განცხადებით, რესპუბლიკური პარტია და რესპუბლიკელი მინისტრები საზოგადოებისთვის მიცემულ პირობას ასრულებენ.

ამის შესახებ ბერძენიშვილმა ჟურნალისტებს დღევანდელ მთავრობის სხდომაზე პაატა ზაქარეიშვილისა და თინა ხიდაშელის გამოუცხადებლობის მიზეზის განმარტებისას განაცხადა.

„დავით უსუფაშვილმა პარტიის ოფისში თქვა, რომ ჩვენი მინისტრები ბოლო ვიზიტებს დაამთავრებენ და მერე აღარ იქნებიან მინისტრები. თინა ხიდაშელს ჰქონდა ძალიან მნიშვნელოვანი ვიზიტი ამერიკის შეერთებულ შტატებში, პაატა ზაქარეიშვილს - გერმანიაში. ორივე ჩამოვიდა, ბუნებრივია, არც ერთი არ ყოფილა დღეს მთავრობის სხდომაზე. ისინი ასრულებენ იმ პირობას რაც ჩვენ რესპუბლიკურმა პარტიამ და თავად მინისტრებმა საზოგადოებას მივეცით. ისინი საარჩევნო პოლიტიკურ პროცესში იქნებიან ჩართული და არის რამდენიმე დღიანი პროცედურა, რომელიც არის დასამთავრებელი, გასავლელი. ისინი მინისტრები აღარ არიან“,-განაცხადა დავით ბერძენიშვილმა.