უკან

უახლესი ამბები

დღის კალენდარი

ანონსები

არქივი

კომენტარი

22 მარტი, 2019 17:25
font-size

თითოეულ პოლიციელთან და სამინისტროს გუნდთან ერთად ველოდით შინაარსობრივ საუბარს -გიორგი გახარია

საქართველოს პარლამენტის პლენარულ სხდომაზე პრემიერ-მინისტრის გამოსვლის და დეპუტატების შეფასებების შემდეგ გიორგი გახარიამ ჟურნალისტების კითხვებს უპასუხა. შინაგან საქმეთა მინისტრმა განაცხადა, რომ სამინისტროს გუნდთან ერთად, თითოეულ პოლიციელთან ერთად, ის დღესაც პარლამენტში ელოდებოდა შინაარსობრივ საუბარს, ნაცვლად ამისა გამოითქვა მხოლოდ პოლიტიკური განცხადებები, რაც მისაღებია ასევე.

"სამწუხაროდ, ჩემი აქ ყოფნა, ისევე, როგორც პრემიერის, განპირობებული იყო სერიოზულ თემაზე, სერიოზული საუბრისთვის, თუმცა ეს იყო გარკვეული პოლიტიკური ინტერპრეტაციების ველი, ეს ყველას არჩევანია. რაც შეეხება კრიმინოგენულ მდგომარეობას: ზუსტად 1 წლის წინ, როდესაც ჩვენ მივედით შინაგან საქმეთა სამინისტროში, სრული პასუხისმგებლობით და ზუსტად ვიცოდით ამას რა მოჰყვებოდა. ვთქვით, რომ იმისთვის, რომ პრობლემა მოვაგვაროთ, ეს პრობლემა ობიექტურად უნდა შევაფასოთ. სწორედ ამიტომ, ავიღეთ ვალდებულებად და ამას ბევრი არ იჯერებდა, რომ ჩვენ პირველ ნაბიჯს რასაც გადავდგამთ, ეს იქნება სტატისტიკის სრულყოფილი, სრული გამოქვეყნება - რაც დავიწყეთ და გავაკეთეთ.

გარწმუნებთ, რომ მაშინ სრულად ვიაზრებდით რამხელა პოლიტიკურ ინსტრუმენტს და რამხელა წნეხის საშუალებას ვაძლევდით ოპონენტებს, მაგრამ ეს გავაკეთეთ, იმიტომ, რომ სხვანაირად პრობლემის სისტემური მოგვარება არა მოკლევადიანი, არამედ გრძელვადიანი მიდგომით შეუძლებელია.

რაც შეეხება დღევანდელ მდგომარეობას: პირველი და აქ ობიექტურად უნდა ვთქვათ, რომ მძიმე დანაშაულში ჩვენ გვაქვს ან უცვლელი მონაცემები, ან კლება, ისეთი დანაშაული, როგორიც არის მკვლელობა, დამამძიმებელ გარემოებებში მკვლელობა, ყაჩაღობა, სხეულის მძიმე დაზიანება - აქ ჩვენ გვაქვს კლება. უფრო მეტიც, თქვენ რომ აიღოთ სტატისტიკა მაგალითად 2001 წლიდან და შეადაროთ 2017-2018 წლამდე, ნახავთ, რომ მკვლელობებში და ყაჩაღობებში ასეთი დაბალი მაჩვენებელი ამ წლების განმავლობაში ბუნებაში არ ყოფილა.

ახლა რაც შეეხება ობიექტურ გარემოებებს: ზოგი მიმართულებით ჩვენ გვაქვს მატება, მაგალითად, ქურდობის მიმართულებით. მაგალითად, ოჯახში ძალადობის მიმართულებით. მაგალითად ისეთი დანაშაულების, რომელიც საერთოდ არ აღირიცხებოდა მუქარის მიმართულებით. რა თქმა უნდა, აქედან გამომდინარე შინაგან საქმეთა სამინისტრო დღევანდელი მდგომარეობის სრული გააზრებით გეგმავს მის ყოველდღიურ მუშაობას, გეგმავს რეფორმების გატარების თანმიმდევრულობას და ყოველდღიურად, მდგომარეობიდან გამომდინარე მოქმედებს ისე როგორც საჭიროა.

რაც შეეხება იმ აჟიოტაჟს, რაც ხდება, თქვენც ბრძანეთ, რომ კატასტროფული მდგომარეობაა. მეგობრებო, მე სრული პასუხისმგებლობით ვაცხადებ, მთელ ჩემს გუნდთან ერთად, თითოეულ პოლიციელთან ერთად, რომელიც დღესაც აქ ჩემსავით ელოდებოდა შინაარსობრივ საუბარს, ხელისუფლება, მათ შორის, პარლამენტი და ოპოზიციაც, რომელიც ხელისუფლების ნაწილია, მხარს დაუჭერს და დისკუსიაში შევა შინაარსობრივ ნაწილში როგორ გამოვასწოროთ მდგომარეობა, ნაცვლად ამისა მიიღეს რაღაც პოლიტიკური განცხადებები, რაც მისაღებია ასევე.

კიდევ ერთხელ ხაზგასმით ვამბობ, რომ სტატისტიკური მონაცემები მძიმე დანაშაულის ნაწილში არის პოზიტიური, მე ერთმნიშვნელოვნად ხაზგასმით აღვნიშნავ, რომ დღეს საქართველოს პოლიცია და შინაგან საქმეთა სამინისტრო პრინციპულად აკონტროლებს ყველაფერს, რაც ხდება როგორც ჩვენს ქუჩებში, ასევე დანაშაულის მიმართულებით, თუმცა, ასევე, აღიარებს, რომ ისეთი დანაშაულების ნაწილში, როგორიცაა ქურდობა, ოჯახში ძალადობა, მუქარა და კიდევ ბევრი, ჩვენ გვაქვს გარკვეული ზრდა და აქ ჩვენ საზოგადოებასთან ერთად, რამეთუ ყველას კარგად ხომ გვესმის, რომ დანაშაულთან ბრძოლა არ არის მხოლოდ შინაგან საქმეთა სამინისტროს მოვალეობა. მართლმსაჯულების ერთიანი სისტემა ეს არის პრინციპული მნიშვნელობის მქონე ინსტიტუცია სახელმწიფოში, რომელმაც ერთობლივად უნდა მოაგვაროს ეს პრობლემა. მე ვგულისხმობ შინაგან საქმეთა სამინისტროს, პროკურატურას, სასამართლო სისტემას, სასჯელაღსრულებას და ა.შ.

ასევე, მინდა ხაზგასმით აღვნიშნო, რომ თითოეულ ჩვენს მოქალაქეს აქვს სრული საფუძველი იყოს წყნარად, მშვიდად, რამეთუ შინაგან საქმეთა სამინისტრო და საქართველოს პოლიცია უზრუნველყოფს მართლწესრიგს ამ ქვეყანაში," - განაცხადა გიორგი გახარიამ.

საქართველოს პრემიერ-მინისტრი ინტერპელაციის წესით დღეს პარლამენტში ფრაქცია “ნაციონალურმა მოძრაობამ“ დაიბარა. ფრაქციას კითხვები ქვეყანაში კრიმინოგენური ვითარების საკითხთან დაკავშირებით ჰქონდა.

საკვანძო სიტყვები:

ფარი არ არის ქუდი. ყველას ვთხოვ, სამედიცინო ფარები სწორად გამოიყენონ - პაატა იმნაძე

6 აპრილი, 2020 , 15:55

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე პაატა იმნაძემ სამედიცინო ფარების მოხმარების წესი განმარტა. მისი თქმით, მხოლოდ ფარი ადამიანს ვირუსისგან ვერ დაიცავს და საჭიროა მის

არის ქვეყანაში რამდენიმე შემთხვევა, რომელიც დღეს ჩვენ არ ვიცით - პაატა იმნაძე

6 აპრილი, 2020 , 15:00

„საქართველოში კორონავირუსის რამდენიმე დაუდგენელი შემთხვევა ნამდვილად არსებობს, რაც, რა თქმა უნდა, კარგი არ არის,“ - ამბობს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოა

ეროვნული გამოცდების თარიღის ან ფორმატის ცვლილება ამ ეტაპისთვის არ განიხილება - მიხეილ ჩხენკელი

6 აპრილი, 2020 , 15:00

განათლების, მეცნიერების, კულტურისა და სპორტის მინისტრის, მიხეილ ჩხენკელის განცხადებით, ეროვნული გამოცდებისა და ფორმატის ცვლილება ამ ეტაპისთვის არ განიხილება. ამის შესახებ მან საკოორდინაციო საბჭოს სხდომის შემდეგ განაცხადა

კორონავირუსის მკურნალობის ხარჯებს სრულად ფარავს სახელმწიფო, თუმცა არის მოსაზრება, ამაში კერძო სადაზღვევო კომპანიებიც ჩაერთონ - ეკატერინე ტიკარაძე

6 აპრილი, 2020 , 14:20

კორონავირუსის მკურნალობის ხარჯებს სრულად ფარავს სახელმწიფო, თუმცა არის მოსაზრება, ამაში კერძო სადაზღვევო კომპანიებიც ჩაერთონ, - ამის შესახებ ჯანდაცვის მინისტრმა - ეკატერინე ტიკარაძემ განაცხადა. ჯანდაცვის მინისტრმა განმარ

პოლიტიკოსებისა და მაღალჩინოსნებისთვის აღარ იარსებებს ცალკე პენიტენციური დაწესებულება - თეა წულუკიანი

6 აპრილი, 2020 , 13:50

პატიმრების ინტერესიდან და ადამიანის უფლებების პრიორიტეტიდან გამომდინარე დაიგეგმა ე.წ. მატროსოვის ციხის ლიკვიდაცია, - ეს განცხადება მთავრობის ადმინისტრაციაში გამართული საკოორდინაციო საბჭოს სხდომის შემდეგ იუსტიციის მინისტრ

ნებისმიერ ვირუსს შესაძლებელია გამოეწვია მეორე გარდაცვლილი პაციენტის მდგომარეობის დამძიმება და ლეტალური გამოსავალი - ლევან რატიანი

5 აპრილი, 2020 , 13:04

„კორონავირუსით გარდაცვლილი ქალი თანმხლები დაავადებებით გართულებების მაღალ რისკს მიეკუთვნებოდა,“ - აცხადებს პირველი საუნივერსიტეტო კლინიკის დირექტორი, ლევან რატიანი. მისი თქმით, ამ შემთხვევაში ლეტალური შედეგი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`