უკან

უახლესი ამბები

დღის კალენდარი

ანონსები

არქივი

საზოგადოება

31 იანვარი, 2017 15:15
font-size

თითოეული საბანკო დაწესებულების ჩართულობა იქნება აუცილებელი - დავით ნარმანია

თბილისის მერიაში „ბავშვთა სამყაროში“ გაჩენილ ხანძართან დაკავშირებით და მოვაჭრეების პრობლემების გადაჭრის გზებზე სამსჯელოდ საკოორდინაციო თათბირი გაიმართა, რომელსაც სხვადასხვა უწყების წარმომადგენლები ესწრებიან. შეხვედრაზე მხარეები ოპერატიულად მიღებული გადაწყვეტილებების აღსრულების კონკრეტულ მექანიზმებზე მსჯელობენ.

თათბირის დაწყებამდე თბილისის მერმა აღნიშნა, რომ განსაკუთრებით მნიშვნელოვანია რამდენიმე უწყების ჩართულობა, რათა სათანადო შედეგები მაქსიმალურად კოორდინირებულ რეჟიმში იქნეს მიღწეული და მეხანძრე-მაშველებს გაწეული სამუშაოსთვის მადლობა გადაუხადა.

„პირველივე წუთიდან დაიწყო აქტიური მუშაობა იმაზე, რომ სხვადასხვა უწყების აქტიური ჩართულობით მოგვეხერხებინა შედეგების სწრაფი ლიკვიდაცია. ასევე, გაგვეწია მაქსიმალური მხარდაჭერა დაზარალებულებისთვის. ძალიან მნიშვნელოვანია რამდენიმე უწყების აქტიური ჩართულობა და სწორედ ამიტომ შევიკრიბეთ ჩვენ დღეს, რომ ერთის მხრივ, შევაჯამოთ გუშინდელი დღის განმავლობაში გაწეული საქმიანობა და მეორეს მხრივ, ვისაუბროთ დღევანდელი დღის აქტივობებზე, ღონისძიებებზე, რომლებიც უახლოესი დღეების განმავლობაში იქნება გასატარებელი, რათა მაქსიმალურად კოორდინირებულ რეჟიმში შევძლოთ სათანადო შედეგების მიღწევა. დღეს ჩვენ ფინანსთა სამინისტროს წარმომადგენლები გვესწრებიან, რომლებიც ისაუბრებენ დაზიანებული საქონლის იდენტიფიკაციაზე, მის ჩამოწერასთან დაკავშირებულ საკითხებზე, რათა საგადასახადო ვალდებულებები არ გაეზარდოთ იმ ადამიანებს, რომლებმაც ისედაც მიიღეს ზიანი და ჩემი აზრით, ეს მნიშვნელოვანი ღონისძიება იქნება იმისათვის, რომ შეუმსუბუქდეთ დაზარალებულებს არსებული მდგომარეობა. ამასთან, როგორც თქვენთვის ცნობილია, გუშინ პრემიერ-მინისტრთან შეხვედრაზე იყო საუბარი იმასთან დაკავშირებით, რომ უწყებების კოორდინაციით კომერციულმა ბანკებმა და სხვადასხვა საკრედიტო დაწესებულებებმა გამოიჩინონ სოლიდარული პასუხისმგებლობა - გადაუვადონ კრედიტები იმ ადამიანებს, რომლებმაც მიიღეს ზიანი. ეს იქნება ძალიან მნიშვნელოვანი ღონისძიება და თითოეული საბანკო დაწესებულების ჩართულობა, ამ თვალსაზრისით, იქნება აუცილებელი“,-განაცხადა დავით ნარმანიამ.

თბილისის მერმა, ასევე, ხაზი გაუსვა საგამოძიებო მოქმედებების გაგრძელების მნიშვნელობას, რათა უახლოეს მომავალში პასუხი გაეცეს ყველა იმ კითხვას, რომელიც მოვაჭრეებს აქვთ. დავით ნარმანიამ აღნიშნა, რომ ამ დროისათვის, მიმდინარეობს შენობის ცალკეული ნაწილების დროებით გამაგრების სამუშაოები და სამართალდამცველების თანხლებით ეტაპობრივად შედიან მოვაჭრეები გადარჩენილი ნივთების გამოსატანად.

რაც შეეხება ბაზრობების ასოციაციის ჩართულობას, თბილისის მერის თქმით, გუშინ რამდენიმე ბაზრობის ადმინისტრაცია დაუკავშირდა მერიას და დაზარალებულებისთვის ალტერნატიული ფართების შეთავაზების შესახებ მიაწოდა ინფორმაცია. კერძოდ, „ბავშვთა სამყაროს“ მოვაჭრეებს ისინი 3-დან 6-თვემდე შეღავათიან რეჟიმში მოემსახურებიან.

შეხვედრას საქართველოს ეკონომიკისა და მდგრადი განვითარების მინისტრის მოადგილე ირმა ქავთარაძე, საქართველოს ფინანსთა მინისტრის მოადგილე ლაშა ხუციშვილი, შინაგან საქმეთა სამინისტროსა და ეროვნული ბანკის წარმომადგენლები, ბიზნესომბუდსმენი, საქართველოს ბანკების ასოციაციის აღმასრულებელი დირექტორი გიორგი ცუცქირიძე, „ბავშვთა სამყაროს“ და ბაზრობების ასოციაციის წარმომადგენლები, ასევე, ვიცე მერი ლაშა აბაშიძე, მერის მოადგილეები - გიგა ნიკოლეიშვილი, ნატო ქიტიაშვილი, ნინა ხატისკაცი და დიდუბის რაიონის გამგებელი ირმა ზავრადაშვილი ესწრებოდნენ. შეხვედრაზე იმყოფებოდნენ მერიის ქონების მართვის სააგენტოსა და უსაფრთხოების სამსახურის წარმომადგენლებიც.

თბილისის მერის განცხადებით, კანონმდებლობისა და კომპეტენციის ფარგლებში თბილისის მერია შესაძლებლობების მაქსიმუმს გააკეთებს, თუმცა ძირითადი და დიდი პასუხისმგებლობა აღნიშნული პრობლემების მოგვარებაში „ბავშვთა სამყაროს“ ადმინისტრაციას ეკისრება.

სავაჭრო ცენტრ „ბავშვთა სამყაროში“ ხანძარი 30 იანვარს, გამთენიისას გაჩნდა. მას შემდეგ ადგილზე იმყოფებიან თბილისის მერიის წარმომადგენლები. მოვაჭრეებს პირადად შეხვდა და გაესაუბრა თბილისის მერი დავით ნარმანია, ასევე, დიდუბის რაიონის გამგებელი ირმა ზავრადაშვილი. მთელი დღის განმავლობაში ადგილზე იმყოფებოდა ვიცე-მერი ლაშა აბაშიძე, რომელიც „ბავშვთა სამყაროსთან“ დღეს დილითაც მივიდა და მოვაჭრეების შენობაში შეყვანის პროცესს პირადად დაესწრო, რის შემდეგაც მერიაში გამართული შეხვედრის მონაწილეებს შემთხვევის ადგილიდან ბოლო ინფორმაცია მიაწოდა.

სსფ-ს აღმასრულებელ დირექტორთა საბჭომ „გაფართოებული დაფინანსების მექანიზმით` მხარდაჭერილი პროგრამის მერვე მიმოხილვა დაასრულა

12 აპრილი, 2021 , 18:25

სსფ-ს აღმასრულებელ დირექტორთა საბჭომ „გაფართოებული დაფინანსების მექანიზმით" მხარდაჭერილი პროგრამის მერვე მიმოხილვა დაასრულა. როგორც „მედიანიუსს“ ეროვნული ბანკიდან აცნობეს, მერვე მიმოხილვის დასრულებით მთ

1 აშშ დოლარის ოფიციალური ღირებულება 3.4232 ლარი გახდა

12 აპრილი, 2021 , 17:40

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.4232 ლარი შეადგინა. კურსი, რომელიც დღეს მოქმედებდა, 3.4260 ლარი იყო. შესაბამისად, დოლარის ცვლილებამ ეროვნულ

ძალადობა არ ყოფილა, უბრალოდ სიტყვიერი კონფლიქტი მოხდა -დავით კოდუას მეუღლე

12 აპრილი, 2021 , 17:40

ბიზნესმენი დავით კოდუას მეუღლე, ნათია გედევანიშვილი, გუშინ ღამით მათ ოჯახში მომხდარ დაპირისპირებაზე საუბრობს. „წუხელ მოხდა ოჯახური კონფლიქტი სახლში, ეს ძალადობა არ ყოფილა, უბრალოდ სიტყვიერი კონფლიქტი მოხდა. მაგიდის

ნამახვანი ჰესის ხელშეკრულება გვაფიქრებინებს, რომ ადგილი ჰქონდა კორუფციულ გარიგებას - ანა დოლიძე

12 აპრილი, 2021 , 17:40

„ჩვენს ხელისუფლებას ადგილობრივებთან მოლაპარაკების რესურსი არ აქვს, ფაქტია, რომ ვერ ხსნის და ასაბუთებს ნამახვანი ჰესის ხელშეკრულებას, რომელთან დაკავშირებითაც ძალიან ბევრი შეკითხვა არსებობს. ეს გვაფიქრებინებს, რომ, შ

ანა დოლიძე საპენსიო სესხებზე - დავრწმუნდით, რომ სახელმწიფო უწყებები „ლიბერთი“ ბანკთან არიან შეკრულები და ჩვენ პენსიონერებს „ატყავებენ“

12 აპრილი, 2021 , 17:40

„დღევანდელმა საფინანსო-საბიუჯეტო კომიტეტის სხდომამ დაგვანახა, რომ ჩვენი სახელმწიფო უწყებები შეკრულები არიან ბანკის ხელმძღვანელობასთან. ამბობენ, რომ ვერც ეროვნული ბანკი ვერ დაარეგულირებს პროცესს და ვერც ჯანდაცვის სა

საქართველოში კორონავირუსის ვაქცინით აცრისას გვერდითი მოვლენა 34 შემთხვევაში დაფიქსირდა - ამირან გამყრელიძე

12 აპრილი, 2021 , 17:15

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ოფიციალური მონაცემებით, საქართველოში კორონავირუსის საწინააღმდეგო ვაქცინით აცრისას გვერდითი მოვლენა 34 შემთხვევაში დაფიქსირდა. „ჩ