უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
ტყიბულელი მეშახტეები „საქნახშირის“ ხელმძღვანელობას თანამდებობის დატოვებისკენ მოუწოდებენ - ტყიბულის მერის თქმით, მათი მოთხოვნები შესრულდება
ტყიბულში მეშახტეების საპროტესტო აქცია მიმდინარეობს.
შეკრებილებმა მოითხოვეს, შეიცვალოს კომპანია „საქნახშირის“ ადმინისტრაცია. მეშახტეების თქმით, მათი მოთხოვნების დაუკმაყოფილებლობის შემთხვევაში ისინი აქციებს არ შეწყვეტენ.
„მოვითხოვთ, თანამდებობა დატოვოს კომპანიის ხელმძღავანელობამ, პასუხისგებაში მიეცეს ყველა დამნაშავე, ვინც ტყიბული ძაძებით შემოსილ ქალაქად აქცია. ჩვენ ყველას მოვუწოდებთ, ქალაქში გააჩერონ მუშაობა და შემოგვიერთდნენ. ქალაქის პარალიზება უნდა მოხდეს, რომ ერთხელ და სამუდამოდ გავაგონოთ ჩვენი ხმა ვისაც საჭიროა. ასევე ვითხოვთ, მაქსიმალურად გაკონტროლდეს უსაფრთხოების ნორმები“, – თქვა ხვიჩა გაბუნიამ.
აქციის მონაწილეებმა ერთი კვირის წინ მომხდარი უბედური შემთხვევის ობიექტური გამოძიებისა და დამნაშავეების დასჯის გარდა ასევე მოითხოვეს შახტების დროებითი კონსერვაცია იქ არსებული რისკების შესაფასებლად და ამ პერიოდის განმავლობაში დასაქმებულთა სრული ანაზღაურებით უზრუნველყოფა, ასევე სამუშაო ობიექტების მოდერნიზება.
ასევე მეშახტეებმა განაცხადეს, რომ სურთ პრემიერ-მინისტრ მამუკა ბახტაძესთან შეხვედრა პროფკავშირის, „საქნახშირის“ ადმინისტრაციისა, მეშახტეების დაკომპლექტებული ჯგუფისა და მთავრობის წარმომადგენელთა მონაწილეობით, ასევე დოკუმენტის შექმნა, რომლითაც დაკმაყოფილდება ყველა ზემოთ ჩამოთვლილი მოთხოვნა.
აქციაზე მივიდა ტყიბულის მერი თემურ ჩუბინიძე, რომლის თქმით, ის ტელეფონით ესაუბრა „საქნახშირის“ დირექტორ ჯამბულ ჯაყელს. ჯაყელმა განუცხადა ქალაქის თავს, რომ მეშახტეთა მოთხოვნები დღეს დაკმაყოფილდება და აქციის მონაწილეტა მიერ დასახელებული ყველა თანამდებობის პირი გათავისუფლდება თანამდებობებიდან.
ერთი კვირის წინ მინდელის სახელობის შახტში 4 ადამიანი დაიღუპა, ხოლო 6 დაშავდა. შსს-ის გამოძიების პირველადი ინფორმაციით, შახტის ერთ-ერთ გვირაბში, სავარაუდოდ მეთანის აფეთქების შედეგად კედლების დეფორმაციას ჭერის ჩამოშლა მოჰყვა.
შსს გამოძიებას სსსკ-ის 240-ე მუხლიდ მეორე ნაწილით აწარმოებს.