უკან

უახლესი ამბები

დღის კალენდარი

ანონსები

არქივი

პოლიტიკა

15 ნოემბერი, 2018 16:35
font-size

ტყიბულის შახტის დირექტორი ახორციელებს ზეწოლას მეშახტეებზე, რათა მათ სალომე ზურაბიშვილს მისცენ ხმა - მიხეილ სააკაშვილი

საქართველოს ყოფილმა პრეზიდენტმა მიხეილ სააკაშვილმა ტყიბულ მეშახტეებს მიმართა და განაცხადა, რომ შახტის მფლობელები მეშახტეებზე ზეწოლას ახდენენ, რომ ხმა „ქართული ოცნების“ მიერ მხარდაჭერილ საპრეზიდენტო კანდიდატ სალომე ზურაბიშვილს მისცენ.

„მინდა, მივმართო ტყიბულელ მეშახტეებს. მე გავიგე, რომ შახტის დირექტორი ახორციელებს ზეწოლას თანამშრომლებზე, რათა მათ ხმა მისცენ საქართველოს მოღალატე და მავნებელ, საქართველოს ეკონომიკის ამომძირკველ, გამაპარტახებელ, ქართველი ხალხის გამატყავებელ ხელისუფლებას ამ საპრეზიდენტო არჩევნებზე.

მოხდა ისე, რომ ბავშვობის მნიშვნელოვანი ნაწილი გავატარე ზემო იმერეთში და ჩემი ბევრი ნათესავი, მეზობელი, ნაცნობი იყო მაღაროელი და ვიცი, რა მძიმე შრომაა ეს. თქვენ ატარებთ თქვენი ცხოვრების მნიშვნელოვან ნაწილს მიწის ქვეშ, ამოდიხართ და იქ კიდევ გაძალებენ, თავს არ გაწევინებენ, გეუბნებიან, თუ ვის მისცეთ ხმა.

თქვენი შახტის მფლობელები იმის მაგივრად, რომ ფულს დებდნენ უსაფრთხოებაში, მიაქვთ „ატკატები“ მთავრობაში და ამ „ატკატებით“ შენდება სესიაშვილის, ფარცხალაძის, ბესელიას, ივანიშვილის ნათესავების სასახლეები, თქვენ კი გიგდებენ კაპიკებს და უკვე რამდენიმე ათეული ადამიანი დაგვეღუპა იმის გამო, რომ ელემენტარული უსაფრთხოების ნორმები არაა დაცული.

და ამ ყველაფრის ფონზე, მფლობელი დავით ბეჟუაშვილი მთავრობის მითითებით ეუბნება თავის მიერ დანიშნულ დირექტორს, რომ თქვენ დაგაძალოთ ივანიშვილისთვის და ზურაბიშვილისთვის ხმის მიცემა. ისინი გატყუებენ, რომ გეუბნებიან, ხმა თუ არ მიეცით, შახტა დაიხურება, მთავრობა ხომ რჩებაო.

მთავრობა არ რჩება. როგორც კი ისინი წააგებენ საპრეზიდენტო არჩევნებს, დარწმუნებული ვარ, საქართველოში მოვა კოალიციური, სახალხო ნდობით აღჭურვილი მთავრობა. შახტები არა მხოლოდ არ დაიხურება, ხელფასები მოგემატებათ, უსაფრთხოების ნორმები იქნება ისეთი, როგორიც არის ამერიკასა და ევროპაში. ვერავინ ვეღარ დაგჩაგრავთ, ჩვენ თქვენ თავს არავის არ დავაჩაგრინებთ , იმიტომ რომ ძალიან კარგად ვიცით, როგორი ღირსეული და პატრიოტი ხალხი მუშაობს ტყიბულში. მე მადლობელი ვარ თქვენი მხარდაჭერისთვის არჩევნების პირველ ტურში. მეორე ტურში საბოლოოდ უნდა გავცეთ პასუხი იმ ხალხს, ვინც ამ მდგომარეობამდე მიიყვანა საქართველო და მათ შორის თითოეული თქვენგანის ოჯახი. ცოტა კიდე გაძელით, ძმებო. ყველაფერი მაგრად იქნება. აი, ნახავთ, ყველაფერს მივხედავთ, მოგხედავთ და საქართველო დადგება ფეხზე“, - განაცხადა სააკაშვილმა ვიდეომიმართვაში, რომელიც მან ფეისბუკის საკუთარ გვერდზე ატვირთა.

კახა კალაძემ ამომრჩევლებს აქტიურობისკენ მოუწოდა

19 მაისი, 2019 , 11:40

ყველა წინასწარი პროგნოზის მიხედვით, მაღალი აქტივობის შემთხვევაში, პირველივე ტურში გამარჯვების ძალიან დიდი, რეალური შანსი გვაქვს, – ამის შესახებ „ქართული ოცნების“ გენერალურმა მდივანმა, კახა კალაძემ განაც

საქართველოს საერთაშორისო სავალუტო ფონდის მმართველი დირექტორი კრისტინ ლაგარდი ეწვევა

19 მაისი, 2019 , 10:00

საქართველოს 19-21 მაისს, სამუშაო ვიზიტით საერთაშორისო სავალუტო ფონდის (სსფ) მმართველი დირექტორი, კრისტინ ლაგარდი ეწვევა. საქართველოს პრემიერ-მინისტრის პრესსამსახურის ინფორმაციით, 20 მაისს სსფ-ის მმართველ დირექტორს საქართ

უკან არ დავიხევ და არც დამიხევია აქამდეც, მაგრამ ახლა გადმოვალ შეტევაზე - მიხეილ სააკაშვილი

19 მაისი, 2019 , 09:00

თუ ამ არჩევნებს ის რაღაც მექანიზმებით ან გააყალბებს ან მოიპარავს, მაშინ ჩვენ უნდა გამოვაცხადოთ საყოველთაო მობილიზაცია ქვეყნის მასშტაბით - ეს განცხადება, საქართველოს მესამე პრეზიდენტმა, მიხეილ სააკაშვილმა გააკეთა. სააკაშვ

საქართველოში რიგგარეშე/შუალედური არჩევნები მიმდინარეობს

19 მაისი, 2019 , 08:29

პარლამენტისა და საკრებულოს შუალედური და მერის რიგგარეშე არჩევნებისთვის, 08:00 საათზე, ყველა საარჩევნო უბანი გაიხსნა. დღეს, თბილისში, №1 მაჟორიტარულ საარჩევნო ოლქში საქართველოს პარლამენტის შუალედური, მარნეულის, ზესტაფონის

საქართველოს პრეზიდენტმა ტალინში უსაფრთხოების კონფერენციის ღია დისკუსიაში მიიღო მონაწილეობა

18 მაისი, 2019 , 13:00

საქართველოს პრეზიდენტმა სალომე ზურაბიშვილმა ტალინში, ლენარტ მერის უსაფრთხოების კონფერენციის (LMC) ღია დისკუსიაში მონაწილეობა ესტონეთის პრეზიდენტთან და გერმანიის ფედერაციული რესპუბლიკის თავდაცვის მინისტრთან, ურსულა ფონ დე

დავუდასტურე მინისტრის მოადგილეს იტალიის ძლიერი მხარდაჭერა საქართველოს სუვერენიტეტისა და ტერიტორიული მთლიანობის მიმართ - იტალიის საგანგებო და სრულუფლებიან ელჩი

18 მაისი, 2019 , 12:40

საგარეო საქმეთა სამინისტროში შედგა მინისტრის მოადგილის, ლაშა დარსალია შეხვედრა საქართველოში იტალიის საგანგებო და სრულუფლებიან ელჩთან, ანტონიო ბარტოლისთან. საუბრისას განხილულ იქნა არაღიარების პოლიტიკა და მისი მხარდაჭერის