ეკონომიკა

ტყუილია იმის თქმა, რომ ვალუტის კურსის მერყეობა გავლენას ელექტროენერგიის ტარიფზე არ მოახდენს- ენერგოპრო-ჯორჯიას დირექტორი

ენერგოპრო-ჯორჯიას გენერალური დირექტორის, მიხეილ ბოცვაძის განცხადებით, ტყუილია იმის თქმა, რომ ვალუტის კურსის მერყეობა გავლენას ელექტროენერგიის ტარიფზე არ მოახდენს.

ამის შესახებ ბოცვაძემ თბოელექტროსადგურებისთვის ელექტროენერგიის ტარიფის მატების კომენტირებისას განაცხადა.

„თბოსადგურების ტარიფი გაიზარდა, რაც დანამდვილებით შემიძლია გითხრათ. ტყუილი იქნება, რომ გითხრათ სავალუტო კურსის მერყეობა ჩვენზე გავლენას არანაიარად არ იქონიებს. ეს ნამდვილად თავის მოტყუება იქნება. თბოსადგურების შემთხვევაში ამის ასახვა მოხდა, ხოლო რა მოხდება მომხმარებლის ტარიფზე, ეს კითხვა ეკუთვნის მარეგულირებელ კომისიას“,-აღნიშნა ბოცვაძემ

მოხდება თუ არა, თბოელექტროსადგურების მსგავსად, ფასის ზრდა სამომხმარებლო ტარიფზე ცნობილი 26 დეკემბერს გახდება, როდესაც სემეკში სხდომა გაიმართება.

მანამდე კი, გაირკვევა ჰიდროელექტროსადგურების წარმოების ტარიფი.

რაც შეეხება თბოელექტროსადგურის ტარიფს, როგორც სემეკის დღევანდელ სხდომაზე, სემეკის წარმომადგენელმა ლევან ენუქიძემ განაცხადა, „წარმოების ზღვრული ტარიფი 9, 51 თეთრით კვ/ს-ზე უნდა განისაზღვროს“.

მონიკა დავლიანიძე