პოლიტიკა

თქვენ ბედნიერი მშობლები ხართ, თქვენი შვილები ანგელოზები არიანო - რა უთხრა, პატრიარქმა ქალს, რომელმაც 2 შვილი დაკარგა (ვიდეო)

ქალბატონმა, რომელმაც 1987 წელს ხანძრის შედეგად 2 შვილი დაკარგა, პატრიარქთან მისი შეხვედრის ისტორია გაიხსენა.

როგორც შვილგარდაცვლილმა დედამ ტელეკომპანია ,,პირველის“ გადაცემაში ,,რეაქცია“ სტუმრობისას თქვა, პატრიარქი თავად ესტუმრა ტრაგიკული შემთხვევის შემდეგ მას და მის მეუღლეს.

,,მუხლებთან დავემხე და შველა ვთხოვე. მისმა უწმინდესობამ ფრთხილად წამომაყენა და თანმხლებ მოძღვარს თვალით ანიშნა, რომ პანაშვიდი გადაეხადა . როდესაც საეკლესიო წესი შესრულდა, მისმა უწმინდესობამ ასეთი რამ ბრძანა: თქვენ ბედნიერი მშობლები ხართო, თქვენი შვილები ანგელოზები არიანო. ასეთ უბედურებას დედამიწაზე ღმერთი არ მოაწევდაო. ეტყობა, თქვენი შვილები ძალიან დასჭირდა ღმერთსო და ისინი არამარტო თქვენო, არამედ ბევრსაც გადაარჩენენო. ,,მე და ბედნიერი?!“ - გონებით ვიფიქრე ასე, მაგრამ თქვენ წარმოიდგინეთ, გულით ყველაფერი ვიწამე და დამეუფლა საოცარი სიმშვიდე. ეს რამდენიმე წინადადება გახდა ჩემი შემდგომი ცხოვრების სულიერი საზრდო“, - თქვა შვილგარდაცვლილმა დედამ.

მისი თქმით, პატრიარქმა შვილგარდაცვლილი დედებისთვის საგანგებო წირვა დანიშნა სიონის საკათედრო ტაძარში, რომელიც უკვე 27 წელია სრულდება.