უკან

უახლესი ამბები

დღის კალენდარი

ანონსები

არქივი

პოლიტიკა

15 ოქტომბერი, 2018 17:00
font-size

თქვენ ხართ ტყვეობაში აყვანილი სუბელიანისა და ფარცხალაძის მიერ - ნიკა მელია უმრავლესობის წევრებს

გუშინ „რუსთავი 2“-ის მიერ გამოქვეყნებულ აუდიოჩანაწერებს პარლამენტის ბიუროს სხდომაზე განიხილავენ. „ნაციონალური მოძრაობის“ წევრის, ნიკა მელიას შეფასებით, „ქართული ოცნების“ წევრები დაუცველები არიან, რადგან „ფარცხალაძე-სუბელიანების ტყვეობაში“ იმყოფებიან.

მელიას გამოსვლის დროს რამდენჯერმე შეაწყვეტინა პარლამენტის თავმჯდომარემ, ირაკლი კობახიძემ.

„მოვიტყუები და არ ვიქნები გულწრფელი, თუ ვიტყვი, რომ მქონდა რაიმე სხვა მოლოდინი, რომ მოვისმენდი თქვენგან, ბატონი პარლამენტის თავმჯდომარისგან იმას, რისი მოსმენაც უნდა საზოგადოებას. მაგრამ შესაძლებელია ქვეყანაში არსებობს რაღაც ჯგუფი ადამიანების, რომელსაც ჰქონდა მოლოდინი, რომ ერთი დღით მაინც გამოხვიდოდით ვიწროპარტიული ინტერესებიდან, ამ „ქართული ოცნების“ როლიდან და როგორც პარლამენტის თავმჯდომარე გააკეთებდით განცხადებას. მაგრამ ამ ადამიანებსაც გაუცრუვდათ იმედი. მე არ გამტყუნებთ, არ გამტყუნებთ არცერთ თქვენგანს, ვინც აქ ხართ, იმიტომ რომ თქვენ უბრალოდ არანაირი ბერკეტიც არ გაქვთ, რომ გავლენა მაოხდინოთ არაფორმალურ დაჯგუფებებზე, რომლებიც მართავს ქვეყანას. გულახდილად გეუბნებით. არ გაქვთ უბრალოდ და მოვიტყუებ, რომ ან ბატონ მდინარაძეს, ან ნებისმიერ ადამიანს ვუთხრა, წადი და გაურჩიე საქმე ფარცხალაძეს ან სუბელიანს.

ხალხნო, გუშინდელი ჩანაწერები თუ კიდევ არ არის იმის დამადასტურებელი, რომ ამ ქვეყანას არაფორმალური შეიარაღებული დაჯგუფებები მართავს, რომლებიც მჭიდრო კოორდინაციაში არიან მინისტრებთან, სუბარი, განსაკუთრებით და გახარია, ამისი თუ არ გჯერათ, რაზე უნდა ვისაუბროთ? არ მინდა თქვენთან ჩხუბი და მუშტი-კრივს ხომ არ გავმართავთ, ხალხნო?

აბსოლუტურად მოწყვეტილი ხართ რეალობას. ზაზა სარალიძის შვილის მკვლელი დღემდე დასჯილი რატომ არ არის, ეს ვერ გავიგეთ გუშინდელი ჩანაწერებიდან? ერთი თვე, დაახლოებით, ათენებს და აღამებს რუსთაველის გამზირზე, ხალხნო, მამები ხო ვართ, დედებიც ვართ, დასჯილი ხომ არ არის? 2012 წელს არაერთხელ მითქვამს, ნაციონალური მოძრაობა იმიტომ არ უნდოდა საზოგადოების დიდ ნაწილს, რომ უნდოდა უკეთესი და არა უარესი, და წარმატებები რაც ჰქონდა წინა ხელისუფლებას, უნდა გაგერძელებინათ და არ უნდა გაგეათმაგებინათ გადაცდომები. რეალურად სახელმწიფო ჩააბარეთ ფარცხალაძეს, სუბელიანებსა და ა.შ..

ან როგორ საუბრობთ იმაზე, შეგრცხვეთ მაინც , იმ ხალხს, ვისაც აკრიტიკებთ, ნაწილი თქვენს გუნდშია , მათ შორის, ამ დარბაზშია, ნაციონალური მოძრაობის ადამიანები. მართლა არ გრცხვეიათ, ხალხნო? კანონიერი ქურდი, ავალიანი, აწ გარდაცვლილი, რომ ჰყავდა შეყვანილი და აწამებდა, ეს ვერ მოვისმინეთ? ხომ არ გაგახსენდათ ასეთ შემთხვევაში გვარი თათუხაშვილი? არ უკავშირებთ?

მე მეგონა, აქ დადგებოდა საკითხი, რომ მთავრობის ნდობის საკითხს დააყენებდით ხვალ. თქვენ არ გაქვთ მართვის ბერკეტები, თქვენ გაქვთ ბერკეტები, რომ ფული იშოვოთ და სასახლეები ააშენოთ, მაგრამ ბერკეტი რომ ფარცხალაძეს მიუთითოთ და კონტროლში მოაქციოთ, ეს გამორიცხულია, ამას თქვენ ვერ შეძლებთ. ამიტომ, უპირველეს ყოვლისა, გულწრფელად გეუბნებით, თქვენ ხართ ტყვეობაში აყვანილი სუბელიანისა და ფარცხალაძის მიერ. ნებისმიერი ოპოზიციის წევრი უფრო დაცულია ვიდრე ხართ თქვენ. რატომ, იცით? იმათ რამეს თუ დაუშავებს ან ფარცხალაძე ან სუბელიანი, ისინი რაღაცნაირად მოაღწევენ ჩვენამდე და ჩვენ გვეტყვიან ამ ამბავს და ამაზე შესაბამისი რეაგირება გვექნება. მაგრამ შიდაგარჩევებს როდესაც აქვს ადგილი, თქვენი გუნდის ფარგლებში, თქვენი გუნდის წევრები არ მოვლენ და არ გვეტყვიან, რომ ფარცხალაძემ ჩამაგდო სარდაფში, მცემა, გამხადა, მაწამა და ა.შ.. ამას. მართლა დაუცველები ხართ, გაემიჯნეთ დროზე ფარცხალაძეებსა და სუბელიანებს, უდიდესი ზვავი დაგეცათ გუშინ. პასუხისმგებლობა გაქვთ აღებული ამ ქვეყნის მართვაზე“, - განაცხადა ნიკა მელიამ.

დავით გარეჯის თემა კიდევ ერთი ინდიკატორი გახდა იმისა, თუ რას წარმოადგენს დღევანდელი სახალხო დამცველი - გია ვოლსკი

5 მარტი, 2021 , 20:36

პარლამენტის ვიცე-სპიკერმა, გია ვოლსკიმ დავით გარეჯის საქმეზე სახალხო დამცველის დღევანდელი განცხადებაც შეაფასა და აღნიშნა, რომ ნინო ლომჯარიას არავითარი ინფორმაცია გამოუთხოვია და საქმის გარემოებებს დეტალურად არ გაცნობია. &

ლიეტუვისა და ევროკავშირის საგარეო საქმეთა მინისტრები საქართველოსთან დაკავშირებით „მედიატორთა ჯგუფის“ ჩამოყალიბებას აპირებენ

5 მარტი, 2021 , 20:26

ლიეტუვისა და ევროკავშირის საგარეო საქმეთა მინისტრები საქართველოში ჩამოსასვლელად „მედიატორთა ჯგუფის“ ჩამოყალიბებას აპირებენ. ამის შესახებ ინფორმაციას ლიეტუვის საზოგადოებრივი მაუწყებელი ავრცელებს. ლიეტუვის

ვესაუბრე მიხეილ სააკაშვილს და შევჯერდით, რომ არასწორია პლებისციტის იდეის დამუნათება - გიგი უგულავა

5 მარტი, 2021 , 16:05

გუშინ მქონდა მიხეილ სააკაშვილთან საუბარი, აზრები გავცვალეთ და შევჯერდით, რომ არასწორია რაიმეს დამუნათება, საკითხის ამგვარად დაყენება, რომ პლებისციტი ბიძინას თამაშია, – განაცხადა „ევროპული საქართველოს“ წ

იმ ექვსი პუნქტიდან, რომელიც ოპოზიციამ დააყენა, ოთხ პუნქტთან დაკავშირებით ჩვენ უკვე ვმუშაობთ, ახლა საქმე მათ მხარეს არის - შალვა პაპუაშვილი

5 მარტი, 2021 , 12:25

იმ ექვსი პუნქტიდან, რომელიც ოპოზიციამ დააყენა, ოთხ პუნქტთან დაკავშირებით ჩვენ უკვე ვმუშაობთ. ახლა საქმე მათ მხარეს არის, მათ უნდა გამოაჩინონ, რომ არა მხოლოდ სიტყვით, არამედ საქმითაც არიან მზად კონსტრუქციული დიალოგისთვის,

აშშ-სა და საქართველოს შორის თავდაცვისა და უსაფრთხოების სამაგალითო თანამშრომლობა მომდევნო წლებში გაძლიერდება - დავით ზალკალიანი

5 მარტი, 2021 , 12:25

აშშ-სა და საქართველოს შორის თავდაცვისა და უსაფრთხოების სამაგალითო თანამშრომლობა მომდევნო წლებში გაძლიერდება, - ამის შესახებ საქართველოს ვიცე-პრემიერი, საგარეო საქმეთა მინისტრი თავის ოფიციალურ Twitter-ის გვერდზე წერს. &bd

მიხეილ სარჯველაძემ და შალვა პაპუაშვილმა „მეწარმეთა შესახებ“ ახალი კანონპროექტის პრეზენტაცია გამართეს

5 მარტი, 2021 , 12:25

საქართველოს პარლამენტის ინიციატივით, საქართველოს ინვესტორთა საბჭოსთან თანამშრომლობით, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანა დაფინანსებული პროექტის &ndash