უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
თქვენი თავის ტკივილის მთავარი პრობლემა არის ის, რომ „ქართუ ბანკზე“ უფრო ძლიერია „თიბისი ბანკი“ და „საქართველოს ბანკი“! - ნინო ბურჯანაძე
„ბატონო ბიძინა, თქვენ ის უფრო გაწუხებთ, რომ „ქართუ ბანკზე“ უფრო ძლიერია „თიბისი ბანკი“ და „საქართველოს ბანკი“! მე მგონი, თქვენი თავის ტკივილის მთავარი პრობლემა ეს არის!“, – განაცხადა „დემოკრატიული მოძრაობის“ ლიდერმა ნინო ბურჯანაძემ პარტია „ქართული ოცნების“ თავმჯდომარის ბიძინა ივანიშვილის მიერ გუშინ გაკეთებული განცხადებების შეფასებისას.
ბურჯანაძის თქმით, გიორგი კვირიკაშვილი პრემიერ–მინისტრის პოსტზე თითქმის სამი წელი იმყოფებოდა და მას ამ თანამდებობაზე დანიშვნის დროს ბიძინა ივანიშვილის, ასევე მმართველი გუნდის მხარდაჭერა ჰქონდა, ამდენად, ქვეყანაში შექმნილი სიტუაცია ბიძინა ივანიშვილის პასუხისმგებლობაცაა.
„ბანკებმა რომ ქვეყანა შეჭამეს – ეს თურმე კვირიკაშვილის ბრალი იყო და ამდენს ხანს რატომ არ მოვთხოვეთ პასუხი?! თუ ბატონო ბიძინა, თქვენ ის უფრო გაწუხებთ, რომ „ქართუ ბანკზე“ უფრო ძლიერია „თიბისი ბანკი“ და „საქართველოს ბანკი“?! მე მგონი, თქვენი თავის ტკივილის მთავარი პრობლემა ეს არის! მე ბანკები არაერთგზის გამიკრიტიკებია, ძალიან ცუდია, რომ ბანკების ხელში ამდენი ძალაუფლებაა, მაგრამ ყველა თქვენს თანამდებობის პირს რომ თქვენი ბანკიდან აქვს ვალი და თქვენს ჯიბეზეა ჩამოკიდებული, ეს ნორმალურია?! არც ეს არ არის ნორმალური, ნამდვილად! ამიტომ, ქვეყანას სჭირდება ნორმალური ხელისუფლება, რომელიც ამას ყველაფერს მოაგვარებს და რომლის თავის ტკივილი და გვემა ის კი არ იქნება, რომ „ქართუ ბანკი“ არის მესამე ადგილზე, არამედ ის რომ ქვეყანას მართლაც ნორმალური საბანკო სისტემა ჰქონდეს და ხალხი ვალებში არ იხრჩობოდეს“, – განაცხადა ბურჯანაძემ.
გუშინ პირველი არხისთვის მიცემულ ინტერვიუში ბიძინა ივანიშვილმა ორ ბანკთან დაკავშირებით განცხადება გააკეთა.
„მე პრემიერ-მინისტრს გიორგი კვირიკაშვილს ხშირად ვახსენებდი, რომ ორმა ბანკმა გადაჭამა მთელი ქვეყანა. ხალხი ბანკის ვალებიდან ვეღარ ამოდის და ეს არის არანორმალური. ამ ფონზე რომ „საქართველოს ბანკი“ და „თიბისი ბანკი“ მსოფლიოში პირველ ადგილზე არიან რენტაბელობის მხრივ, საამაყო შეიძლება იყოს, მაგრამ ამავდროულად მეორე მხრიდან ვხედავთ, რომ საქართველოს მოსახლეობა თავისი შემოსავლის მესამედზე მეტს ბანკის პროცენტის მომსახურებაში იხდის და ეს არის უკვე სირცხვილი. ეს ორი კომპონენტი ერთად არის შეუთავსებელი“, - განაცხადა ივანიშვილმა.