უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
ტრაპზონში დაშავებული საქართველოს მოქალაქეები ისევ საავადმყოფოში რჩებიან
ტრაპზონში ავტოსაგზაო შემთხვევის შედეგად დაშავებული საქართველოს სამი მოქალაქე მკურნალობას განაგრძობს. დაშავებული ცოლ-ქმრის მდგომარეობა ამ დრომდე მძიმეა, ისინი რეანიმაციულ განყოფილებაში რჩებიან, ხოლო მამაკაცი მართვით სუნთქვაზე იმყოფება.
მესამე მოქალაქე მუნიციპალურ საავადმყოფოშია მოთავსებული, მას გუშინ გადაუდებელი ოპერაცია ჩაუტარდა და დღეს პალატაში გადაიყვანენ, მისი მდგომარეობა სტაბილურია.
საქართველოს გენერალური კონსულის, ავთანდილ მიქაცაძის განცხადებით, დღეს ტრაპზონში აჭარის ჯანდაცვის მინისტრი ზაალ მიქელაძე ჩავა და დაშავებულებს მოინახულებს.
მისივე ინფორმაციით, გუშინ მომხდარ ავარიასთან დაკავშირებით სასამართლო პროცესი გაიმართა.
მიკროავტობუსის მძღოლი, რომელსაც საქართველოს მოქალაქეები გადაჰყავდა, დარბაზიდან გაათავისუფლეს, თუმცა საგამოძიებო პროცესები გრძელდება.
„არცერთმა საქართველოს მოქალაქემ არ გამოხატა საჩივრის სახით რაიმე პრეტენზია. მძღოლი სასამართლოს დარბაზიდან გაათავისუფლეს, თუმცა გამოძიება გრძელდება. 17 მოქალაქე სარეზერვო მიკროავტობუსით უკვე დაბრუნდა საქართველოში. გუშინ, მთელი დღის განმავლობაში ხაზზე ვიყავით აჭარის მთავრობის თავმჯდომარესთან, თორნიკე რიჟვაძესთან და ვაწვდიდით ინფორმაციას დაშავებულთა მდგომარეობის შესახებ, დღეს ჩამოვა აჭარის ჯანდაცვის მინისტრი ზაალ მიქელაძე და ერთად ვინახულებთ დაშავებულებს“, - განაცხადა მიქაცაძემ.
გუშინ გამთენიისას მიკროავტობუსი ქართული სანომრე ნიშნით ავარიაში მოჰყვა, რის შედეგად საქართველოს სამი მოქალაქე დაშავდა.
ავტომანქანას საქართველოს 21 მოქალაქე, სეზონზე დროებით მომუშავე მუშები გადაჰყავდა.
ერთ-ერთი ვერსიით, მძღოლს საჭესთან ჩაეძინა, თუმცა სხვა ვარაუდით, ის ტელეფონით საუბრობდა, რა დროსაც საჭის დამორჩილება ვერ მოახერხა.