პოლიტიკა

„წადი, თორემ დაგამტრევ ამას თავზე“ - 100-წლიანი მუხასა და 85-წლიანი მაგნოლიას სამეგრელოდან ბიძინა ივანიშვილის დენდროლოგიურ პარკში გადაიტანენ (ვიდეო)

ბიძინა ივანიშვილის დენდროლოგიურ პარკს 100-წლოვანი მუხა და 85-წლიანი მაგნოლია დაემატებიან. ხეებს სამეგრელოდან გადაიტანენ. - ამის შესახებ „კურიერი“ იუწყება.

ხეების გადასატანად გზა გაჰყავთ ზუგდიდში, სამუშაოებს კი ბიუჯეტიდან აფინანსებენ.

ჟურნალისტების გამოჩენამ ხეების გადაზიდვაზე მომუშავე თანამშრომლები გააღიზიანა. „კურიერის“ ჟირნალისტსა და ოპერატორს სიტყვიერი შეურაცხყოფა მიაყენეს, ასევე გადაღებაში ხელს უშლიდნენ.

„წადი, თორემ დაგამტრევ ამას თავზე“, -უთხრეს ჟურნალისტს.

გადაზიდვას კომპანია „არივისივი“ ახორციელებს. კომპანიის ხელმღვანელის, ნუკრი ხასიას თქმით, სამუშაოები კანონის ფარგლებში მიმდინარეობს.

„კანონის დაცვით ვმოქმედებთ, გვაქვს ხელშეკრულება დადებული და ვასრულებთ იმ სამუშაოებს, რაც ჩვენ გვაკისრია“, -განაცხადა ხასიამ.

ანა მებურიშვილი