საზოგადოება

წაღვერის ხანძრის ჩასაქრობაში, შესაძლოა, აზერბაიჯანული, ან თურქული ვერტფრენები ჩაერთონ

წაღვერში, არჯევანიძის ტყეში გაჩენილი ხანძრის ქრობის პროცესში, შესაძლოა, აზერბაიჯანული, ან თურქული ვერტფრენი ჩაერთოს.

ამის შესახებ ჟურნალისტებს, წაღვერში გახსნილ საგანგებო შტაბში გამართული თათბირის შემდეგ, რეგიონული განვითარებისა და ინფრასტრუქტურის მინისტრმა ზურაბ ალავიძემ განუცხადა.

„იწვის ორი ხევი. მასშტაბური ცეცხლია, თუმცა არ არის იმ მაშტაბის, რა ხანძარიც წინაზე გვქონდა. მობილიზებულია ტექნიკა, მაშველები მთელი ღამე მუშაობდნენ, სატყეო და სახანძრო სამსახური. მუშაობს ჯერ ერთი ვერტმფრენი. მოთხოვნა გვაქვს გაგზავნილი მეზობლებთან და ველოდებით პასუხებს, აზერბაიჯანიდან და თურქეთიდან. ახლა ახალ ლოკაციაზე შევედით, სადაც ასევე მაშველები მუშაობენ“,-განმარტა მინისტრმა.

მონიკა დავლიანიძე