უკან

უახლესი ამბები

დღის კალენდარი

ანონსები

არქივი

კონფლიქტის ზონა

29 აგვისტო, 2018 15:10
font-size

ცალსახად მგონია, რომ აფხაზეთის რეგიონის განვითარების გზა არის საქართველოსთან ერთად განვითარება - თამარ ჩუგოშვილი

საქართველოს პარლამენტის პირველი ვიცე-სპიკერი, თამარ ჩუგოშვილი გამოეხმაურა ოკუპირებული აფხაზეთის ყოფილი დე-ფაქტო პრემიერ-მინისტრის, სერგეი შამბას განცხადებას აფხაზეთში არსებულ პოლიტიკურ-ეკონომიკურ კრიზისზე.

ჩუგოშვილის თქმით, სიფრთხილეა საჭირო როგროც რეაგირების, ისე შამბას განცხადების კოენტირებისას.

დეპუტატმა ასევე აღნიშნა, რომ აფხაზეთის რეგიონის განვითარების გზა არის საქართველოსთან ერთად განვითარება.

„უპირველეს ყოვლისა, ეს განცხადებები ძალიან საყურადღებოა, მაგრამ ჩვენი მხრიდან დიდი სიფრთხილეა საჭირო, როგორც რეაგირების, ისე კომენტირების თვალსაზრისით. ჩვენი პოლიტიკა არის სამშვიდობო პოლიტიკა. ვცდილობთ, შევქმნათ ისეთი გარემო, სადაც აფხაზეთის რეგიონში მცხოვრებ მოსახლეობასაც ექნება საშუალება, განვითარდეს. ცალსახად მგონია, რომ აფხაზეთის რეგიონის განვითარების გზა არის საქართველოსთან ერთად განვითარება. რაც უფრო მეტად გაიაზრებს ამას მოსახლეობა, მთლიანად საქართველოს ტერიტორიისთვის, მათ შორის ოკუპირებული აფხაზეთისთვის ძალიან სასიკეთო იქნება“, – განაცხადა ჩუგოშვილმა.

მისივე თქმით, საქართველოს ხელისუფლების ამოცანა კონფლიქტის მშვიდობიანი მოგვარება და ქვეყნის განვითარებაა.

„ჩვენი ამოცანაა, მშვიდობიანად მოვაგვაროთ კონფლიქტი, განვავითაროთ ჩვენი ქვეყანა მთლიანად, აფხაზეთის რეგიონის ჩათვლით და იმედია, რომ შესაბამისი სენტიმენტები გაჩნდება ოკუპირებულ ტერიტორიებზე მცხოვრებ მოსახლეობას შორისაც. სხვა განცხადებების გაკეთება იქნება რთული ამ ეტაპზე, რადგან დიდი სიფრთხილით უნდა მოვეკიდოთ ამას. ძალიან დიდი იმედი მაქვს, რომ როგორც ჩანს, ასეთი განწყობები ჩნდება, რაც უზრუნველყოფს, იქ მცხოვრებმა მოსახლეობამ გაიაზროს, რომ საქართველოს გარეშე რეგიონი ვერ განვითარდება.

რუსეთი აფხაზეთს არ მისცემს განვითარების შესაძლებლობას, ამას მისცემს მხოლოდ საქართველო საქართველოს შემადგენლობაში“, – განაცხადა ჩუგოშვილმა.

შამბამ ოპოზიციური ძალების ბლოკის შეკრებაზე განაცხადა, რომ აფხაზეთი ღრმა ეკონომიკურ და პოლიტიკურ კრიზისში იმყოფება და ამან შეიძლება რეგიონი დიდი ტრაგედიამდე მიიყვანოს.

„თუ უახლოეს პერიოდში ვერ გამოვალთ ამ კრიზისიდან, ისეთ უფსკრულში გადავცვივდებით, რომლიდანაც ვერ გამოვალთ. მაშინ რისთვის გვჭირდებოდა ეს ბრძოლა? რისთვის ჩავმარხეთ მიწაში ამდენი ძმა და მეგობარი? და ახლა, მას შემდეგ, რაც ჩვენ დამოუკიდებლობა მივიღეთ, ჩვენ შევქმენით სახელმწიფო , რომელიც ჩვენს ისტორიაში არასდროს არ ყოფილა. ჩვენ ვსაუბრობთ აფხაზეთის სამეფოზე, აფხაზეთის სამეფო ბიზანტიას ექვემდებარებოდა, აფხაზი მეფეები იქიდან იღებდნენ ნებართვას, ტიტულებს. ჩვენ მივიღეთ დამოუკიდებლობა, რომელიც არასდროს არ გვქონია და რომლითაც ვერ განვაგებთ, რადგან სახელმწიფოს სათავეში არის უუნარო ხალხის გროვა, რომელსაც არ შეუძლია მართვა და წასვლა არ სურს.


ჩვენ ყველა დამნაშავეები ვართ, უპირველეს ყოვლისა, მე, რომ ისინი მოვიდნენ. მაგრამ იმედი გვქონდა, რო ვიღაცები მოვიდოდნენ, ვინც რამეს გააკეთებდა.

საჭიროა ხალხთან მისვლა და ახსნა, რა ხდება, რომ ხვალ დიდი ტრაგედია გველის, ისეთივე, როგორც მე-19 საუკუნეში, როდესაც ყველაფერი დავკარგეთ. ისევ დავკარგავთ ყველაფერს. მერე მუხლებზე დავიჩოქებით და საქართველოს ან რუსეთს ვთხოვთ, მიგვიღონ თავიანთ შემადგენლობაში. ხვეწნას დავუწყებთ. ეს გვინდა? მე არ მინდა“, -თქვა შამბამ.

წითელ ჯვარს ოკუპანტების მიერ გატაცებული ზაზა გახელაძის მონახულების საშუალება არ ეძლევა

30 ივლისი, 2020 , 12:45

ოკუპანტების მიერ გატაცებული ზაზა გახელაძის მონახულების საშუალება წითელ ჯვარს ამ დრომდე არ აქვს. გავრცელებული ინფორმაციით, საქართველოს მოქალაქე ოკუპირებული ცხინვალის საავადმყოფოდან, კვალვ დროებითი დაკავების იზოლატორში გად

ერგნეთში ინციდენტების პრევენციისა და მათზე რეაგირების მექანიზმის ფორმატში შეხვედრა გაიმართება

30 ივლისი, 2020 , 10:35

ერგნეთში, ინციდენტების პრევენციისა და მათზე რეაგირების მექანიზმის ფორმატით გათვალისწინებული შეხვედრა გაიმართება. ამის შესახებ ინფორმაცია ევროკავრშირის სადამკვირვებლო მისიის ადმინისტრაციამ გაავრცელა. ინფორმაციის თანახმად,

ოკუპირებული აფხაზეთის ე.წ. უშიშროების საბჭოს მდივნად სერგეი შამბა დაინიშნა

29 ივლისი, 2020 , 15:00

ადგილობრივი მედიის ცნობით, ოკუპირებული აფხაზეთის დე-ფაქტო პრეზიდენტმა, ასლან ბჟანიამ ე.წ. უშიშროების საბჭოს მდივნად სერგეი შამბას დანიშვნას ხელი მოაწერა. ამ თანამდებობას 2014 წლიდან მუჰამედ კილბა იკავებდა. თუმცა 2020 წლი

წითელი ჯვარი ზაზა გახელაძეს სავარაუდოდ დღეს მოინახულებს – ლია გიგაური

27 ივლისი, 2020 , 14:55

წითელი ჯვარი ზაზა გახელაძეს სავარაუდოდ დღეს მოინახულებს, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელმა, ლია გიგაურმა განაცხადა. „ჩვენ ინტენსიური

ამერიკის შეერთებული შტატები არასდროს შეეგუება რუსეთის მიერ საქართველოსა და უკრაინის სუვერენიტეტსა და ტერიტორიულ მთლიანობაზე შეტევას - სახელმწიფო დეპარტამენტი

23 ივლისი, 2020 , 18:44

ამერიკის შეერთებული შტატების სახელმწიფო დეპარტამენტი ველესის დეკლარაციის 80 წლისთავთან დაკავშირებით განცხადებას ავრცელებს. დოკუმენტში აღნიშნულია, რომ ამერიკა არასდროს შეეგუება რუსეთის შეტევას საქართველოსა და უკ

ერგნეთში ინციდენტების პრევენციისა და მათზე რეაგირების მექანიზმების შეხვედრა 30 ივლისს ჩაინიშნა

21 ივლისი, 2020 , 12:36

ერგნეთში ინციდენტების პრევენციისა და მათზე რეაგირების მექანიზმების შეხვედრა 30 ივლისს ჩაინიშნა. ამის შესახებ ერგნეთის შეხვედრების თანათავმჯდომარეების ერთობლივ განცხადებაშია ნათქვამი. „ინციდენტების პრევენციისა და მა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე