მოზაიკა

წელის ფართოდ გავრცელებული პრობლემები

წელის ტკივილი ყველასთვის ნაცნობი პრობლემაა და მას ცხოვრებაში ერთხელ მაინც შევუწუხებივართ. ამის გამომწვევი არა ერთი მიზეზი არსებობს, მაგალითად, ეს შეიძლება სპორტულ აქტივობას, ძლიერ ფიზიკურ დატვირთვას, მჯდომარე ცხოვრების წესს ან უმოძრაობას უკავშირდებოდეს. წელის ძლიერ ტკივილს ასევე იწვევს წელკავი, იგივე წელის გაშეშება. ამ ფაქტორების გარდა, არსებობს წელის ტკივილის გამომწვევი სხვა ბევრად სერიოზული მიზეზებიც, როგორიცაა - ხერხემლის რომელიმე პათოლოგია. წელის ტკივილი ხშირია არასწორი მოძრაობის ან ცუდ პოზაში ძილის შემდეგაც. წელის ტკივილის დროს განსაკუთრებით რთულდება მოძრაობა, დახრა და დიდი ხნის განმავლობაში ჯდომა/დგომა. მას ახასიათებს სხვადასხვა სახის ტკივილი:

-ყრუ, ძლიერი ან მწვავე;

-დროგამოშვებითი ან მუდმივი;

-ზედაპირული ან ღრმა.

გარდა ამისა, წელის ტკივილი იწვევს უძილობას, უმოძრაობასა და შრომისუნარიანობის დაქვეითებას. სწორედ ამიტომ, ექიმები წელის ტკივილის დროს პაციენტებს, პირველ რიგში, ურჩევენ ჯანსაღი ცხოვრების წესის დაცვას, ვარჯიშსა და ცურვას. ასევე მნიშვნელოვანია, რომ ამ პრობლემის არსებობის შემთხვევაში მაქსიმალურად შევამციროთ სიმძიმეების აწევას და ისეთი აქტივობები, რომლებიც იწვევს წელის დატვირთვას. გარდა ამისა, წელის ტკივილის დროს ეფექტურია სამედიცინო კორსეტების, ქამრებისა და ფიქსატორების ტარება. არსებობს სხვადასხვა ფორმისა და ფუნქციის წელის კორსეტები და ქამრები, რომელთა შესარჩევად, საჭიროა, რომ პაციენტმა ზუსტად იცოდეს, თუ რისგან არის გამოწვეული წელის ტკივილი. შესაბამისად, წელის ტკივილის არსებობის შემთხვევაში, პირველ რიგში, საჭიროა, რომ კონსულტაცია გაიაროთ ექიმთან და მისი მითითების შესაბამისად დაიწყოთ სწორი და დროული მკურნალობა.