უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
წელს აღმზრდელების ხელფასები გაიზრდება და სკოლის პედაგოგების ანაზღაურებას გაუთანაბრდება - თემურ თორდინავა
თბილისის საბავშვო ბაგა-ბაღების მართვის სააგენტოს დირექტორმა თემურ თორდინავამ წლიური ანგარიშის პრეზენტაციის ფარგლებში განაცხადა, რომ წელს აღმზრდელების ხელფასი გაიზრდება და სკოლის პედაგოგების ანაზღაურებას გაუთანაბრდება.
თორდინავას თქმით, ხელფასების მატება 2016 წლიდან მიმდინარეობს. მაშინ თანამშრომელთა 87%-ის ხელფასი 5%-დან-20%-ამდე გაიზარდა. სააგენტოს ხელმძღვანელის განცხადებით, ზრდა განსაკუთრებით შეეხო ყველაზე დაბალი ხელფასის მქონე პერსონალს. თორდინავა ამბობს, რომ ხელფასების ზრდის ტენდენცია გაგრძელდება, რადგან ამას კანონი ავალდებულებს.
გარდა ამისა, პრეზენტაციაზე მან ასევე ისაუბრა დაგეგმილ და განხორციელებულ ინფრასტრუქტურულ პროექტებზე.
სააგენტოს დირექტორის თქმით, 2016 წელს აშენდა 7 ახალი ბაღი, ასევე იგეგმება 10 სკოლამდელი დაწესებულების გახსნა და 8 ახალი ბაღის მშენებლობა.
პრეზენტაციაზე თორდინავა ასევე გამოეხმაურა ფრაქცია „რესპუბლიკელების“ თავჯდომარეს, ხატუნა სამნიძეს, რომელმაც გააპროტესტა მისი მაღალი ხელფასი. სააგენტოს ხელმძღვანელის აზრით, არაა მართებული 166 ბაგა-ბაღის მმართველი რგოლის ხელფასების შედარება აღმზრდელების ანაზღაურებასთან.
„ამაში უცხო არაფერია, დიახ, მე ხელზე ვიღებ 2500 ლარს, რაც ფიქსირებულად 3125 ლარია. არ არის გასაკვირი, მითუმეტეს თუ შევადარებთ აღმზრდელის ხელფასს, მმართველ რგოლს უფრო მაღალი ხელფასი აქვს, ვიდრე აღმზრდელს, ეს არის ჩვეულებრივი მენეჯმენტის სურათი“,- განაცხადა თორდინავამ.
თორდინავას თქმით, ამ ოდენობის ხელფასს ის 2014 წლიდან იღებს. ის მიიჩნევს, რომ სამნიძის განცხადების მთავარი მიზანი იყო ბაგა-ბაღების მმართვის სააგენტოს მიერ განხორციელებული რეფორმების გადაფარვა.
სააგენტოს ხელმძღვანელმა დაამატა, რომ „რესპუბლიკური პარტიის “ წევრები მას გასულ წელს შეხვდნენ და ანგარიში წარუდგინეს. თორდინავა მზადაა, პარტიის შეკითხვებს უპასუხოს, თუკი „რესპუბლიკელები“ მასთან ხელახლა შეხვედრას გადაწყვეტენ.
ანა მებურიშვილი