პოლიტიკა

ცერცვაძის გარშემო ატეხილი აჟიოტაჟი პოლიტიკურ სპეკულაციებს უკავშირდება - ჯონდი ბაღათურია

პოლიტიკური პარტია „ქართული დასის“ თავმჯდომარემ ჯონდი ბაღათურიამ განაცხადა, რომ ცერცვაძის საქმის გარშემო არსებული აჟიოტაჟის უკან პოლიტიკური ინტერესები დგას.

„სრულიად გამორიცხულია, რომ უკრაინამ გასცეს ცერცვაძე, უბრალოდ ეს ზედმეტი აჟიოტაჟი არის დაკავშირებული პოლიტიკურ სპეკულაციებთან“, - ამბობს ბაღათურია

„ქართული დასის “ ლიდერის თქმით, ის არ მიიჩნევს ცერცვაძეს იმ დონის პერსონად, რომ რუსეთი და საქართველო მისი გადაყვანისთვის გარიგებულიყვნენ.

ბაღათურიას აზრით, სასაზღვრო დეპარტამენტმა უნდა გასცეს პასუხი, თუ როგორ მოხვდა ცერცვაძე უკრაინაში.

ჟურნალისტებთან საუბრისას ბაღათურიამ აღნიშნა, რომ საქართველოს მოქალაქის გადაცემა რომელიმე უცხო ქვეყნისთვის არის ანტიკონსტიტუციური აქტი და სამართლებრივად ეს ყოვლად დაუშვებელია.

შეგახსენებთ, რომ გია ცერცვაძე 2017 წლის 15 იანვარს კიევის საერთაშორისო აეროპორტში დააკავეს რუსეთის მოთხოვნით საფუძველზე დააკავეს. მას ქალაქ სოჭში 2003 წელს მომხდარ განზრახ მკვლელობასა და მკვლელობის მცდელობაში ადანაშაულებენ.

ოპოზიცია ცერცვაძის დაკავებაში საქართველოს ხელისუფლებას ადანაშაულებს. ნაციონალურ მოძრაობაში აცხადებენ, რომ მთავრობა რუსეთთან „მოღალატეობრივ გარიგებაში შევიდა“.

ანა მებურიშვილი