უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
ცესკო ადმინისტრაციული რესურსის შესაძლო გამოყენებაზე იმსჯელებს
ცესკო, რუსთავი2-ის ეთერში გასული სიუჟეტის მიხედვით, ადმინისტრაციული რესურსის შესაძლო გამოყენებაზე მსჯელობს.
საქმე ეხება ტელეკომპანიის ეთერში კვირას გასულ სიუჟეტს, სადაც საბავშო ბაღის პედაგოგეგბის, „ქართული ოცნების“ თბილისის მერობის კანდიდატთან შეხვედრა იყო გადაღებული. ეთერში გასული ფოტო და ვიდეო მასალით თითქოს ირკვევა, რომ შეხვედრას ერთ-ერთი საუბნო საარჩევნო კომისიის თავმჯდომარე - ლალი გამხეტაშვილიც ესწრება.
როგორც ცესკოს სპიკერმა ანა მიქელაძემ რუსთავი2-თან საუბარში განმარტა, აუცილებელია ამ ფაქტის ოფიციალური დადასტურება, ამიტომ, მისი თქმით, ცესკო დღეს მიმართავს შესაბამის საოლქო საარჩევნო კომისიას, რომ მათ საკითხის მოკვლევა განახორციელონ.
„ის ქალბატონი, რომელზეც თქვენ საუბრობთ, სახელი და გვარის მიხედვით, არის საუბნო საარჩევნო კომისიის წევრი. ის არის დიდუბის ნომერ 48-ე საუბნო საარჩევნო კომისიის თავმჯდომარე. თუმცა, აღნიშნული ქალბატონი დანამდვილებით იღებდა თუ არა მონაწილეობას წინასაარჩევნო კამპანიაში ეს არის შესაბამისად დასადასტურებელი. თქვენი სიუჟეტიდან გამომდინარე, საარჩევნო ადმინისტრაცია დაიწყებს ამ საკითხის მოკვლევას. დღეს, გადაეგზავნება ინფორმაცია დიდუბის საოლქო საარჩევნო კომისიას და ის მოიკვლევს აღნიშნულ ფაქტს.
პირველ რიგში, უნდა მოხდეს ფაქტის დადასტურება, ან უარყოფა. ეს ქალი ნამდვილად იყო თუ არა კომისიის წევრი, რომელიც იღებდა აგიტაციაში მონაწილეობას. იმ შემთხვევაში თუკი დადასტურდება, რომ აღნიშნული ქალბატონი, კანონის დარღვევით, იღებდა მონაწილეობას აგიტაციაში, შედგება ადმინისტრაციულ სამართალდარღვევათა ოქმი ქალბატონის დაჯარიმების შესახებ“,- განმარტა მიქელაძემ.
მონიკა დავლიანიძე