კომენტარი

ცესკო ადმინსიტრაციული რესურსის გამოყენების პრობლემას თავს ვერ ართმევს - ლევან თარხნიშვილი

„ევროპული საქართველოს“ წევრის, ლევან თარხნიშვილის შეფასებით, ცენტრალური საარჩევნო კომისია ადმინისტრაციული რესურსის გამოყენების პრობლემას თავს ვერ ართმევს.

გარდა ამისა, თარხნიშვილის თქმით, იმავე დღეს, როგორც კი ადმინისტრაციული რესურსის გამოყენების თაობაზე ცესკომ უწყებათაშორის კომისიასა და 10 ადგილობრივ ორგანიზაციასთან მემორანდუმი გააფორმა, მარნეულში ფიზიკური დაპირისპირება მოხდა და დღემდე ფაქტზე შსს-ს არავინ დაუსჯია.

„როგორც კი შსს-ს წარმომადგენელმა მოაწერა ამ მემორანდუმს ხელი, იმავე დღეს მოხდა ფიზიკური დაპირისპირება მარნეულში, როდესაც თავს დაესხნენ ჩვენს კანდიდატს და დღემდე არავინ დასჯილა, დღემდე საქმე გამოუძიებელია. შეგვიძლია გავიხსენოთ კიდევ ბევრი ასეთი ფაქტი. ასევე, ყველა თანხმდება იმაზე, რომ ერთ-ერთი მთავარი პრობლემაა ადმინისტრაციული რესურსის გამოყენება. გამოქვეყნდა რამდენიმე საერთაშორისო და ადგილობრივი სადამკვირვებლო ორგანიზაციის ანგარიში და ამას ყველა აღნიშნავს. გარდა ამისა, ანგარიშებში საუბარია შემოწირულობების მხრივ არათანაბარ საარჩევნო გარემოზე და საარჩევნო ადმინისტრაციის დაკომპლექტების პრობლემებზე. ეს კი პირდაპირ ცესკოს მოვალეობაა“,-განმარტა თარხნიშვილმა.

მისი შეფასებით, ცენტრალურმა საარჩევნო კომისიამ ამ პრობლემას თავი ვერ გაართვა.

მონიკა დავლიანიძე