პოლიტიკა
ცესკო არჩევნების მეორე ტურებისა და განმეორებითი კენჭისყრის თარიღები ოფიციალურად დაადგინა
ცენტრალურმა საარჩევნო კომისიამ 2016 წლის საპარლამენტო არჩევნების მეორე ტურებისა და განმეორებითი კენჭისყრის თარიღები ოფიციალურად დაადგინა - განმეორებითი არჩევნები მარნეულსა და ზუგდიდში 22 ოქტომბერს ჩატარდება, ხოლო არჩევნების მეორე ტური 48 საარჩევნო ოლქში 30 ოქტომებრს გაიმართება. შესაბამისი გადაწყვეტილება ცესკოს დღევანდელ სხდომაზე მიიღეს.
,,რა თქმა უნდა, არის გარკვეული დანაზოგები, რომელთაც ცენტრალური საარჩევნო კომისია გამოიყენებს მეორე ტურებისთვის, მაგრამ ჩვენ დამატებით ვითხოვთ სახელმწიფო ბიუჯეტიდან 6 056 718 ლარს ყველა იმ არჩევნებისთვის, რომელიც უნდა ჩავატაროთ 22-შიც და 30-შიც“, - განაცხადა თამარ ჟვანიამ.
ცესკო-ს სპიკერის, ანა მიქელაძის განმარტებით, 36-ე და და 66-ე მაჟორიტარულ საარჩევნო ოლქები 22 ოქტომბერს ჩატარებული არჩევნების შედეგების მიხედვით გადაწყდება, გაიმართება თუ არა ამ ოლქებში მეორე ტურები.
,,რაც შეეხება 36-ე და და 66-ე მაჟორიტარულ საარჩევნო ოლქებს - იქ 22 ოქტომბერს გაიმართება განმეორებითი კენჭისყრა და ამ შედეგების მიხედვით გადაწყდება მეორე ტურის საკითხი“, - აღნიშნა ანა მიქელაძემ.