საზოგადოება

ცეცხლის ახალი კერები არ არის - გიორგი მღებრიშვილი

შინაგან საქმეთა მინისტრის, გიორგი მღებრიშვილის ინფორმაციით, ცეცხლის ახალი კერები ბორჯომის ხეობაში არ გაჩენილა და მიმდინარეობს ძველი კერების ჩაქრობა.

მინისტრის თქმით, სამუშაოებში კიდევ 200-300 მაშველი ჩაერთო.

„ტრადიციულად, დღის მეორე ნახევარში ქარი ართულებს სამუშაოებს, თუმცა მიმდინარეობს ინტენსიურად ცეცხლის სალიკვიდაციო სამუშაოები. შემატა ცოცხალი ძალა 200-300 მაშველი სახით, ყველაზე პრობლემური უბანი ამჟამად სოფელ დაბასთან არის. მთის ფერდობზე ხანძარი პრაქტიკულად ლოკალიზებული იყო, მაგრამ ქარმა გააღვივა. ახალი კერები ამ წუთას რუკაზე არ გვაქვს მონიშნული, რადგან არ არის, თუმცა ძველ კერებზე აქტიურად ვმუშაობთ, რადგან ბოლომდე მათი ჩაქრობა ვერ მოხერხდა“, - განაცხადა მღებრიშვილმა.

ანა მებურიშვილი