უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
კომენტარი
ციხიდან გამოვიდა ჩვეულებრივი კრიმინალი, ვანო მერაბიშვილი თავად არის დამხობილი - ირაკლი ღარიბაშვილი
განსაკუთრებული არაფერი მომხდარა და არც მოხდება, ციხიდან გამოვიდა ჩვეულებრივი კრიმინალი, – ამის შესახებ საქართველოს თავდაცვის მინისტრმა, ირაკლი ღარიბაშვილმა ყოფილი პრემიერ-მინისტრის, ვანო მერაბიშვილის განცხადებების კომენტირებისას განაცხადა, რომელსაც პირველი არხი ავრცელება.
„ჩვენს მოქალაქეებს ახსოვთ, როგორც ერთ-ერთი მთავარი შემომქმედი იმ ბოროტი დანაშაულებრივი სისტემისა, რომელიც მან შექმნა სააკაშვილთან, ბოკერიასთან ერთად. ეს კრიმინალი და ერთ-ერთი სახე ამ გარყვნილი, ბინძური სისტემის, რომელიც მათ შექმნეს წლების განმავლობაში და ისინი მართავდნენ ამ დანაშაულებრივი რეჟიმით, დღეს რომ კიდევ ბედავს ასეთი განცხადების გაკეთებას, რა თქმა უნდა, ეს არის ღიმილის მომგვრელი. ის თავად არის დამხობილი და არ მინდა, დამხობილ ადამიანზე ვისაუბრო ამდენი“, – განაცხადა ირაკლი ღარიბაშვილმა.
საქართველოს ყოფილმა პრემიერ-მინისტრმა და შინაგან საქმეთა ყოფილმა მინისტრმა, ვანო მერაბიშვილმა სასჯელაღსრულების დაწესებულება დღეს დილით დატოვა.
ე.წ. მატროსოვის ციხის დატოვების შემდეგ, მერაბიშვილმა ჟურნალისტებთან განცხადებები გააკეთა. „გაძლევთ გარანტიას, რომ ერთ წელიწადში ეს ხელისუფლება დასრულდება“, – აღნიშნა ვანო მერაბიშვილმა.
მისი თქმით, „დღევანდელი ხელისუფლების დამხობის შემდეგ, პოლიტპატიმრებისთვის ამ ციხის კარი ფართოდ გაიღება“.