უკან
სამართალი
22 იანვარი, 2018 16:25
წითელ ხიდზე არადეკლარირებული ოქროს ნაკეთობები აღმოაჩინეს
ფინანსთა სამინისტროს შემოსავლების სამსახურის ინფორმაციით, 20 იანვარს, საბაჟო გამშვებ პუნქტში ,,წითელი ხიდი“, ფინანსთა სამინისტროს შემოსავლების სამსახურის მებაჟე ოფიცრებმა, აზერბაიჯანის მოქალაქის მ.ლ-ს კუთვნილი ხელჩანთის დათვალიერების შედეგად, არადეკლარირებული ოქროს ნაკეთობები (წონა 49.1 გრამი) აღმოაჩინეს.
საქონლის საბაჟო ღირებულებამ 6,880.66 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეს, სანქციის სახით, ფულადი ჯარიმა, 6,880.66 ლარის ოდენობით შეეფარდა.