უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
„წყალი ძალიან სერიოზულად არის ამღვრეული, თევზის დაჭერას ბევრი ცდილობს, მაგრამ მთავარია, ის თევზი არ ვიყოთ, ვისაც დაიჭერენ - დავით უსუფაშვილი
„წყალი ძალიან სერიოზულად არის ამღვრეული და ასეთ ვითარებაში თევზის დაჭერას ბევრი ცდილობს, მაგრამ ჩვენ ის თევზი არ უნდა აღმოვჩნდეთ, ვისაც ამ ამღვრეულ წყალში ვინმე დაგვიჭერს“, - ამის შესახებ დავით უსუფაშვილმა განაცხადა.
„შენების მოძრაობის“ ლიდერის განცხადებით, მსოფლიოში შექმნილ სიტუაციაში, რომელიც განაპირობა აშშ-სა და ევროკავშირის დაპირისპირება რუსეთთან, საქართველოს ამოცანაა, თავისი პრიორიტეტები შეინარჩუნოს. ასე უპასუხა პოლიტიკოსმა გადაცემა „კვირის ინტერვიუს“ წამყვანის, ირაკლი აბსანძის შეკითხვას, შესაძლებელია თუ არა, ტერიტორიული მთლიანობის აღდგენისთვის ან ნატო–შიწევრობის დასაჩქარებლად საქართველოსთვის შესაძლებლობათა ფანჯარა აღმოჩნდეს აშშ–სა და ევროკავშირის რუსეთთან დაპირისპირება, რომელსაც ბევრი ანალიტიკოსი ცივი ომის შემდეგ ერთ–ერთ ყველაზე მძიმე კრიზისად აფასებს.
„როცა სტატუს-კვო მოირღვა და ამის გამო სერიოზული გეოპოლიტიკური რყევებია, ამ პროცესში ჩვენი ნომერ პირველი ამოცანა უნდა იყოს, რაც გვაქვს, ის არ დავკარგოთ. სწორედ ამიტომ უნდა ვიაქტიუროთ“, – განაცხადა უსუფაშვილმა.
მისი თქმით, რუსეთის მიმართ შეურაცხყოფა და ისტერიკა საჭირო არ არის, მაგრამ აუცილებელია, საქართველომ პრინციპული პოზიციები დაიკავოს.
ირაკლი აბსანძის შეკითხვაზე, ნიშნავს თუ არა პრინციპული პოზიციების დაკავება რომელიმე მხარის არჩევას, დავით უსუფაშვილმა განაცხადა, რომ ეს ჩვენი ინტერესების მიხედვით მოქმედებას ნიშნავს.
„აქ იმაზეა საუბარი, რომელი უფრო გვაწყობს და არა იმაზე, თუ რომელი მხარე მოგვწონს. საქართველოს კი, ევროპული დონის ცხოვრების სტანდარტები აწყობს“, – განაცხადა უსუფაშვილმა.
შეკითხვაზე, განიხილავს თუ არა პარლამენტის ყოფილი თავმჯდომარე ისეთ პერსპექტივას, რომ საქართველოს არჩევანის გაკეთება მოუწიოს, შეწყვიტოს თუ არა რუსეთთან სავაჭრო–ეკონომიკური ურთიერთობები იმისთვის, რათა ასოცირების ხელშეკრულებაში დარჩეს, თუ საერთაშორისო საზოგადოების რუსეთთან დაპირისპირება გამწვავდება, დავით უსუფაშვილმა განაცხადა, რომ საქართველოს ყველა ინტერესებიდან გამომდინარე უყურებს და არა მხოლოდ ღირებულებებიდან გამომდინარე. ამიტომ, საქართველოც თავის ინტერესების შესაბამისად უნდა მოიქცეს.
„საქართველოს ინტერესია, იყოს თავისუფალი, ეკონომიკურად წინ წასული და დემოკრატიული, ევროპული, ქრისტიანული სივრცის წევრი. ჩვენი არჩევანი ეს არის“, – განაცხადა უსუფაშვილმა.