უკან

უახლესი ამბები

დღის კალენდარი

ანონსები

არქივი

საზოგადოება

2 მარტი, 2018 16:45
font-size

ცხინვალის რეგიონში დაღუპული არჩილ ტატუნაშვილის მიმართ სოლიდარობის ნიშნით 4 მარტს, 18:30 საათზე თავისუფლების მოედანზე აქცია გაიმართება

ოკუპირებული ცხინვალის რეგიონში დაღუპული არჩილ ტატუნაშვილის მიამრთ სოლიდარობის ნიშნით მოქალაქეთა საინიციატივო ჯგუფი კვირას, 18:30 საათზე თავისუფლების მოედანზე აქციას „მშვიდობა ომზე მეტია!“ გამართავს. შეკრებილები ოკუპაციას გააპროტესტებენ.

„კვირას, 4 მარტს, 18:30 საათზე, თავისუფლების მოედანზე, რუსეთის მიერ ოკუპირებული, სამხრეთ ოსეთის დე-ფაქტო რესპუბლიკის ფორმირებების მიერ მოკლული ქართველი ჯარისკაცის - არჩილ ტატუნაშვილის მიმართ სოლიდარობისა და ოკუპაციის წინააღმდეგ საპროტესტო აქცია გაიმართება.

22 თებერვალს სამხრეთ ოსეთის დე ფაქტო რესპუბლიკის უკანონო ფორმირებებმა, ახალგორში საქართველოს სამი მოქალაქე გაიტაცეს, რომელთაგანაც ერთ-ერთი მათ მიერ მოკლული არჩილ ტატუნაშვილი იყო. სეპარატისული რეჟიმის მტკიცებით ქართველმა ჯარისკაცმა, დაკითხვის შემდეგ, ცხინვალის იზოლატორში გადაყვანისას, წინააღმდეგობა გაუწია ოსურ მხარეს, რა დროსაც მის წინააღმდეგ ძალა გამოიყენეს, რის შემდეგაც იგი კიბეებზე დაგორდა, ხოლო მისი სივდილის მიზეზად გულის უკმარისობას ასახელებენ. სეპარატისული რეჟიმის ეს განცხადება არის სიცრუე, რადგან დე-ფაქტო ხელისუფლება არ თანხმდება ცხედრის გადმოცემას და არც ქართველ ექსპერტებს აძლევენ ცხედრის დათვალიერების უფლებას.

საქართველოს ხელისუფლება გარდაცვლილი ტატუნაშვილის დაუყოვნებლივ გადმოსვენებასა და საქართველოს ორი დაკავებული მოქალაქის დაუყონებლივ გათავისუფლებას მოითხოვს.

ეს არ არის პირველი შემთხვევა, როდესაც მარიონეტული რეჟიმები ჩვენს უდანაშაულო თანამოქალაქეებს ხოცავენ. ყველას გვახსოვს ხურჩაში გიგა ოთხოზორიას მკვლელობა და სხვა არაერთი სასტიკი და დაუნდობელი ნაბიჯი სეპარატისტული რეჟიმებისგან.

აქციის მთავარი მიზანია გამოვხატოთ სოლიდარობა კიდევ ერთი დაღუპული ქართველის მიმართ, რომელიც შეეწირა ოკუპაციას. კიდევ ერთი ქართველი გახდა რუსეთის მიერ ოკუპირებულ ტერიტორიებზე ძალადობისა და რუსული სისასტიკის მსხვერპლი.

ჩვენ, საქართველოს რიგითი მოქალაქეები, ვთვლით რომ აღნიშნული ფაქტს უნდა მიეცეს მკაცრი რეაგირება, როგორც სახელმწიფოსგან ასევე, სამოქალაქო საზოგადოებისგან, რადგან ეს არის დარტყმა სახელმწიფოზე, ჩვენს პრინციპებსა და ფასეულობებზე, განვითარებაზე, ქვეყნის წინსვლასა და ჩვენს მშვიდობიან არჩევანზე.

''TOGETHER WE STAND DIVIDED WE FALL'' .

მიგვაჩნია რომ ქართული სამოქალაქო საზოგადოებას ეს ფაქტი გააერთიანებს და კვირას 18:30 საათზე, დავანახებთ ცივილიზებულ სამყაროს, რომ საქართველო დგას მშვიდობის მხარეს, ხოლო სეპარატისტული რეჟიმი და რუსეთი ისევ ირჩევს ომის, მკვლელობებისა და ძალადობის გზას.

მიმართვა ქართულ მედიასაშუალებებს:

აქციის მთავარი მიზანი არის, ყოველგვარი პოლიტიკური პარტიებისა და სხვადასხვა ორგანიზაციების გარეშე, საქართველოს რიგითმა მოქალაქეებმა დააფიქსირონ საკუთარი მოქალაქეობრივი პოზიცია, გვინდა, მოგიწოდოთ, რომ იდგეთ ჩვენ გვერდით, რადგან დღეს მნიშვნელოვანია, მთელმა მსოფლიომ იცოდეს, რომ ჩვენ არ ვართ ჩუმად, რომ ჩვენ არ ვუხრით თავს რუსეთის მხრიდან ოკუპაციას, რომ ჩვენ დავიცავთ თითოეული ჩვენი თანამოქალაქის ინტერესებს. მოგიწოდებთ, შემუერთდეთ აქციას და მაქსიმალურად გააშუქოთ ქართული საზოგადოების პოზიცია.

მოგიწოდებთ თითოეულ პოლიტიკოსს, თანამდებობის პირებსა თუ ორგანიზაციის წარმომადგენლებს, გადადოთ გვერდით საკუთარი ინტერესები, სკამები, სახელები, მიზნები და დადგეთ რიგით მოქალაქეებთან ერთად, გახდეთ სამოქალაქო საზოგადოების ნაწილი, რომელსაც შეუძლია ყველაზე მნიშვნელოვანი და აუცილებელი ცვლილებების განხორციელება“, - წერია აქციის ფეისბუკგვერდზე.

ორგანიზატორებს შეუერთდა 40-მდე ბარი და რესტორანი, რომლებიც აქციის განმავლობაში, 2 საათით დაიკეტებიან. ესენია:

კანუდოსი

კამორა

ამოდი

ვოდკასტი

ფუნდუკი

პლენტ შოფი

საქსესი

ბურგერ ჰაუსი

ბია +

Wizchiz

Pipes Burger joint

ქეთის ბისტრო

პოლიფონია თბილისი

თონე

Drunk Owl

აზერფეშა

სკოლა skola

ლეილა

შავი ლომი

ემბერ ბარი

რესტორანი ბლუმი

რესტორანი ზალა

ბენდუქიძის კულინარიული აკადემია

ღვინო ანდერგრაუნდი

ლიტერა

კულინარიუმი

ამბავი

დრამა ბარი

ლიტერატურული

ლიტკაფე

kyoto სუში ბარ

G.vino

art cafe home

კობა გვენეტაძე მიკროსაფინანსო სექტორის წარმომადგენლებს შეხვდა

24 სექტემბერი, 2020 , 17:47

ეროვნული ბანკი მუდმივ კომუნიკაციაშია არასაბანკო სექტორთან და ეცნობა COVID-19-ის პანდემიით გამოწვეულ ვითარებას, ასევე, სხვა მიმდინარე საკითხებს. დღეს ეროვნული ბანკის პრეზიდენტმა, კობა გვენეტაძემ მორიგი ასეთი შეხვედრა მიკრ

მაშველი, რომელსაც 10 სექტემბერს 55 წელი შეუსრულდა, 11 სექტემბერს უკვე უმუშევარი იყო - დავით ჭიჭინაძე

24 სექტემბერი, 2020 , 17:25

პოლიტიკური მოძრაობა „ტრიბუნას“ ლიდერი დავით ჭიჭინაძე აცხადებს, რომ მეხანძრე - მაშველი, რომელსაც 10 სექტემბერს შეუსრულდა 55 წელი და 11 სექტემბერს უკვე უმუშევარი იყო, რადგან ასაკის გამო ვეღარ აკმაყოფილებს პროფე

1 აშშ დოლარის ოფიციალური ღირებულება 3.2897 ლარი გახდა

24 სექტემბერი, 2020 , 17:10

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.2897 ლარი შეადგინა. კურსი, რომელიც დღეს მოქმედებდა, 3.2641 ლარი იყო. შესაბამისად, დოლარის ცვლილებამ ეროვნულ

საქართველოს პრემიერ-მინისტრი აზერბაიჯანის რესპუბლიკის საგარეო საქმეთა მინისტრს შეხვდა

24 სექტემბერი, 2020 , 16:50

საქართველოს პრემიერ-მინისტრი, გიორგი გახარია აზერბაიჯანის რესპუბლიკის საგარეო საქმეთა მინისტრ ჯეიჰუნ ბაირამოვს შეხვდა. შეხვედრაზე გაიხილეს ორ ქვეყანას შორის არსებული ურთიერთობები და თანამშრომლობის პერსპექტივები. საუბარი

სოციალურად დაუცველი სტუდენტების სწავლის საფასურის დასაფინანსებლად ელექტრონული პორტალი www.student.moh.gov.ge დღეიდან ამოქმედდა

24 სექტემბერი, 2020 , 16:30

საქართველოს მთავრობის გადაწყვეტილებით, 2020-2021 სასწავლო წლის შემოდგომის სემესტრის სწავლის საფასურის ანაზღაურების მიზნით ან/და 2019-2020 სასწავლო წლის გაზაფხულის სემესტრში 2020 წლის 1 იანვრიდან წარმოშობილი სწავლის საფას

პირველი ოქტომბრიდან თბილისში, რუსთავში, ქუთაისსა და ზუგდიდში I-VI კლასის მოსწავლეები, ხოლო გორსა და ფოთში ყველა კლასის მოსწავლეები საკლასო ოთახებში ბრუნდებიან - მიხეილ ჩხენკელი

24 სექტემბერი, 2020 , 16:30

კორონავირუსის პრევენციის მიზნით, უწყებათაშორისი საბჭოს გადაწყვეტილებით, თბილისში, რუსთავში, ქუთაისსა და ზუგდიდში 1-ლი ოქტომბრიდან I-VI კლასის მოსწავლეებისთვის სწავლა საკლასო ოთახებში განახლდება, ხოლო VII-XII კლასებისთვის

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.