კონფლიქტის ზონა
ცხინვალის საოკუპაციო რეჟიმმა მავთულხლართების მონტაჟი განაახლა
ოკუპირებული სამხრეთ ოსეთის დე-ფაქტო უშიშროების კომიტეტის ინფორმაციით, 2018 წლის 1 ნოემბრიდან ცხინვალის საოკუპაციო რეჟიმმა სოფელ ბალთასთან, რომელიც ქარელის რაიონის სოფელ ატოცს ემიჯნება, მავთულხლართების მონტაჟი განაახლა. დე-ფაქტო უწყების ცნობით, აღნიშნულ ტერიტორიაზე დაახლოებით 1-კილომეტრიანი სიგრძის ბარიერი გაკეთდება.
გარდა ამისა, დე-ფაქტო უწყებამ ოქტომბრის თვეში ე.წ საზღვრის დარღვევის ფაქტების სტატისტიკა გაავრცელა. მათი თქმით, გასულ თვეს საზღვრის 58 დამღვევი დააკავეს. აქედან 44-ს ჯარიმა დაეკისრა, 4 დაექვემდებარა ადმინისტრაციულ ჯარიმას და გაძევებული იქნა, 2 ადამიანს ჯარიმის დაკისრების გარეშე დაატოვებინეს ტერიტორია. 8-ს კი მხოლოდ გაფრთხილება მისცეს.
ოკუპირებული სამხრეთ ოსეთის დე-ფაქტო უშიშროების კომიტეტის ინფორმაციით, დამრღვევთა მიერ გადახდილი ჯარიმების შედეგად ე.წ სახელმწიფო ბიუჯეტში 111500 რუბლი შევიდა.