ეკონომიკა

წლის ბოლომდე ლარის მაჩვენებელი 2.33 ნიშნულამდე გამყარდება - მიხეილ დუნდუა

სავალუტო ფონდის პროგნოზით, ლარი წლის ბოლომდე გამყარებას დაიწყებს და მისი ნიშნული, 2.33-2.34-მდე შენარჩუნდება, – განაცხადა დღეს გამართულ პრესკონფერენციაზე ეკონომისტმა, მიხეილ დუნდუამ.

მისი შეფასებით, საქართველოში როგორც ტურიზმის, ასევე იმპორტის და ექსპორტის მხრივ მდგომარეობა პოზიტიურია, ამიტომ ეროვნული ვალუტის ირგვლივ ატეხილი პანიკა უსაფუძვლოა.

“ყველა ფუნდამენტური ფაქტორი მიუთითებს, რომ ლარს ეკონომიკური პრობლემა არ აქვს. მსოფლიო ეკონომიკური ფორუმის მონაცემებით, ჩვენი მაკროეკონომიკური გარემო საუკეთესოდ შეფასდა და 137 ადგილიდან მსოფლიოში მე-40 ადგილზე ვართ. ძალიან სერიოზული პროგრესი განვიცადეთ.

წლის ბოლოსთვის ლარის ნიშნული, როგორც, ამას სავალუტო ფონდი პროგნოზირებს, 2.33-მდე გამყარდება“, – განაცხადა მიხეილ დუნდუამ.

ნინო ექვთიმიშვილი