საზოგადოება

ცნობელი ამერიკელი ბლოგერი საქართველოს ტურისტული პოტენციალის შესახებ მასალებს მოამზადებს

პოპულარული ამერიკელი ბლოგერი უილ მაკგაუ საქართველოს ტურიზმის ეროვნული ადმინისტრაციის ორგანიზებით ეწვია. ის საქართველოს ტურისტული პოტენციალის შესახებ პოპულარული გამოცემებისთვის მასალებს მოამზადებს.

მაკგაუმ კვირის განმავლობაში სვანეთში, კახეთში, მცხეთა-მთიანეთსა და სამცხე-ჯავახეთში იმოგზაურა.

„ჩემზე დიდი შთაბეჭდილება მოახდინა თქვენმა ისტორიამ, საქართველოს წარსულმა, ქვეყნის კულტურამ. განსაკუთრებით მომწონა კავკასიონის მთები და ხეობები, ასევე კახეთი, რომელიც ღვინის რეგიონია. განსაკუთრებით დიდი შთაბეჭდილება დატოვა ჩემზე ხალხმა. ყველგან ძალიან თბილად მიმიღეს და გამიზიარეს თავიანთი კულტურა“,- ამბობს უილ მაკგაუ.

საქართველოს ტურიზმის ეროვნული ადმინისტრაციის ხელმძღვანელის გიორგი ჩოგოვაძის განცხადებით, საქართველოს ეკონომიკის სამინისტროს ტურიზმის ადმინიტრაცია აგრძელებს ჟურნლისტების მოწვევას, რომლებიც მსოფლიოს მასშტაბით, ჩვენი ქვეყნის პოპულარიზაციაში მნიშვნელოვან როლს თამაშობენ.

მისივე თქმით, სწორედ ასეთი ერთ-ერთი ჟურნალისტი საქართველოს უკვე სტუმრობს და სამომავლოდ როგორც ცნობილ გამოცემებში, ასევე ონლაინ სივრცეში საქართველოს შესახებ ახალი სტატიები გაჩნდება.

ცირა გურგენიძე