საზოგადოება

ცნობილი ფოლკლორისტი ტრისტან მახაური გარდაიცვალა

ივანე ჯავახიშვილის თბილისის სახელმწიფო უნივერსიტეტის ასოცირებული პროფესორი, ცნობილი ლიტერატურათმცოდნე და ფოლკლორისტი, ტრისტან მახაური გარდაიცვალა. ინფორმაციას სოციალურ ქსელში პროფესორის კოლეგები და სტუდენტები ავრცელებენ.

ტრისტან მახაური დაავადებას ებრძოდა. მას ორიოდე წლის წინათ კუჭზე ურთულესი ოპერაცია ჩაუტარდა, თუმცა დაავადების დამარცხება ბოლომდე ვერ შეძლო.

დაახლოებით ერთი კვირის წინ მისი მდგომარეობა დამძიმდა და ის საავადმყოფოში გადაიყვანეს.