უკან

უახლესი ამბები

დღის კალენდარი

ანონსები

არქივი

საზოგადოება

30 მაისი, 2018 15:20
font-size

თსუ-ს ჰარვარდისა და ტაფტის უნივერსიტეტების და მასაჩუსეტსის ტექნოლგიების ინსტიტუტის სტუდენტები ეწვივნენ

ივანე ჯავახიშვილის სახელობის თბილისის სახელმწიფო უნივერსიტეტს ევრაზიის ლიდერობის ტურის ფარგლებში ჰარვარდის და ტაფტის უნივერსიტეტების, და მასაჩუსეტსის ტექნოლგიების ინსტიტუტის სტუდენტები ეწვივნენ. შეხვედრას ქართველ სტუდენტებთან ერთად თბილისის სახელმწიფო უნივერსიტეტის რექტორი გიორგი შარვაშიძეც ესწრებოდა. ამერიკული უნივერსიტეტების სტუდენტების 5-დღიანი ვიზიტის მიზანი რეგიონის უსაფრთხოების, ნატოსა და ევროკავშირში ინტეგრაციის, შავიზღვისპირეთის ქვეყნების ეკონომიკური განვითარების საკითხების შესწავლაა. მსოფლიოს წამყვანი უნიერსიტეტების სტუდენტები იმყოფებოდნენ ოკუპაციის ხაზთან, შეხვდნენ მთავრობის, სამოქალაქო და ბიზნეს სექტორების წარმომადგენლებს.

ტაფტის უნივერსიტეტის სამართლისა და დიპლომატიის ფლეტჩერის სკოლის მაგისტრის ზვიად აძინბაიას განცხადებით, სიმბოლურია რომ სტუდენტების ვიზიტი დემოკრატიული რესპუბლიკის და თბილისის სახელმწიფო უნივერსიტეტის 100 წლისთავს დაემთხვა. „ეს ერთ-ერთი საუკეთესო ღონისძიება იყო, რაც საქართველოში გავმართეთ. გვქონდა შეხვედრა მთავრობასთან, კერძო სექტორთან და სხვა საინტერესო ადამიანებთან, ვიყავით ოკუპაციის ხაზზე. ამერიკელ სტუდენტებს საქართველოს მრავალმხრივი შესწავლა უნდათ - უსაფრთხოებიდან დაწყებული ინვესტიციის გარემოთი და კულტურით დამთავრებული. ვფიქრობ, რომ აქ ყოფნა, თვითონ სტუდენტებთან დალაპარაკება და სტუდენტების აზრის მოსმენაც მათთვის განსაკუთრებით საინტერესოა“,-აღნიშნა ზვიად აძინბაიამ. მან იმედი გამოთქვა, რომ თსუ-თან თანამშრომლობა და მეგობრობა მომავალში გაგრძელდება.

როგორც თსუ რექტორმა გიორგი შარვაშიძემ აღნიშნა, „სტუდენტებთან შეხვედრამ ძალიან საინტერესოდ ჩაიარა, კარგი შეკითხვები იყო, დაისვა მძაფრი კითხვებიც.“ მისივე თქმით, დელეგაციის წევრები სხვადასხვა ქვეყნებში მოგზაურობენ, უზიარებენ თავის გამოცდილებას თანატოლებს.

ჰარვარდის კენედის, ბიზნესის, სამართლის სკოლების, ტაფტის უნივერსიტეტის სამართლისა და დიპლომატიის ფლეტჩერის სკოლის, ასევე მასაჩუსეტსის ტექნოლოგიების ინსტიტუტის მენეჯმენტის სლოუნის სკოლის მაგისტრანტების ტური აზიის ლიდერობის ცენტრის ინიციატივების პატრონაჟით ხორციელდება. პროექტის თემაა „გეოპოლიტიკური ასპექტები და რეგიონული პერსპექტივები“.

„მოხარულები ვართ, რომ ვიმყოფებით საქართველოში და სასწავლო ვიზიტის ფარგლებში ვხვდებით ქვეყნის ლიდერებს, გადაწყვეტილების მიმღებ პირებს, გვაქვს მათთან დიალოგი, ვიგებთ მათ აზრებს და წარმოდგენებს იმის შესახებ, თუ როგორ წარმოუდგენიათ ქვეყნის მომავალი. ეს ვიზიტი მნიშვნელოვანია იმ მხრივაც, რომ დღეს ვიმყოფებით თბილისის სახელმწიფო უნივერსიტეტში, სადაც შევხვდით სტუდენტებს. ჩვენი ვიზიტის მიზანია ვისწავლოთ და ამასთანავე გავცეთ ჩვენი ცოდნა და გამოცდილება, თბილისის სახელმწიფო უნივერსიტეტის სტუდენტებთან შეხვედრა სწორედ ამ მიზანს ემსახურებოდა“,- განაცხადა ჰარვარდის კენედის სკოლის აზიის ლიდერობის ინიციატივების ცენტრის პრეზიდენტმა სამუეილ კიმმა.

შეხვედრის დასასრულს სტუმრებისთვის რამდენიმე მუსკალური ნომერი შეასრულა „თსუ გორდელამ“, რომელიც ცოტა ხნის წინ მასტერკლასით თავად სტუმრობდა ჰარვარდის უნივერსიტეტს.

სასწავლო პროექტის წარმომადგენლები ორგანიზებას უკეთებენ კონფერენციებს და სემინარებს აღმოსავლეთ ევროპაში და მოამზადებენ პუბლიკაციებს მიღებული გამოცდილების საფუძველზე. მნიშვნელოვანია, რომ 2018 წლის სასწავლო ტური ფოკუსირებულია აღმოსავლეთ ევროპის რეგიონზე და მისი შესწავლის მიზნით სტუდენტები 24 მაისიდან 14 ივნისამდე ეწვევიან თბილისს (საქართველო), ბაქოს (აზერბაიჯანი), ანკარას და სტამბოლს (თურქეთი), კიევს (უკრაინა) და ჩისნაუს (მოლდოვა). ტურის მონაწილეები შეისწავლიან პოლიტიკურ, ეკონომიკურ და სოციალურ პრობლემებს სხვადასხვა ორგანიზაციების და მათი ლიდერების დახმარებით. ისინი შეეცდებიან შეისწავლონ რეგიონი და განიხილონ დემოკრატიული რეფორმების, რეგიონული უსაფრთხოების, ნატოსა და ევროკავშირში ინტეგრაციის, შავიზღვისპირეთის ქვეყნების ეკონომიკური განვითარების საკითხები.

საკვანძო სიტყვები:

„იზოლაციისა და კარანტინის წესების დამტკიცების შესახებ“ მთავრობის დადგენილებაში ცვლილებები შევიდა

2 ივნისი, 2020 , 17:15

„იზოლაციისა და კარანტინის წესების დამტკიცების შესახებ“ საქართველოს მთავრობის დადგენილებაში ცვლილებები შევიდა. ცვლილებების თანახმად, 8 ივნისიდან დასაშვები ხდება ყველა ეკონომიკური საქმიანობა სპორტული, კულტურული

მოსალოდნელია წვიმა, სეტყვა და ძლიერი ქარია

2 ივნისი, 2020 , 16:50

გარემოს ეროვნული სააგენტოს ინფორმაციით, 2 ივნისს, დღის ბოლოდან 6 ივნისის დილამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, იქროლებს დასავლეთის მიმართულების ძლიერი ქარი, ზღვ

ტექნიკურ უნივერსიტეტში „დიდი იდეების გამოწვევა 2020“-ის გამარჯვებული ტოპ 10 იდეა გამოვლინდა

2 ივნისი, 2020 , 16:21

საქართველოს ტექნიკურ უნივერსიტეტში კონკურსის - „დიდი იდეების გამოწვევა 2020“ შემაჯამებელი ონლაინ ღონისძიება გაიმართა. ჟიურის გადაწყვეტილებით, გამარჯვება მოიპოვა იდეამ - Contacting Agro-Cam, რომლის ავტორები ტე

გენერალურ პროკურატურაში წიგნის ,,ადამიანის უფლებების დაცვა საქართველოს სისხლის სამართლის მართლმსაჯულების კონტექსტში“ პრეზენტაცია გაიმართა

2 ივნისი, 2020 , 15:00

საქართველოს გენერალურ პროკურატურაში წიგნის „ადამიანის უფლებების დაცვა საქართველოს სისხლის სამართლის მართლმსაჯულების კონტექსტში“ პრეზენტაცია გაიმართა. სახელმძღვანელო, რომელიც განკუთვნილია პროკურორებისთვის და გ

სურსათის ეროვნული სააგენტო დახურული ტიპის საზოგადოებრივი კვების ობიექტებისთვის რეკომენდაციებს გასცემს

2 ივნისი, 2020 , 14:10

სურსათის ეროვნული სააგენტო დახურული ტიპის საზოგადოებრივი კვების ობიექტებისთვის რეკომენდაციებს გასცემს. დახურული ტიპის საზოგადოებრივი კვების ობიექტების ფუნქციონირების აღდგენასთან დაკავშირებით, სურსათის ეროვნული სააგენტოს

“საქმე გვაქვს „ჩასაფრებული ადამიანის“ კლასიკურ შემთხვევასთან” - თენგიზ ცერცვაძე განცხადებას ავრცელებს

2 ივნისი, 2020 , 12:57

ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორი, პროფესორი თენგიზ ცერცვაძე განცხადებას ავრცელებს. ის ერთ-ერთი სააგენტოს მიერ გავრცელებულ ინტერვიუს ეხმაურება. "ა.წ. 22 მაისს რადიო თავი

პირდაპირი TV

daily calendar

ვიდეო გალერეა

ქრისტე აღსდგა!