საზოგადოება

წვევამდელს ექნება განცდა, რომ ის არის სრულფასოვანი ჯარისკაცი - ლევან იზორია

თავდაცვის მინისტრ, ლევან იზორიას განმარტებით, სამხედრო სავალდებულო სამსახური განახლებული ფორმით აღდგება.

როგორც მან ჟურნალისტებს განუცხადა, წვევამდელებს გაეზრდებათ ხელფასი და ექნებათ უქმე დღეებით სარგებლობის საშუალება.

,,წვევამდელთა სისტემა გაცილებით იაფია, ვიდრე საკონტრაქტო სისტემა. საკონტრაქტო თითქმის ორჯერ და მეტჯერ აღმატება, მაგრამ ჩვენ არ გვინდა, ძველ სისტემას დავუბრუნდეთ, არამედ ჩვენ გარკვეული ნოვაციებით წარვდექით საზოგადოების წინაშე.

მნიშვნელოვანი ნოვაცია გახლავთ ის, რომ წვევამდელი მიიღებს ისეთივე საბაზისო მომზადების კურსებს, როგორც საკონტრაქტო მოსამსახურე. მას ექნება განცდა, რომ ის არის სრულფასოვანი ჯარისკაცი. მისი ინდივიდუალური მომზადების დონე მოგვცემს სწორედ ზოგადად ჩვენი საბრძოლო დანაყოფების, საბრძოლო მომზადების დონის კარგ ხარისხს.

სურვილის შემთხვევაში, მათ ავტომატურად შეუძლიათ საკონტრაქტო მოსამსახურის რანგში გააგრძელონ სამსახური ჩვენს დანაყოფებში’’, - განაცხადა ლევან იზორიამ.

ნინო ექვთიმიშვილი