კომენტარი

ცვლილებები, რა თქმა უნდა, იქნება - ეკა ბესელია მმართველ გუნდში საკადრო ცვლილებებზე

საპარლამენტო უმრავლესობის წევრის, ეკა ბესელიას განცხადებით, მმართველ პარტიაში არავითარ დაპირისპირებას ადგილი არ აქვს და საკმაოდ საქმიანი გარემოა.

ჟურნალისტის კითხვაზე, იგეგმება თუ არა საკადრო ცვლილებები მმართველ გუნდში, ბესელია დადებითად პასუხობს.

„არავითარი დაპირისპირება არ არის. ახლა ყველა მობილიზებულია, რომ ვისაც რა შეუძლია ამ პროცესში შეასრულოს დადებითი როლი. ცვლილებები, რა თქმა უნდა, იქნება, ჩვენ ამაზე ვისაუბრეთ, პარტიის თავმჯდომარემ ისაუბრა. ბიძინა ივანიშვილმა ეს ბევრად უფრო ადრე თქვა, რომ ეს არის აუცილებელი და გარდაუვალი. ამ ცვლილებებს ჩვენი მოსახლეობა ელოდება და ითხოვს. ეს იქნება კომპლექსური ცვლილებები. ახლა სახელობითად რაიმეზე საუბარი არ არის სწორი და კორექტული. არავითარი დაპირისპირება არ არის, ძალიან საქმიანი გარემოა“,- განავხადა ეკა ბესელიამ.