კომენტარი

თუ ადამიანი დანაშაულებრივ ქმედებას ჩადის, ის იმსახურებს ინდივიდუალურ გაკიცხვას და არა პოლიტიკურ პარტიასთან დაკავშირებას - ანრი ოხანაშვილი

საპარლამეტო უმრავლესობის წევრი ანრი ოხანაშვილის თქმით, დაკავება პირის ბრალეულობას არ ნიშნავს.

ამის შესახებ ოხანაშვილმა ოთარ აბესაძის ქრთმანის აღების ბრალდებით დაკავების საკითხის კომენტირებისას განაცხადა.

„დაკავება არ ნიშნავს პირის დამნაშავედ ცნობას. სახელმწიფოს რეაქციაა იმასთან დაკავშირებით, რომ შესაძლოა პიროვნებამ ჩაიდინა დანაშაული. ფაქტია, რომ არსებობს საკმარისი მტკიცებულების სტანდარტი, რომ ეს პიროვნება დაეკავებინათ. კონკრეტული პირის მიერ ქმედების ჩადენა, ვერ იმოქმედებს მთლიანად რომელიმე პარტიის იმიჯზე ცუდად. ეს იმას არ ნიშნავს, რომ პოლიტიკიურ პარტიასთან კავშირში შესაძლოა განვიხილოთ ეს ქმედება. თუ კონკრეტული ადამიანი შესაძლო, დანაშაულებრივ ქმედებას ჩადის, თავისი სუბიექტური ინტერესებიდან გამომდინარე, ეს იმსახურებს გაკიცხვას, მაგრამ ეს იმსახურებს პიროვნულ ინდივიდუალურ გაკიცხვას და არა რომელიმე პოლიტიკურ პარტიასთან დაკავშირებას“,-აღნიშნა ოხანაშვილმა.

მონიკა დავლიანიძე