უკან

უახლესი ამბები

დღის კალენდარი

ანონსები

არქივი

სამართალი

2 აგვისტო, 2018 16:25
font-size

თუ არ მოისვენებენ ისინი, ვინც დეკანოზს იცავენ, თვითონაც გაეხვევიან შარში - მეუფე იაკობი

სრულიად საქართველოს კათოლიკოს-პატრიარქის ქორეპისკოპოსის, მეუფე იაკობის განცხადებით, მას ილია მეორისგან აქვს მოსმენილი, რომ დეკანოზ გიორგი მამალაძე დამნაშავეა. ამის შესახებ ბოდბელმა ეპისკოპოსმა ჟურნალისტებს უთხრა.

პატრიარქის ქორეპისკოპოსის განცხადებით, მას პირად საუბარში მეუფე გრიგოლმაც დაუდასტურა, რომ დეკანოზი მამალაძე დამნაშავეა.

კითხვაზე, დეკანოზ გიორგი მამალაძის მიმართ საპატრიარქოს პოზიცია თავიდანვე ასეთი იყო თუ არა, მეუფე იაკობმა უპასუხა, რომ პოზიცია თავიდანვე ასეთი იყო.

„ეკლესიას რომ გვჯეროდეს, რომ უდანაშაულოა, ჩვენ გამოვიყვანდით აქამდე“, -აღნიშნა მეუფე იაკობმა.
კითხვაზე, რას ფიქრობს დეკანოზ გიორგი მამალაძის ბრალდებაზე, რომელიც მას ადანაშაულებს, მეუფე იაკობმა აღნიშნა: „მატყუარა ადამიანია, რა უნდა ვთქვა. ტყუილია“.

მან ასევე ჭორი უწოდა დეკანოზის განცხადება, რომ ის და პატრიარქის მდივანი შორენა თეთრუაშვილი საპატრიარქოში ყველაზე დიდი გავლენებით გამოირჩევიან.

გარდა ამისა, მეუფე იაკობი სასულიერო პირების იმ განცხადებასაც გამოეხმაურა, რომლებმაც თქვეს, რომ ე.წ. ციანიდის საქმეზე საგანგებო შეკრება უნდა შედგეს.

„არ გვინდოდა, რომ ეს თემა ძალიან გახმაურებულიყო და თუ არ მოისვენებენ ისინი, ვინც მას იცავენ, თვითონაც გაეხვევიან შარში“, -განაცხადა მეუფე იაკობმა და აღნიშნა, რომ ის არავის ემუქრება და მისი სიტყვების ადრესატია ყველა ვინც დეკანოზ მამალაძეს იცავს.

მისივე თქმით, საქართველოს ეკლესიის წმინდა სინოდი სავარაუდოდ, შემოდგომაზე შეიკრიბება და ერთ-ერთ საკითხად ე.წ. ციანიდის საქმეზეც იმსჯელებს.

„ალბათ შემოდგომაზე შევიკრიბებით. კონკრეტულად მაგ საკითხზე არა, მაგრამ ერთ-ერთი ეგეც იქნება“,– განაცხადა მეუფე იაკობმა.

პატრიარქის ქორეპისკოპოსის აზრით, გიორგი მამალაძეს დეკანოზის სტატუსი უნდა ჩამოერთვას.

კითხვაზე, ხომ არ გეგმავს დეკანოზ გიორგი მამალაძესთან სასჯელაღსრულების დაწესებულებაში შესვლას, მეუფე იაკობმა აღნიშნა: „ვინც მას ვიცნობთ და ვიცით, რას აკეთებდა, ჩვენ არ შევალთ“.

მეუფე იაკობი მიიჩნევს, რომ უზენაესმა სასამართლომ მიიღო სწორი და ობიექტური გადაწყვეტილება, როდესაც ე.წ. ციანიდის საქმე წარმოებაში არ მიიღო.

ცნობისთვის, ადვოკატების საკასაციო საჩივარი ე.წ. ციანიდის საქმეზე, უზენაესმა სასამართლომ წარმოებაში არ მიიღო.

დეკანოზ გიორგი მამალაძეს პროკურატურა შორენა თეთრუაშვილის ანგარების მოტივით მკვლელობის მომზადებას ედავებოდა. სასამართლოს გადაწყვეტილებით, წარდგენილი მუხლი გადაკვალიფიცირდადა დეკანოზი დამნაშავედ ცნეს შორენა თეთრუაშვილის შურისძიების მოტივით მკვლელობის მომზადებაში. საქალაქო სასამართლომ მას 9 წლით თავისუფლების აღკვეთა მიუსაჯა, რაც მეორე ინსტანციამ უცვლელად დატოვა.

საკვანძო სიტყვები:

საბაჟო გამშვებ პუნქტებში არადეკლარირებული სიგარეტი აღმოაჩინეს

17 ივლისი, 2019 , 13:10

9-17 ივლისს, საბაჟო გამშვებ პუნქტებში: ,,სადახლო-სავტომობილო“, „სარფი“, ,,წითელი ხიდი“ და „ნინოწმინდა“ არადეკლარირებული სიგარეტის ქვეყნის საზღვარზე კანონდარღვევით შემოტანის მცდელობის ფ

დიდი ოდენობით ყალბი ფულის გასაღების ფაქტზე ორი პირი დააკავეს

17 ივლისი, 2019 , 12:15

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, დიდი ოდენობით ყალბი ფულის გასაღების ფაქტზე, ორი პირი დააკავეს. გ

შინაგან საქმეთა სამინისტრომ მაღაზია „აიტექნიკსის“ ქურდობის ფაქტი გახსნა

17 ივლისი, 2019 , 12:15

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, ქურდობის ბრალდებით ორი პირი: 2000 წ

ვიღაცას ძალიან სურს, 20 ივნისს გახარიას მხრიდან ჩადენილი დანაშაული გადააბრალოს სხვას - ბაჩუკი ქარდავა

16 ივლისი, 2019 , 16:45

ვიღაცას ძალიან სურს, გულწრფელ პროტესტს ორგანიზებული ფორმა მისცეს, მერე ეს ორგანიზებული პროტესტი გადააქციოს ორგანიზებულ აჯანყებად და შემდგომ, 20 ივნისს გახარიას მხრიდან ჩადენილი დანაშაული გადააბრალოს სხვას, – ამის შ

„საქართველოს ბანკის` ექსპრეს ფილიალის თანამშრომლებზე თავდასხმისა და ცეცხლსასროლი იარაღის შეძენა-შენახვისთვის ბრალდებულს 11 წელი მიესაჯა

16 ივლისი, 2019 , 16:25

თბილისის საქალაქო სასამართლომ გაიზიარა ბრალდების მხარის მიერ წარდგენილი მტკიცებულებები და ყაჩაღობისთვის და ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვისთვის ბრალდებული კ.ჩ დამნაშავედ ცნო. ა

20 ივნისის მოვლენების საქმეზე დაკავებულ პოლიციელს ბრალი ოფიციალურად წარედგინა

16 ივლისი, 2019 , 15:10

შინაგან საქმეთა სამინისტროს თანამშრომელს პროკურატურამ ბრალი წარუდგინა. 20-21 ივნისის აქციაზე სამართალდამცავთა მხრიდან უფლებამოსილების შესაძლო გადამეტების ფაქტზე მიმდინარე გამოძიების ფარგლებში დაკავებულ შინაგან საქმეთა სა

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს