უახლესი ამბები
არქივი
კომენტარი
თუ ასეთი ცუდები ვართ, რატომ გადარდებთ ჩვენი იქ ყოფნა? – ანდრია ჯაღმაიძე `ოცნების` წინასაარჩევნო კამპანიაში იერარქების მონაწილეობაზე
თუ ასეთი ცუდები ვართ, რატომ გადარდებთ ჩვენი იქ ყოფნა? – ამის შესახებ განცხადება, საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ გააკეთა, რითაც გამოეხმაურა, წინასაარჩევნო კამპანიაში მღვდელმთავრების მონაწილეობას.
მისი თქმით, თუ ვინმეს პირადი სიმპათიები აქვს, ღონისძიებაზე დასწრების უფლება უნდა მიეცეთ.
"მგონია, რომ ეს არის ძალიან სპეკულაციური თემა. ისეთი ღრმა და ძველი რეფლექსია სახელმწიფოებრიობისა, როგორიც ეკლესიას აქვს, არც ერთ პარტიას არ გააჩნია. ვიღაცას თუ პირადი სიმპათიები აქვს, მივცეთ ამის უფლება. დავაკვირდი და ის ტელევიზიები სვამენ ამ კითხვებს, ვინც ყველაზე მეტად ლანძღავს ეკლესიას და მკვლელებს გვეძახიან. თუ ასეთი ცუდები ვართ, რატომ გადარდებთ ჩვენი იქ ყოფნა?", – ამბობს დეკანოზი ანდრია ჯაღმაიძე.