უკან

უახლესი ამბები

დღის კალენდარი

ანონსები

არქივი

საზოგადოება

1 ივნისი, 2017 14:30
font-size

თუ ეს ხდება სახელმწიფო ხელისუფლების ორგანოების ინფორმირებულობის გარეშე, ეს ნიშნავს, რომ ქვეყანაში დაცული არავინაა - სახალხო დამცველი აზერბაიჯანელი ჟურნალისტის საქმეზე

საქართველოს სახალხო დამცველი უჩა ნანუაშვილი აზერბაიჯანელი ჟურნალისტისა და აქტივისტის აფგან მუხთარლის საქმეს გამოეხმაურა. ომბუდსმენის თქმით, საქართველომ ვერ შეასრულა ადამიანის უფლებების ევროპული კონვენციით ნაკისრი ვალდებულებები. მან მიმართა ხელისუფლებას, მიაწოდოს საზოგადოებას ინფორმაცია გამოძიების შედეგებზე, თუ როგორ მოხდა მუხთარლი აზერბაიჯანში.

„საუბარი არის სერიოზულ დანაშაულზე, ეს არ არის რაღაც გადაცდომა, ეს არის სერიოზული დანაშაული, ადამიანის უფლებების ევროპული კონვენციის დარღვევა და საერთაშორისო ნორმების დარღვევა, რომლის წევრი საქართველოა და ქვეყანამ ამით საკუთარი ვალდებულებები არ შეასრულა, პირიქით, და ეს პრობლემაა. მე ვფიქრობ, ალბათ, კარგი იქნება, რომ ყველამ გაიცნობიეროს პასუხისმგებლობა ამ საკითხში და ან მოხდეს კონკრეტულად ინფორმაციის მიწოდება საზოგადოებისთვის, თუ როგორ მოხდა ის, რომ ქალაქის ცენტრიდან დაიკარგა ადამიანი და აღმოჩნდა მეზობელ სახელმწიფოში, თუ ეს ხდება სახელმწიფო ხელისუფლების ორგანოების ინფორმირებულობის გარეშე, რა თქმა უნდა, ეს დიდი პრობლემაა, ეს ნიშნავს, რომ ქვეყანაში დაცული არავინაა და მსგავსი ფაქტი, შესაძლოა, კვლავ განმეორდეს“, - განაცხადა ნანუაშვილმა.

სახალხო დამცველის თქმით, ხელისუფლების ზოგიერთი წარმოამდგენელი ვერ აცნობიერებს აღნიშნული საქმის სიმძიმეს.

„როდესაც ჟურნალისტი ქალაქის ცენტრიდან იკარგება და ის აღმოჩნდება მეზობელ სახელმწიფოში, ასეთი პრეცედენტი ხდება ათწლეულებში ერთხელ და სამწუხაროდ, მე მრჩება შთაბეჭდილება, რომ ხელისუფლების ზოგიერთი წარმომადგენელი ვერ აცნობიერებს იმ სიმძიმესა და იმ მდგომარეობას, რომელიც ამ საკითხთან მიმართებით ქვეყანაში არის“, - განაცხადა ნანუაშვილმა.

შეგახსენებთ, აზერბაიჯანელი ჟურნალისტი და აქტივისტი აფგან მუხთარლი 29 მაისს გაუჩინარდა. მომდევნო დღეს კი გავრცელდა ინფორმაცია, რომ ჟურნალისტი ბაქოს სახელმწიფო საზღვრის სამსახურის საგამოძიებო განყოფილებაში იმყოფებოდა.

31 მაისს აზერბაიჯანულმა მედიამ აზერბაიჯანის გენერალურ პროკურატურაზე დაყრდნობით გაავრცელა ინფორმაცია, რომ 29 მაისს, ადგილობრივი დროით 22:40 საათზე მუხთარლი ბალაქანის რაიონში, აზერბაიჯანის საზღვარზე უკანონოდ გადაკვეთისა და დეკლარაციის გარეშე დიდი ოდენობით თანხის გადატანის ბრალდებით დააკავეს.

გუშინ მუხთარლის სასამართლო პროცესი გაიმართა. როგორც აზერბაიჯანელმა ჟურნალისტმა, ჰადიჯა ისმაილიმ დაწერა ფეისბუკის საკუთარ გვერდზე, მუხთარლის სამთვიანი წინასწარი პატიმრობა შეეფარდა. მას სამი მუხლით წაუყენეს ბრალი.

საქართველოს შინაგან საქმეთა სამინისტრომ კი აზერბაიჯანელი ჟურნალისტის აფგან მუხტარლის საქმესთან დაკავშირებით საქართველოს შსს-მ გამოძიება დაიწყო საქართველოს სსკ-ის 143-ე მუხლით, რაც თავისუფლების უკანონო აღკვეთას გულისხმობს.

ანა მებურიშვილი

პრეზიდენტი გორთან მომხდარი ავტოსაგზაო შემთხვევისას დაღუპული მოქალაქეების ოჯახებს უსამძიმრებს

30 ოქტომბერი, 2020 , 14:15

საქართველოს პრეზიდენტი სალომე ზურაბიშვილი გუშინ, გორთან მომხდარი ავტოსაგზაო შემთხვევისას დაღუპული მოქალაქეების ოჯახებს უსამძიმრებს. ამის შესახებ მან საკუთარ "ფეისბუკის" გვერდზე დაწერა. „მწუხარებას გამოვთქვამ გორთან

არჩევნებში წარმატების შემთხვევაში, საწვავის ფასის 50 თეთრით გაიაფებას უზრუნველვყოფთ - „თავისუფალი საქართველო”

30 ოქტომბერი, 2020 , 14:15

„არჩევნების შემდეგ „თავისუფალი საქართველო“ იქნება ის პოლიტიკური გუნდი პარლამენტში, რომელიც ყველაზე უფრო მწვავე სოციალური პრობლემების მოსაგვარებლად იბრძოლებს“,- ეს განცხადება დღეს „თავისუფალი

ცესკომ იზოლაციაში მყოფი ამომრჩევლების სპეციალური სიები დაამტკიცა

30 ოქტომბერი, 2020 , 14:15

ცესკომ იზოლაციაში მყოფი ამომრჩევლების სპეციალური სიები დაამტკიცა. გადასატანი ყუთის მეშვეობით 31 ოქტომბრის არჩევნებში სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი 10 845 ამომრჩეველი

რა რაოდენობის თანხა შესწირეს მაჟორიტარი დეპუტატობის კანდიდატებმა პარტიებს

30 ოქტომბერი, 2020 , 12:45

მმართველი პარტიის „ქართული ოცნების” 30 მაჟორიტარი კანდიდატიდან შვიდმა, მათი ოჯახის წევრებისა და ბიზნესპარტნიორების ჩათვლით, 2020 წლის იანვრის შემდეგ პარტიას 1,035,000 ლარი შესწირეს. ამის შესახებ “საერთა

არჩევნების დღეს განსაკუთრებული რეჟიმით ვიმუშავებთ - „ენერგო-პრო ჯორჯია“

30 ოქტომბერი, 2020 , 12:45

31 ოქტომბერს, არჩევნების დღეს, ,,ენერგო-პრო ჯორჯია“ განსაკუთრებული რეჟიმით იმუშავებს. ყველა რაიონში, 24 საათის განმავლობაში იმუშავებენ საგანგებოდ დანიშნული მორიგე ჯგუფები, მობილიზებული იქნება ყველა საჭირო ტექნიკაც.

ცესკო, 31 ოქტომბერს, 08:30 საათიდან, რამდენიმე საათში ერთხელ საინფორმაციო ხასიათის ბრიფინგებს გამართავს

30 ოქტომბერი, 2020 , 12:45

ცენტრალური საარჩევნო კომისია, ამომრჩევლების და ყველა დაინტერესებული მხარის დროულად ინფორმირების მიზნით, 31 ოქტომბერს 08:30 საათიდან რამდენიმე საათში ერთხელ საინფორმაციო ხასიათის ბრიფინგებს გამართავს. ცესკოს ინფორმაციით,