პოლიტიკა
თუ გაიგონებთ იმ ადამიანების ხმას ვინც თავისუფლებას შეეწირა, ეს ამ ქვეყნისთვის და თქვენთვის უკეთესი იქნება - ეკა ბესელია
იურიდიულ კომიტეტზე უზენაესი მოსამართლეობის კანდიდატების კენჭისყრა ხმაურის ფონზე მიმდინარეობს.
სხდომაზე სიტყვით გამოსვლის შესაძლებლობა მიეცა პარლამენტის დამოუკიდებელ დეპუტატს ეკა ბესელიას.
მან უმრავლესობას სიტყვით მიმართა.
"მე არ ვარ ის წარსული, მე ვარ ის ადამიანი, ვინც ეს პარტია ჩემი ხელით შევქმენი მათ შორის ივანიშვილთან ერთად. მე ვარ ის ადამიანი, რომელმაც აი ეს ბრძოლა პოლიტიკაში მოსვლამდე გაიარა. აქ მე არავის არ მოვუყვანივარ. 2009 წელს დავტოვე მანდატი და იცით რატომ ? იყო უკანონობა და სიყალბე. აი ამას ვებრძოდი ამდენი წელი, ამიტომ ვერ გადავაბიჯებ ვერასოდეს წითელ ხაზს. ყველაფერი გითხარით, რაც შემეძლო გავაკეთე, თუ გაიგონებთ იმ ადამიანების ხმას ვინც თავისუფლებას შეეწირა ეს ამ ქვეყნისთვის და თქვენთვის უკეთესი იქნება", - განაცხადა ბესელიამ.
შეგახსენებთ, რომ პარლამენტში დღეს უზენაესი სასამართლოს მოსამართლეობის კანდიდატების კენჭისყრა გაიმართება. დილიდან ოპოზიციის წარმომადგენლები და მოქალაქეები პარლამენტის შენობასთან შეიკრიბნენ. აქციის ორგანიზატორები და მათი მხარდამჭერები აცხადებენ, რომ ხელს შეუშლიან უზენაესი სასამართლოს მოსამართლეობის კანდიდატებთან დაკავშირებით პარლამენტში დაგეგმილ კენჭისყრას.
აქციაზე 12 პირია დაკავებული.