უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
პოლიტიკა
თუ გინდათ, ვაშლებს დავუკლოთ, თუ გინდა სხვა რამეს დავუკლოთ - ნუკრი ქანთარია
საპარლამენტო უმრავლესობის წევრმა, ნუკრი ქანთარიამ უკმაყოფილება გამოთქვა კულტურისა და ძეგლთა დაცვის სამინისტროს 2018 წელს გამოყოფილ ბიუჯეტთან დაკავშირებით. დეპუტატის განმარტებით, უწყებას არასაკმარისად აფინანსებენ. ამის შესახებ მან 2018 წლის ბიუჯეტის განხილვაზე პარლამენტის განათლების, მეცნიერებისა და კულტურის კომიტეტისა და სპორტისა და ახალგაზრდულ საქმეთა კომიტეტის ერთობლივ სხდომაზე თქვა.
„62 მილიონი ემატება განათლებას, მაგრამ კულტურის სამინისტრომ რანაირად უნდა მოახერხოს თავისი გეგმების განხორციელება, რეფორმის ჩატარება?! 16 მილიონი ხომ ვიცით, რომ ფრანკფურტის ბაზრობისთვის ემატება, დანარჩენი ერთი მისხალი არაფერს ემატება და ფაქტობრივად, ხელებშეკრულს ვტოვებთ ამ სტრუქტურას.
ვერაფრით გავითავისეთ ის, რომ განათლება და ნაკითხობა არის სხვადასხვა რამე. შეიძლება ჩვენ ნაკითხი ხალხი გამოვუშვათ, მაგრამ არა განათლებული, იმიტომ რომ განათლების საფუძველი არის კულტურა. კულტურის სამინისტროს უნდა ჰქონდეს სტრატეგიული უპირატესობა. სახელოვნებო განათლება განათლება არ არის?! თუ განათლებაში შედის 62 მილიონი, რატომ სახელოვნებოს არაფერი უნდა მოემატოს?! მე არ ვიცი, თუ გინდათ, ვაშლებს დავუკლოთ, თუ გინდა სხვა რამეს დავუკლოთ, ნუღარ იქნება და გადავიდეს თითო-თითო მილიონი მაინც, თუ სხვაგან ვერ ვძებნით ამ თანხებს. მე პირველად რეჟიმში გეუბნებით ამას, ცოტა სხვანაირად გეტყვით პლენარულ სხდომაზე... ოქროს ვაშლები რომ გვინდა, ოქროს პალმები რომ გვინდა, ვერცხლის დათვები და ა.შ., საიდან მოდის ეს, თუ კინოცენტრი იქნება ისევ გაღარიბებულ მდგომარეობაში?! მათხოვრის როლშიც არ არის ახლა კინოცენტრი. კი ბატონო, ტელეფონითაც შეგვიძლია გადავიღოთ ფილმები, მაგრამ ეს არ არის მიღებული პრაქტიკა“, -თქვა ქანთარიამ.
დეპუტატმა მოითხოვა, რომ ბიუჯეტში იყოს გათვალისწინებული ენის დეპარტამენტის დაფინანსებაც.
„მთავრობას ახლა გაცილებით უფრო სერიოზულად მინდა მივმართო - ჩვენ ენის კანონი რომ მივიღეთ, რატომ მივიღეთ?! სად არის ამ ბიუჯეტში ენის დეპარტამენტზე გარკვეული კვოტა? იმიტომ არის რომ ქართულს ვეღარ ვლაპარაკობთ ვერც პარლამენტში და ვერც გარეთ... ენის დეპარტამენტი ამიტომ იყო მნიშვნელოვანი და ორი “კაპიკი” გვენანება ამისთვის?!...“, -აღნიშნა ქანთარიამ.
2018 წლის პროექტით კულტურისა და ძეგლთა დაცვის სამინისტროს ბიუჯეტი 116,5 მილიონ ლარს შეადგენს.
2018 წლის საბიუჯეტო პროექტის განხილვა პარლამენტის სხვადასხვა კომიტეტში გუშინ დაიწყო.
ანა მებურიშვილი