უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
თუ გიორგი გაჩეჩილაძის ბრალდებები დადასტურდება, მზად ვარ, დავტოვო თანამდებობა - პრემიერი
პრემიერ-მინისტრმა გიორგი კვირიკაშვილმა დაუსაბუთებელი და შეურაცხმყოფელი უწოდა ბიზნესმენ გიორგი გაჩეჩილაძის (იგივე მომღერალი „უცნობი“) ბრალდებებს, რომელმაც მთავრობის წევრები კერძო კომპანიებთან კარტერულ გარიგებებში დაადანაშაულა.
კვირიკაშვილის თქმით, გაჩეჩილაძეს შეუძლია, მიმართოს სასამართლოს. მან აღნიშნა, რომ თუ დადასტურდება მინისტრთა კაბინეტის წევრთა ბრალეულობა, ის თანამდებობას დატოვებს.
პრემიერმა განაცხადა, რომ ის ტენდერები, რომელზეც გუშინდელ პრესკონფერენციაზე გაჩეჩილაძე საუბრობდა, კანონის სრული დაცვით ჩატარდა.
„მისგან ასეთ დაუსაბუთებელ შეურაცხყოფას ნამდვილად არ ველოდი და არ შევეგუები. მე არ შემიძლია, მოვისმინო ქება ადამიანისგან და ეს ქება კიდევ უფრო შეურაცხმყოფელი იყო ჩემთვის, როდესაც ის შეურაცხმყოფელად იხსენიებს ჩემი გუნდის წევრებს. მე დაწვრილებით გავეცანი იმ საკითხს, როცა მან ჯანდაცვის სამინისტროს მიერ გამოცხადებულ ტენდერზე ისაუბრა.
ჯერ ერთი, მინდა ვთქვა, რომ როდესაც ის მე დამიკავშირდა, მე, რა თქმა უნდა, მივეცი დავალება მთავრობის ადმინისტრაციას, რომ არ მომხდარიყო ისე, რომ დაჩაგრულიყო ბიზნესმენი, რომ ყოფილიყო თანაბარი საკონკურენციო პირობები ყველასთვის და, რა თქმა უნდა, შემდეგ გავეცანი ამ საქმეს და მინდა, გითხრათ, რომ ტარიელ ხეჩიკაშვილი და ის ბიზნესჯგუფი, რომელშიც მას წილი გააჩნდა, თუ დღეს გააჩნია, როგორც არის, ეს შეგიძლიათ გაარკვიოთ, ის არაფერ შუაში იყო ამ ტენდერთან, სრულიად სხვა კომპანიამ გაიმარჯვა.
მეორე ის, რომ კანონი იყო ზედმიწევნით დაცული და მე მოვითხოვ, რომ მან მიმართოს, კონკურენციის სააგენტოსაც, მაგრამ რომ არ იყოს სპეკულაციები, რომ კონკურენციის სააგენტოს ხელმძღვანელს ნიშნავს მთავრობის ხელმძღვანელი, მიმართოს სასამართლოს.
თუ სასამართლო დაადასტურებს, რომ მთავრობა რამეში შეცდა, მე მზად ვარ, ავიღო ნებისმიერი პასუხისმგებლობა, მათ შორის, დავტოვო კიდევ ჩემი თანამდებობა და თუ დადასტურდება, რომ ყველაფერი იყო კანონის დაცვით ჩატარებული, გამობრძანდეს ბატონი გია გაჩეჩილაძე და მოუხადოს ბოდიში ტარიელ ხეჩიკაშვილსა და ყველას, მათ შორის მეც“, - უთხრა პრემიერ-მინისტრმა ჟურნალისტებს.
გუშინ გიორგი გაჩეჩილაძემ ისაუბრა ტენდერებში კომპანიების მონაწილეობასთან დაკავშირებულ ხარვეზებზე. მისი ინფორმაციით, „სიტროინ ჯორჯიამ“ უსაფუძვლოდ წააგო ჯანდაცვის სამინისტროს მიერ სასწრაფო სამედიცინო დახმარების ავტომობილების ტენდერი. მისი თქმით, ტენდერებში სულ ერთი და იგივე კომპანიები მონაწილეობენ, რომლებიც კარტელს წარმოადგენენ და მათთანაა დაკავშირებული სპორტისა და ახალგაზრდობის ყოფილი მინისტრი ტარიელ ხეჩიკაშვილი.
გაჩეჩილაძემ განაცხადა, რომ ამ საკითხზე სალაპარაკოდ პრემიერ-მინისტრთან მივიდა, თუმცა გიორგი კვირიკაშვილის მაგივრად მას პრემიერის თანაშემწე შეხვდა, რომელმაც სასამართლოში მიმართვა ურჩია.
ანა მებურიშვილი