კომენტარი

თუ მედიისთვის მთავარი თემა საქართველოში დაზიანებული წიფელია, ესე იგი საქართველო სწორი მიმართულებით ვითარდება - გიორგი უძილაური

ფონდი „ქართუს“ საზოგადოებასთან ურთიერთობის სამსახურის უფროსი, გიორგი უძილაური გამოეხმაურა გავრცელებულ ინფორმაციას იმის შესახებ, რომ დენდროლოგიურ პარკში გადასატანად 15 000 ლარად შეძენილი წიფელი ტრანსპორტირებისას შუაზე გადატყდა.

,,თუ მედიისთვის მთავარი თემა საქართველოში დაზიანებული წიფელია, და არა აქციებში მონაწილეთა გვამების სახურავებზე შეყრა, ესეიგი საქართველო სწორი მიმართულებით ვითარდება და ქვეყანაში დემოკრატიის საკმაოდ მაღალი დონეა.

რაც შეეხება წიფელს, ურთულესი ლანდშაფტიდან გამომდინარე, სამუშაოები გართულდა, გაუთვალისწინებელი გარემოებების გამო, წვიმებისგან სველმა ნიადაგმა ვერ გაუძლო ხის სიმძიმეს, ჩაიწია და წიფელი დაზიანდა. ამ მასშტაბის სამუშაოებში გაუთვალისწინებელიც ხდება. თუმცა, ამის მიუხედავად, წიფელი გადარჩა და მისი ტრანსპორტირება დენდროპარკში გრძელდება. დენდროპარკი მაინც აშენდება!’’ - წერს უძილაური სოციალურ ქსელში.