საზოგადოება
თუ მოქალაქეები მასიურად დაარღვევენ უვიზო რეჟიმის პირობებს, ნებისმიერ წევრ-სახელმწიფოს შეუძლია დააყენოს შეჩერების მექანიზმის ამოქმედების საკითხი - ნატალია საბანაძე
საქართველოს საგანგებო და სრულუფლებიანი ელჩი ბელგიასა და ლუქსემბურგში, ნატალია საბანაძე ევროკავშირის ტერიტორიაზე უვიზო გადაადგილების დეტალებსა და პირობებზე განმარტებას აკეთებს.
„ბიომეტრიული პასპორტები, გარკვეული დოკუმენტაცია მაინც საჭირო იქნება, განსაკუთრებით პირველ ეტაპზე, რადგან უცებ რაღაც პრობლემები შეიძლება შეიქმნას. ამიტომ კარგი იქნება თუ აქვთ ჯავშანის დასტური, რისთვის მიემგზავრებიან, ანუ უნდა იყვნენ მზად, იმისთვის რომ საზღვარზე კითხვებს დაუსვამენ და პასუხი უნდა გასცენ. სამი თვის განმავლობაში შენგენის ზონაში მათ შეუძლიათ იმოძრაონ,“ - განაცხადა ნატალია საბანაძემ.
მისივე ინფორმაციით, დღესვე ბრიუსელში ევროკავშირის წევრი ქვეყნების ენერგეტიკისა და ტრანსპორტის მინისტრების სხდომაზე მინისტრები ე.წ. შეჩერების მექანიზმის საკითხსაც განიხილავენ.
საბანაძე საქართველოს მოქალაქეებისთვის განმარტავს დროებითი შეჩერების მექანიზმთან დაკავშირებით არსებულ პროცედურებს, ასევე იმ წესებს, რომლის დაცვაც უნდა მოხდეს, მას შემდეგ, რაც უვიზო მიმოსვლა ძალაში შევა.
„თუ მოქალაქეები მასიურად დაარღვევენ უვიზო რეჟიმის პირობებს, მაგალითად, მოხდება დარჩენა, სამ თვეს გადააჭარბებენ, საბუთები არ ექნებათ, მასიურად მოხდება თავშესაფრის მაძიებელთა ზრდა, თუ არ იმუშავებს რეადმისია, როგორც ეს აქამდე მუშაობდა, ეს არის ის სამი ძირითადი პირობა, რომლის დარღვევის შემთხვევაშიც, ნებისმიერ ერთ წევრ სახელმწიფოს შუძლია დააყენოს საკითხი, რომ ამუშავდეს შეჩერების მექანიზმი,“ - აცხადებს საბანაძე.
ნინო ექვთიმიშვილი