უკან

პოლიტიკა

26 ნოემბერი, 2018 13:00
font-size

თუ „ოცნება“ არ დანიშნავენ რიგგარეშე საპარლამენტო არჩევნებს, ივანიშვილს გარანტიას ვაძლევ, რომ მას ხალხი დაანიშნინებს - თინათინ ხიდაშელი

„ახლა რომ „ქართული ოცნება“ არჩევნების მოგებაზეა გადართული, გასაგებია. ახლა ისინი მხოლოდ საკუთარ ამომრჩეველს ელაპარაკებიან და 29 ნოემბერი რომ გათენდება, ამისთვის რა გეგმა აქვთ და რას ეტყვიან მთელი ქვეყნის მოსახლეობას და არა მხოლოდ საკუთარ ამომრჩეველს, ეს არის მნიშვნელოვანი“, - ამის შესახებ თავდაცვის ყოფილმა მინისტრმა თინატინ ხიდაშელმა „კვირის პალიტრასთან“ ინტერვიუში განაცხადა.

ყოფილმა მინისტრმა მეორე ტურის მოლოდინებზე გაამახვილა ყურადღება.

„ამ არჩევნებზე ივანიშვილისთვის იდეალური ვარიანტი მეორე ადგილზე გასული ბაქრაძე იქნებოდა, ან თუნდაც გამარჯვებული. როდესაც თქვა, პრეზიდენტის პოსტი ოპოზიციამ წაიღოსო, დარწმუნებული ვარ, დავით ბაქრაძეს გულისხმობდა. მე არ ვამბობ იმას, რასაც პოლიტიკურ წრეებში ლაპარაკობენ, რომ ივანიშვილი "ევროპულ საქართველოს" ფულს უხდის, არა, მე ვამბობ, ივანიშვილისთვის მისი რაციონალური გათვლით, იდეალური ვარიანტი რა იქნებოდა - რომ პირადად მიშას დაამარცხებდა, მაგრამ ოპონენტად ისევ "ნაციონალური მოძრაობა" ეყოლებოდა.

ეს სქემა ახალი არ არის, ეს ჰქონდა შევარდნაძესაც, სააკაშვილსაც, მაგრამ ვერ მიხვდნენ, რომ არ მუშაობს. რამდენჯერ უნდა დაგვემართოს, რომ მიხვდნენ, საქართველო არ არის ორპარტიული და მით უმეტეს, ერთპარტიული რეჟიმის შემგუებელი ქვეყანა. როგორც კი ამას ამომრჩეველი ხედავს, აღარ მიჰყვება ხელისუფლებას. 28 ნოემბრის შემდეგ, იმის მიუხედავად, რა შედეგი დადგება და ვინ გახდება პრეზიდენტი, პოლიტიკური პროცესის სადავე ხელში ისევ "ქართულ ოცნებას" დარჩება, ამიტომ პოლიტიკურად აღარც არის საინტერესო, ვინ გახდება პრეზიდენტი“, - განაცხადა ხიდაშელმა.

ხიდაშელის განცხადებით, ამჟამად საინტერესოა, გაიმეორებს თუ არა ბიძინა ივანიშივლი იმავე შეცდომებს, რაც დაუშვეს ექს-პრეზიდენტებმა - მიხეილ სააკაშვილმა და ედუარდ შევარდნაძემ.

„პოლიტიკურად ის არის საინტერესო, ივანიშვილი რამდენად გაიმეორებს იმავე შეცდომას, რაც თავის დროზე დაუშვა შევარდნაძემ და მერე სააკაშვილმა, როდესაც არც ერთი ნაბიჯი არ დათმო უკვე წაგებულ პოლიტიკურ პროცესში და ამის შედეგად ორივემ მიიღო ხელისუფლებიდან აბსოლუტური ჩამოშორება და ოპოზიციისთვის ხელისუფლების აბსოლუტური ¬ გადაბარება. თუ ივანიშვილი უფრო გონიერი აღმოჩნდება, ვიდრე სააკაშვილი, და მიხვდება, რომ პოლიტიკური დინამიკა შეიცვალა და პარლამენტს, რომელიც დღეს საკონსტიტუციო უმრავლესობით ჰყავს წარმოდგენილი, აღარ აქვს საკონსტიტუციო უმრავლესობის ლეგიტიმაცია (და რომ არა აქვს, ყველამ კარგად ვნახეთ, რადგან პრაქტიკულად ყველა მაჟორიტარული ოლქი წააგო, საერთო ჯამურ რიცხვებზე რომ აღარაფერი ვთქვათ), ამ პოლიტიკური პროცესის ბატონ-პატრონი დარჩებიან ისევ ბიძინა ივანიშვილი და "ქართული ოცნება", თუ დანიშნავენ რიგგარეშე საპარლამენტო არჩევნებს. თუ არ დანიშნავენ, ივანიშვილს გარანტიას ვაძლევ, რომ რიგგარეშე არჩევნებს ხალხი დაანიშნინებს. ამიტომ ახლა მხოლოდ მისი გადასაწყვეტია, დაიტოვებს პოლიტიკური მართვის სადავეს, თუ გაუშვებს ხელიდან და იძულებული გახდება, სხვას გადასცეს. მას ახლა ეს გადაწყვეტილება აქვს მისაღები და როგორც გითხარით, მნიშვნელობა არა აქვს, რომელი კანდიდატი მოიგებს. ახლა რომ არჩევნების მოგებაზე არიან გადართული, გასაგებია. ახლა ისინი მხოლოდ საკუთარ ამომრჩეველს ელაპარაკებიან და 29 ნოემბერი რომ გათენდება, ამისთვის რა გეგმა აქვთ და რას ეტყვიან მთელი ქვეყნის მოსახლეობას და არა მხოლოდ საკუთარ ამომრჩეველს, ეს არის მნიშვნელოვანი“, -განაცხადა ხიდაშელმა.

ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად - შალვა ნათელაშვილი

7 მარტი, 2021 , 15:53

თავზარდამცემი ჩანაწერების შემდეგ კიდევ ერთხელ დავრწმუნდით, რომ ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად, – ამის შესახებ „ლეიბორისტული პარტიის“ ლიდერმა, შალვა ნათელ

„გადავწყვიტე პარტიიდან გავიდე და სხვა ამპლუით ვებრძოლო ამ ხელისუფლებას“ - გოგი წულაიამ პარტია “თავისუფალი საქართველო` დატოვა

7 მარტი, 2021 , 14:19

პარტია “თავისუფალი საქართველო" გოგი წულაიამ დატოვა. წულაიამ დღეს ქუთაისში, პარლამენტის ყოფილ შენობასთან გამართულ ბრიფინგზე წასვლის მიზეზზე ისაუბრა და განაცხადა, რომ ბრძოლისთვის მეტი თავისუფლება სჭირდება. წულაიას თქ

ნატო ჩხეიძე: სხვების აზრი არ აინტერესებთ და რაც აინტერესებთ, კი იმუშავებენ იმ განხრით

7 მარტი, 2021 , 13:24

თუ პოლიტპატიმრების გამოშვებაზე დათანხმდებიან და ვადამდელ არჩევნებსაც დანიშნავენ, რომელიმე ცალკე აღებული პოლიტიკური გუნდი კი არა, მთელი ოპოზიცია შევა პარლამენტში, -  ამის შესახებ მოძრაობა „სახელმწიფო ხალხი

შალვა პაპუაშვილი ოპოზიციას: გამოდით ბაბლიდან, გამოდით... გარეთ მზეა. ცაც, ტელესტუდიებისგან განსხვავებით, უღრუბლო

7 მარტი, 2021 , 12:57

ქართული ოცნების წევრი, შალვა პაპუაშვილი ტვ პირველის მიერ გავრცელებულ ფარულ აუდიოჩანაწერზე, რომელშიც, სავარაუდოდ, ბერა ივანიშვილი და ირაკლი ღარიბაშვილი ფიგურირებენ და სკოლის მოსწავლეებზე ძალადობას ათანხმებენ, ხელისუფლებას

არ უნდათ პლებისციტი? მით უკეთესი, პირდაპირი მოთხოვნა არის ვადამდელი არჩევნები - ზაალ უდუმაშვილი

7 მარტი, 2021 , 11:56

პლებისციტზე შეთავაზება ჩვენ გავაკეთეთ ჯერ კიდევ მაშინ, როცა მოლაპარაკების რაუნდები იწყებოდა და შევთავაზეთ ხელისუფლებას ერთ-ერთი კომპრომისული ვარიანტი, მივსულიყავით ვადამდელ არჩევნებამდე, – ამის შესახებ „ნაციო

პლებისციტი არის წარმოუდგენელი წინადადება - მამუკა მდინარაძე

7 მარტი, 2021 , 11:07

ოპოზიცია დღესაც ცდილობს, რომ კომპრომისულ ნაბიჯად გაყიდონ, ეს ვერ გაიყიდება და ვერ შეფასდება კომპრომისად, ვერც გადმოდგმულ ნაბიჯად იქედან გამომდინარე, რომ პლებისციტი არის წარმოუდგენელი წინადადება, - ამის შესახებ გუშინ, პარ